يا أخوي
مسجل الوكالة 500 كثير عليه والله ..
وإذا على التحكم خذ قصتي ..
لما بغيت أركب مسجل الوكالة لقيته غالي .. وبصراحة كمواصفات ما يستاهل 500 ريال .. حتى لو كان وكالة .. لأن جودته أعتقد ما راح تكون أحسن من السي دي الأصلي اللي كل سنة أو سنتين وهي متعطل .. بعكس أجهزة الصوت الثانية ..
قلت خلني أشوف حلول محلات الزينة ..
لقيت عندهم الدرج اللي يركب فيه المسجل بـ 100 ريال .. وتاخذ لك أفخر مسجل يركب على الفتحة تمام التمام ما يزيد عن 450 ريال اللي هو سوني اللي يركب عليه الآيبوود وتقدر تحط له في الشنطة سي دي تشنجر 12 أسطوانة مو 6 ..
بالنسبة للدرج والله ما يختلف عن اللي في الوكالة .. الوكالة تقول بـ 400 ريال وطلبية وبرا بـ 100 ريال ومتوفر ..
نجي للتركيب
توفقت في كهربائي محترف .. قلت له أبغاه يصير مثل مسجل الوكالة .. يعني إذا كان السيدي شغال وشغلت المسجل يفصل معاي السي دي .. ولما أطفي المسجل يرجع السي دي يشتغل .. والعكس .. لا وشرطت عليه حتى الراديو حق السوني إذا اشتغل يفصل راديو الوكالة ..
أخذ عليه 200 ريال ..
لكن الآن ما يفرق عن حق الوكالة شيء إلا إنه سوني ..
للمعلومية .. تلقى نوع من سوني .. يتطابق تماماً مع ديكور السيارة .. بشاشة بيضاء مثل لون الطبلون وشاشة السي دي .. ومفاتيح لونها أحمر وأخضر .. يعني لو تشوفه أجمل من الأصلي ..
والصوت ما يعلى عليه ..
يا رجل الراديو الأصلي لماتشغل الإف إم تحسه عادي .. لكن مع السوني والله تقول في حفلة ..
يعني المسجل كلفني ..
450 ريال كقيمة + 100 درج + 200 تركيب مضبوط مثل شغل الوكالة = 750 ريال ..
يعني إحسبها في التوفير كم ..
واللي يقول لك ترهيم وتقطيع أسلاك وما أعرف إيش ..
صار الترهيم في المسجل حرام ويخرب السيارة والترهيم في الزنون وكشافات الضباب والتحكم في السيدي من الدريكسون ما يحتاج ولا يخرب
يبوي الآن ما عاد فيه تقطيع وتلصيق
قل للكهربائي الله لا يهينك استخدم مكينة اللحام وانت رجال ..
ما دمر جيوبنا إلا تسويق الوكالة لقضية لا تقص اسلاك ولا تلصق ..
طيب حطوا سعر المسجل معقول .. مو خرافي ..
طولت كثير .. فاعذروني ..