كاسترول
موبيل
ولاتقرب شل ابدا
الوكالة ماتصب علب زي ابو يمن
بجهاز يحدد الكمية المناسبة
ولاادري وش نوع الزيت بس الارجح انه كاسترول لان زيوت القير عندهم من كاسترول
السلام عليكم ورحمة الله وبركاتهوالوكالة
وش هو أفضل زيت أستخدمه للهوندا أكورد وبعد كم كيلو أغيره
والوكالة تغير أي نوع من الزيوت لأني توي خلصت التمرين وودي أغير الزيت بدون ما أروح للوكالة
تحياتي للجميع
كاسترول
موبيل
ولاتقرب شل ابدا
الوكالة ماتصب علب زي ابو يمن
بجهاز يحدد الكمية المناسبة
ولاادري وش نوع الزيت بس الارجح انه كاسترول لان زيوت القير عندهم من كاسترول
والله الزيت اللي يحطونه الوكاله العلب اللي يبيعونها عليهاا شعار هوند واضن انها كاااسترول مثل ما تفضل الاخ .
وتغيره ياطويل العمر والسلامه بعد 5000 الاف كيلو .
بس انا من رائي انك تغيره في الوكاله أحسن ..
سألتهم في الشركة يقولون تغير زيت كل 2000 كيلو
وسيفون كل أربعة آلاف
وش رايكم في كلامهم أغير كل 2000 والا كل 5000
أرجوا منكم الرد
وأشكركم على اهتمامكم بالموضوع
في دليل السيارة التغيير كل خمسة آلاف
واللي يقول لك خطأ وغير كل 2500 يبغاله يشغل مخه ..
لأن الزيوت تتطور كل سنة
وأخبر أيام أجدادنا كانوا يغيرونهاكل 2000 و 2500
وانت وميزانيتك إذا راعي قروش وما يهمك الانتظار الممل غير الزيت بالوكالة كل ألفين .. لأن هذي وكالة ولا بد تروج لأي شيء يجيب لها مصلحة
وإن كنت تبغى التوفير غير برا عند أي بنشري عنده مكينة شفط .. وانتبه يفك لك صرة الزيت لأن أبو يمن يشد على الصرة تقول بينه وبينها ثار .. وبعد فترة تخرب عليك ..
والزيت إما تشتري زيت هوندا من الوكالة أو أي زيت عيار 15 على 40 والأفضل كاسترول ولو إنه غالي شوي ..
وبالنسبة للكمية 4 ليتر بدون فلتر ..
و4.5 ليتر بالفلتر ..
التعديل الأخير تم بواسطة إنسان ; 19-11-2006 الساعة 08:24 PM
ياااعمي نصابين بعد 5000 غير الزيت والفلتر ( السيفون )) وعلى مسؤليتي !!
تووكل على الله .
أشكركم على المشاركة
كفيتوا ووفيتوا
والله يعطيكم العافية
يا عمي أنا أغيره بعض الأحيان بعد 10 الاف كيلو
الله يستر
يارجال غير الزيت مع السيفون بالوكالة كل 5 الاف كيلو وريح بالك
تراها كلها 91 ريال وبنفس الوقت اللي بياخذه ابويمن
وهم يعرفوا وشهو زيتهم وفلترهم الاصلي
بالاضافة للخدمات المجانية ضغط هواء الكفرات + موية الراديتر + موية المساحات
وريح راسك الا اذا كنت بمدينة مافيها الوكالة
الاخطبوط كان هنا
تعرف كم يكلفك التغيير برا ومع السيفون شاملاً جميع الخدمات اللي تقدمها الشركة وعليها كمان غيار سادس مجاناً مو أدفع 20 ريال :d عند التميمي لخدمات السيارات
60 ريال
تشمل
غيار زيت بالمكينة يعني بالعيار اللي يجي على المكينة لا نص ليتر يزيد ولا نص ليتر ينقص + فحص على الأقمشة والهوبات والأذرعة + إضافة ماء الراديتر + إضافة ماء المساحات مع فحص جلد المساحات + ضبط ضغط الهواء والكفرات اليكترونياً + تنظيف فلتر الهواء + تغيير فلتر الزيت + فحص زيت القير وحالته ..
مع العلم إن زيت الوكالة نفسه من بترومين .. يعني ما يفرق عن ألترا 7 .. وترى الزيت مو بنوعه وهذا أصلي وهذا تايواني .. بعياره .. وعيار زيت هوندا 15 على 40 يعني غير لك أي زيت بنفس اللزوجة ..
أهم شيء الصرة لا يقربها أحد ..
مواقع النشر (المفضلة)