سؤال بمناسبة الصيانة المجانية (مسأله حسابيه )

**شايف وساكت** · 16-02-2009, 11:05 AM

السلام عليكم ورحمة الله وبركاته

نعود لكم بعد انقطاع؟؟؟؟؟؟؟؟؟

وبمناسبة الصيانة المجانية

مسأله حسابيه ؟؟؟؟

سؤالي انا سويت صيانة 10000 قبل فترة وغيرو الزيت والسيفون وسوى تشييك كامل على السيارة واللان واصل العداد تقريبا 13500 يعني باقي 1500 على صيانة الـ 15000 ( سيارتي أغلب الوقت واقفة ماني راعي هجولة)

المهم انا ناوي أسافر بعد يوم تقريبا المسافة رايح جاي 2000 هل اروح الصيانة الان او بعد ما اجي من السفر

لأنه لو جيت من السفر راح يكون العداد معدي صيانة 15000 بـــ 500ك أو زيادة شوي ( حلها يا مدير)

**meshoo** · 16-02-2009, 11:24 AM

ماتفرق عادي سافر ولما ترجع سوي صيانة 15 الف لان صيانة الـ 15 الف بس تغيير زيت وفلتر والورده فقط

يعني لاتشيل هم

وتروح وترجع بالسلآمه

**البــــــاشا** · 16-02-2009, 11:24 AM

اكيد لمن ترجع روحلهم

اصلا كلاها زيت وبس حق الـ 15000

**aliean222** · 16-02-2009, 12:20 PM

تقدر تروح لهم حتى لو مشيت فيها الى 16000
وتقول لهم انك تبي تدخلها صيانة ال 15000
ومثل ما قالوا الاخوان بس راح يغيرون لك الزيت
فتوكل على الله وسافر فيها وبعد ما ترجع راجعهم....

**الصيعري هوندا** · 16-02-2009, 01:37 PM

أخوي ماعندك مشكله سافر وإرجع لنا بالسلامه إن شاء الله وبعدين راجعهم تراهم حبايب والله

**شايف وساكت** · 16-02-2009, 02:01 PM

المشاركة الأصلية كتبت بواسطة aliean222

تقدر تروح لهم حتى لو مشيت فيها الى 16000

وتقول لهم انك تبي تدخلها صيانة ال 15000
ومثل ما قالوا الاخوان بس راح يغيرون لك الزيت

فتوكل على الله وسافر فيها وبعد ما ترجع راجعهم....

المشاركة الأصلية كتبت بواسطة الصيعري هوندا

أخوي ماعندك مشكله سافر وإرجع لنا بالسلامه إن شاء الله وبعدين راجعهم تراهم حبايب والله

المشاركة الأصلية كتبت بواسطة البــــــاشا

اكيد لمن ترجع روحلهم

اصلا كلاها زيت وبس حق الـ 15000

ألف ألف تشكرات واحترامات لكم على مروركم الغير مستغرب
الله يطمنكم ويريح بالكم

بس عندي استفسار إذذا ممكن أحد يقولي ايش الأشياء اللي اشيك عليها بالسيارة قبل اسافر (غشيم بهالأشياء)

**B Useful** · 16-02-2009, 02:05 PM

دام سيارتك مافيها شي ،، ليش توديها الصيانة ؟

الله يذكر ايام 2006 بالخير الصيانة كانت كل 10.000 كيلو ،،

اما الحين وش هالمصخرة !! كل 5000 كيلو ؟؟ يعني كل شهر اوديها صيانة ؟؟ سلامات ..

اذا سيارتك مافيها شي خلك منهم من زرفهم اللي على الفاضي ،،

تقول الضمان يروح ... الضمان مايروح ومعك لين 100،000 كيلو ،،

وكلن عقلة في راسة ويعرف خلاصة ،، تحياتي للي يودون سياراتهم للصيانة كل 20 او 40 الف كيلو ،،

**B Useful** · 16-02-2009, 02:12 PM

على فكرة ،،، تراها ميب صيانة مجانية ذي اللي معلنين عنها ،،

تراها فحص مجاني واذا رحتو لة بتشوفون انواع المصخرة ..

اذا رحتو فرع خريص بالرياض للصيانة المجانية حاولو لا تطيحون في يد سعودي ..!!

