السيكل مال انا شارب ريد بوول

**HONDA HAILL** · 24-02-2009, 10:42 PM

السلام عليكم ..
كيفكم انشالله بخير ..
انا لي سنه وانا اطبق المثل الشهير اللي قاله هتلر >>>>>>> نصاب :d
(((( طنش تعش تنتعش )))
وصراحه ساحب على الصناعيه انواع التسحيب وكنت مهمل السياره بشكل كبير ولو يقووولون تعال نصلح سيارتك ببلاش اقوولهم مناااك ولا يكثر >>>>>> الله الله علينا يا مناحي :p
الزبده اني وديتها للفحص المجاني وخلص ورق ابو هاشم من كثر العلل ماقي الا يقوول المكينه خربانه وصلحت كل الأشياء اللي قالوها جلد امقاص .. عكس يمين .. فحمات .. كراسي مكينه .. صرة زيت .. وكفرات وجنووط والبدي كامل والقزاز والمراتب والجوال والمسجل والتلفزيوون >>>>> يسمع بالتفحيط ما يدري وشلون :d
الزيده ان السياره بس تنطط ( يعني لو ترقا مطب او حفره ما تدري الا راسك ضارب التنده )) قبل الفحص وبعده ولعمكم انا جربت اكثر من كفر ما فيه فايده والمساعدات سليمه وكل الأغرض سليمه بس ما ادري وش علتها بهذلتبي وكل ما ارقى مطب تقوول على هايلوكس مو على اكووورد وللمعلوميه سيارتي اكوورد 2005 سبشل ذهبي >>> يتميلح ;)
بليييييييييييييز اللي يعرف يقوول لي واللي ما يعرف بعد يقولي توقعه بس تكفوون لا تسحبوون علي

تحياااتي / وليد التميمي /// حائل

**ابو سراج** · 25-02-2009, 12:24 AM

السلام عليكم

والله انا ما عندي خلفية عن موضوعك

لكن عجبني اسلوبك في كتابة الموضوع

انا عندي توقع بسيط احتمال هو واحتمال لا

شوف ضغط الكفرات

يمكن يكون مرتفع

الضغط المثالي للكفرات 32

**المباشر** · 25-02-2009, 01:52 AM

والله يالغالي مالك الا توديها ورشة مضبوطة ويشيكون عليها ويعلمونك وش قصتها مع المطبات ..

وين موقعك من الاعراب ؟؟؟

اذا في الدمام - ورشة السعادة

اذا بالرياض ورشة يمدحها كوكوكورد رقمها 20 جنب ورشة الجنوب واذا تبي التوصيف كامل اكتب بخاصية البحث رقم الورشة 20

وبتطلع لك النتائج مرضية جدآ

**dhsv2** · 25-02-2009, 09:14 AM

المشاركة الأصلية كتبت بواسطة ابو سراج

السلام عليكم

والله انا ما عندي خلفية عن موضوعك

لكن عجبني اسلوبك في كتابة الموضوع

انا عندي توقع بسيط احتمال هو واحتمال لا

شوف ضغط الكفرات

يمكن يكون مرتفع

الضغط المثالي للكفرات 32

معلومة اضافية 32 عند الوكالة بالالكتروني
بس عند الورشات العادية 35
اسؤل مجرب لما طلعت سيارتي عند الوكالة بعد تبديل الزيت وفلتر + نفخ الكفرات كتب ضغط الهواء 32
ورجعت البلد وسبوع وشيكت على الكفرات عند بنشري فشفت الضغط 35

بصرااحة انا ابي مقياس ضغط الهواء الكتروني جودة عالية عشان ادا بدلت كفراتي كل اسبوع او اسبوعين اشيك على الضغط :( حرام كفراتي الوكالة سنة كاملة والي قدام انسحلو من المشي والي ورة لسى جديدين والسبب انهم كل يوم ينسمون :(

**أبو سلافـ** · 25-02-2009, 10:37 AM

جربت اكثر من كفر ما فيه فايده

والله يالغلا كنت أعاني مثلك لي أسبوع شاري أكورد 2008واستغربت مافيها أي راحه بالطريق ومطبها قوي

أتكلت على الله وغيرت الكفرات حسيت بفرق كبير وطلع الكفر حق الوكاله تاريخه بنص شهر 5 أو 6 بالضبط ما أذكر سنه 2007 ويمكن السبب طريقة تخزين الكفرات سيئه مع ان بعض انواع الكفرات معروفه قساوتها

لي رجعه أن شاء الله قوقل يعطيك الحلول ..

**HONDA HAILL** · 25-02-2009, 01:30 PM

الله يعطيكم العافيه ما قصرتو .. بس ضغط الهواء توني ادري فيه
وونتظر بقية الأعضاااااء والمشرفين يشاركون ويعطوني آرائهم
شكراَ ابو سراج:d
شكراَ المباشر :d
شكراَ dhsv2:d
شكراَ ابو سلافــ:d

**:": ACCORD :":** · 25-02-2009, 01:44 PM

اخوووي والله انصحك اذا بتغير ركب كفرات مرنجوني ب 1600 صناعه ايطاليه والله روعه

ونقشه رياضيه تعجبك واخذ مقاس 215 \ 55

بس بغيت اسالك انا عندي العكوس تعبانين ويقولون سعرهم نار ؟؟

بغت استفسر بكم ركبتهم ؟

**HONDA HAILL** · 25-02-2009, 02:35 PM

انا اتكلم عن اليمين اليسار ما ادري ما غيرته ولا سألت عن سعره
طبعاََ العكس يجي جزأين جزء داخلي وهو اللي عند القير وجزء خارجي اللي هو عند الكفر :p
الداخلي 1135 ريال سعوودي = بالوكاله
والخارجي نفس السعر او اكثر بمية او مئتين ريال يعني ما تفرق = بالوكاله
المهم انا سولت لي نفسي قالت حرام ادفع هالمبلغ على حديد وانا اجلس اشرب ريد بول طوول الليل اخطط بفكره جهنميه تنقذني من هالمصيبه واقعد اخطط قلت مالي الا اقوم امشي علشان الأفكار تجيني
ترك ..
ترك ..
ترك..
ترك ..
:d واخيرا جاتني الفكره قلت ابي انام بعدها ارووح الصناعيه وماجاني النووم تدروون ليش ( لاني شارب ريد بول )
المهم اني اشتريت تجاري 170 ريال وأخذت الرمان اللي داخل التجاري وركبته بالعكس اللي بالسياره وكذا نكوون انتهينا بلا 1135 بلا هم

**:": ACCORD :":** · 26-02-2009, 12:00 PM

بس ياخوي وضح لي اكثر كيف الطريقه اللي سويت

يعني مايحتاج اغير العكوس بس اغير الرمان ؟؟

لانه بصراحه صوت العكوس ازعجني ومكرهني بالسياره

**HONDA HAILL** · 27-02-2009, 04:12 PM

معليش على الغيبه ................
اخوووي انا كان فيها رجه السياره طلعة المشكله من الرمان لان الرمان هو اكثر شي يخرب واتوقع تغيير الرمان حق العكس يكفي .... بس ترا الرمان ما يجي لوحده لا زم تشتري قطعة العكس كامل ..