يا جماعه عندي مشكله هل توجد عندكم نفسها

**مدرك** · 24-11-2006, 06:12 PM

السلام عليكم و رحمة الله و بركاته اخواني الكرم .............انا عندي اكورد 2006 فل مخمل ذهبي اخذتها مع التخفيض الأخيربعد ما اخذت السياره و انا فرحان مو مصدق نفسي بعد ما غسلوها المعرض ( الكفاح) و مشيت عليها كالعاده 80 الى مشيتها 1000 كيلو و تفاجأت بعد ما رحت للدمام على شان تشييك 1000 كيلو لحظة في السياره انها تنحرف الى جهة اليمين و بلغت المهندس و قا لي هذي من الوقفه في الميناء لأن الكفر نزل شوي مع العلم ان السياره مصنعه شهر 5 انجليزي و انا اخذتها شهر 8 انجليزي هل وقفت كثير في الميناء على شان يصير شي بالكفر؟ و صدقته و اخذت السياره و لازالت تنحرف و ديتها تشييك 5000 كيلو و شفت مهندس ثاني و قلت له المشكله و طلعته معي على خط الخبر الدمام السريع و انطلق بالسياره و تركت السكان ( الدركسون) و قلت حق المهندس تبي تموت قال لي لا و انحرفت السياره فينا الى الحاجز الي جهت اليمين و خاف المهندس قلت له صلح لي السياره اجل و بعد ما طلعت السياره سالته قال لي خلاص عملنا لها سحب و طلعت و انا فرحان انهم سحبوها و ما راح تنحرف مره ثانيه و اتفاجأ بنفس المشكله و رجعت الى تشييك ال 10000 كيلو و قلت لهم نفس المشكله و طلعوا السياره و قالوا عملنا لها سحب و طلعت فيها على خط الأحساء و نفس الشي تنحرف السياره و شاورت بعض الأخوان الي عندهم اكورد قالوا السيارات الي عندهم ما تنحرف و المهندس يقول بعد 100 اذا انحرفت السياره مو مسؤليتنا يا جماعه و الله وصلت معاي شاري السياره 77500 ريال من دم قلبي طلعت و من هالسوق الوصخ (سوق الأسهم) بهذا المبلغ و في الأخير اخذ سياره تنحرف الى جهة اليمين و الله ثم و الله بوديها لهم عند شييك 15000 كيلو و اذا ما صلحوها بروح للغرفه التجاريه و اشتكي عليهم هناك

**الوهاج** · 24-11-2006, 06:31 PM

الله يعطيك خيرها ويبعد عنك شرها انشاءالله

كانت عندي في سيارتي 2002 بس انحراف خفيف ورحت للوكيل بعد1000 ك
وطلعت تمام بس الدركسون من الداخل مايل رجعت لهم وهاتك يا حفله ما خليت احد

وخذوهم بصوت تخيل كل المهندسين في حالة طواري عندي وابشر وانشاءالله
وكمان كان فيها صوت الهوا مزعج طالعت زي الفل يا باشا
بس المشلكه الحين الزيت ينقص
ودي ابكي

انت رح لمدير الصيانه وسو لك حفله مع الصبح عندهم والله بصوت العالي

وبتوفيق

**الهادف** · 24-11-2006, 06:45 PM

حتى عندي نفس المشكلة .. سيارتي 2004 تنحرف الا اليمين .. لكن مطنش فيها :d

انا من رايي لا تروح الوكالة لمشاكل مالها داعي في السيارة .. روح لمحل عندة ميزان المهم عندة ذمة وضمير و اوزن السيارة عنده

**922** · 24-11-2006, 08:00 PM

جرب تغير الكفرات وبتدعيلى

لان كفر الوكالة عادة يجي منتهي عمره او بالكاد يعيش 10 الف كلم

**BLK** · 24-11-2006, 10:19 PM

المشاركة الأصلية كتبت بواسطة 922

جرب تغير الكفرات وبتدعيلى

لان كفر الوكالة عادة يجي منتهي عمره او بالكاد يعيش 10 الف كلم

معقولة

أنا كمان سيارتي فيها ميلان بس مطنش :d

**922** · 24-11-2006, 10:52 PM

^^^^^ صحيح

ان مطلع سيارتي 2004

والكفرات تاريخها 2000 وكفر 2001

هذا كفرات الوكالة قديمة ولا مشّكلة بعد

غطوا على ابويمن والله

**BLK** · 25-11-2006, 01:44 AM

^
^

طيب ما تعلمني وين أشوف تاريخ الصنع

لأني دورت و ما شفت شي !!

<<< يبي يضيق صدره :d

**مدرك** · 25-11-2006, 01:05 PM

الله يرحم والديكم على مروركموبعد مشكلة صوت الهوا المزعج ما ادري عندكم و لا لا؟

**S c O r P i O n** · 26-11-2006, 11:08 PM

الموضوع عااادي جدا ولاتهتم وماعليك من الوكالة السيارة يبيلها وزنية او بمعنى اصح سحقية وصارت معاي وللحين السيارة فيها حذفةعجزان اروح اوزنها وللعلم انها ماتكلف ويسويها لك وانت واقف و مثل ماقالو الاخوان تروح لمحل يظمن لك شغلة وتطمن سيارتك مافيها الا العافية وبعدين سيارتك جديدة وعليها تواير ورنجات الوكالة يعني حذفت السيارة موطبيعية ولازم تجيك عليها بأقرب وقت أأمن لك وعند اقرب ميزان وترى افضل من الوكالة بمليون درجة لأنه اختصاصهم والله يحفظ لك سيارتك

**الهادف** · 27-11-2006, 02:49 PM

السلام عليكم ..

هاذي حق اخوي Blk صورة توضح طريقة استخراج تاريخ الانتاج

طبعاً هاذي قطعة من ورقة حق شركة الجميح - قسم الاطارات -

ان شاء الله عما قريب احط الورقة كاملة .. فيها معلومات تفصيلية عن الكفرات .. ما بتخلي اليمانية يقصون عليكم ..

**BLK** · 27-11-2006, 09:37 PM

^^^^^

تسلم أخوي الهادف

الله يعطيك العافية

**الهادف** · 27-11-2006, 11:52 PM

العفو اخو Blk

**ياسر الشمراني** · 28-11-2006, 02:02 AM

ماقصرتوا اخواني

بالنسبه للحذف يمين .. انا كانت تصير معي في كفراتي القديمه ..

لكن يوم غيرت الكفرات الى بريجستون اعتقد خف الإنحراف او تلاشى بالكامل ..

موفق اخوي .