اقول لكم لية ،، لانة بيقعد داخل السيارة ويشغل المكيف ويسمع اغاني ويكبس بالنور ويشيك على المساحات ويتبيثر داخل السيارة ،،
والعامل الاخر برا السيارة بالكشاف يشوف وش فية وش مافية يشيك على تهريبات الزيوت وملاحظات صاحب المركبة ويشيك على كراسي المكينة وهالشغلات اللي تنشاف بالكشاف ،،

هذا هو الفحص المجاني بأختصار وفائدتة الوحيدة اذا قلت لهم ملاحظاتك خلهم يشيكون عليها واذا طلع فيها مشكلة خصم على القطع 35٪ وشغل اليد خصم 20٪

طبعاً اللي مخة نظيف وتطلع عندة مشكلة يشتري القطع بالخصم ويصلحها برا الوكالة ...

**ابوزكي** · 16-02-2009, 03:35 PM

عادي حتى لو كملت ..
روح مشوارك وتعال

**اكورد رمادي 2008** · 16-02-2009, 04:09 PM

توكل على الله يالغالي ولم ترجع بالسلامه ودها الشييك كلها زيت وفلتر

**المباشر** · 16-02-2009, 07:49 PM

ياعمي بلا وكالة بلا هم

انا دخلت موتري تشييك الـ 20 الف تدري وش صار

تغيير زيت وفلتر - وأبشرك اجور العمالة بس علشان تشييك 20 الف 350 ريال ليه ؟؟؟؟

وكل اللي عملوه هو تنظيف الظاهر لراديتر المكيف بشغلة قيمتها 90 ريال بس اسمها جارد اكس

واخرتها زارفيني مبلغ محترم والله لو مغير زيت في البنشري ابرك

اصلآ ماراح يشوفون وجهي الا في صيانة 60 الف << طبعآ توني مسوي صيانة 40 الف

**GameOver** · 19-02-2009, 05:26 AM

الله يوفقك اخوي كوكو كورد وملاحظاتك حلوه هههههههه ضحكتني من جد

**lonly style** · 19-02-2009, 06:20 AM

بس لا تنس بدل زيتها قبل السفر لان 2000 كيلو على سرعات عاليه يبغى ليها زيت جديد وتروح وترجع بالسلامه يخوي

**open window** · 19-02-2009, 02:48 PM

انا غيرت الزيت على 20000 وسافرت ومسكت خطوط الى الليل
ولا غيرته الا على 28000 والزيت ما تغير ولا نقص مشاء الله عليها والسيارة اكورد 2008
وعشان ترتاح ولد خالي دخل سيارته صيانة 20000 وهي ماشية 23500 ما قالوا له شي

**B Useful** · 19-02-2009, 03:18 PM

المشاركة الأصلية كتبت بواسطة lonly style

بس لا تنس بدل زيتها قبل السفر لان 2000 كيلو على سرعات عاليه يبغى ليها زيت جديد وتروح وترجع بالسلامه يخوي

اسمعوا الفتوى !!

من اللي قال لك هالكلام ؟؟؟

**EmPTY** · 19-02-2009, 11:28 PM

..

يابن الحلال عادي مو مشكله .. انا دخلت سيارتي صيانه 20000 والى والحين ماشيه اكثر من 30000 والوضع طبيعي جدا ..

اهم شي الزيت مو ناقص وفيه لزوجه وبس ..

**أسير المشاعر** · 20-02-2009, 02:29 PM

يابن الحلال فلوس الصيانه والله انت اولى بها .. ياخي حراميه وباين من كلامهم انه كله نصب في نصب

انا ولله الحمد مادخلت السياره الا صيانه 1000 <<< الف ... و بعدها ماشافو وجهي،، والحين السياره ماشيه 35 الف

وانا حدي زيت وفلتر بـ 90 ريال ...

امش زين بسيارتكـ وحافظ عليها بتعطيك وماتحتاج لصيانة

**lambo** · 21-02-2009, 02:32 AM

ماشاء الله تبارك الله كل 5000 صيانه
ابسط ياعم ابسط ياعبده جميل وش عليك 350 ريال بارده مبرده
ابقولك شي سيارتي ماشاء الله تبارك الله 2008 ماشيه 80000
تدري كم مره راحت الصيانه مرتين فقط لاغير 1000 كلم
والثانيه كانت عند ال60000 الف لوجود اعطال في السياره
لا وابشرك يوم جيت استلمها ماصلحوا ولا شي عن اللي قلتلهم عليه
كله بس شغل تغيير زيت وفلتر
والمره الجايه انشاء الله ختامها مسك عند المائه الف
طبعا ثالث اكورد معي وعارف الوكاله زين مازين
كله خراط فاضي وفر فلوسك رح سافر
استمتع بالسفر كد الموتر وده صيانه كل 40000 الف
غير زيت كل 5000 او 10000 حسب نوع الزيت
موفق يارب