عندي مشكلة صوت قوي بالماكينة لما أدعس بنزين

**موسيقار** · 25-02-2009, 10:52 AM

السلام عليكم

مرحبا شباب

عندي مشكلة طفشتني ، سيارتي هوندا أكورد 2003 المشكلة لما أدعس بنزين يطلع صوت قوي كأنه صوت شكمان أو صوت في الماكينة بالضبط لم أعرف مصدره بس الصوت مزعج ، ويخلي الواحد يكره يسوق السيارة الصوت يطلع لما تكون السيارة تتحرك وخصوصاً لما تكون السيارة باردة أو ما شغلتها أكثر من ساعة ، وبعض الأحيان يطلع الصوت لو كانت السيارة واقفة ، والشي محير ، مع العلم بأني ما صار لي شهرين من غيرت هوز الباور ( اللي ) وعملت إصلاح لعلبة الدريكسون .والصوت اللي طلع لي فجأة صار له أسبوعين أو عشرة أيام .
سيارتي نظيفة مرة ، بس اللي يركب السيارة ما يصدق أنها نظيفة من الصوت اللي طلع لي فجــأة
على العموم وديت السيارة لورشة خاصة بالشمكانات قالي الشكمان ما فيه شي
شيكت زيت الماكينة نظيف ولا ناقص ، ومع هذا الشي غيرت الزيت والسيفون حقون الماكينة ، والصوت لا زال موجود
أبي أعرف السبب ممكن أحد يساعدني
وهل أحد حصلت له المشكلة أو لا ؟!

الله يخليكم ردوا علي أبي أعرف السبب

انتظر ردودكم

عاشق الأكورد

**المباشر** · 25-02-2009, 11:44 AM

وعليكم السلام ورحمة الله وبركاتة

ياهلا وغلا فيك يالغالي

والله بخصوص مشكلتك غير واضحة وممكن تحتاج ميكانيكي افضل

لكن حسب كلامك انا جاء في بالي يمكن القازقيت تبع القزوز

هل الصوت يطلع اذا شغلت السيارة وهي بارده واذا حمت شوي يختفي وانت واقف ؟؟

**موسيقار** · 25-02-2009, 01:29 PM

هلا بالمباشر

والله في الحالتين في صوت بس للحين مو عارف المشكلة بالضبط
لو تسمع الصوت تقول كأن طراد بحر أو موتر سيكل ( دباب )
هي بعض الأحيان إذا كانت حامية ومخلي السيارة على الفاضي أدعس بنزين يطلع صوت وبعض الأحيان ما يطلع
ولكن لما تتحرك السيارة يطلع صوت والصوت يصير قوي لما تكون السيارة في الصباح أو إذا توقفت فترة ساعات تقرف وأنت تسمع الصوت .
أنا أقول يمكن بيرنق ( رمان ) أما للدينمو أو علبة الدريكسون مع العلم بأن صار لي شهرين من غيرت البيرنق حق علبة الدريسكون لما عملت لها إصلاح .
بس على فكرة قبل يومين شيكت على زيت علبة الدريسكون لقيته ناقص شوي بس الصوت ما راح

والله تعبت
أنا اليوم احتمال كبير أوديها الورشة في الخضيرية و إن شاء الله يشوفوا لها حل عشان يرتاح بالي .

دعواتكم لي وأن يكون الخراب سهل .

أستاذي المباشر : هل هذا الصوت يمكن أن يكون مصدره بيرنق الكفر مع العلم بأن الكفر صادته ضربة خفيفة قبل شهر تقريباً
وغيرت الكفر و عملت وزنية أذرعة والمقص بعد تعور شوي

هل بيرنق الكفر هو السبب أم ماذا

مع العلم بأني رحت البنشري اللي جنب البيت خليته يرفع السيارة وجلست أدوس بنزين عشان أبي أتأكد هو من الكفر او لا
يقول البنشري ما في صوت

بس بالصراحة أحسه شيك عليها بالسرعة

دعواتك أخوي المباشر أن يكون الشي بسيط وسهل لأني والله رصيدي على وشك يصير صفر

الله يعين الجميع

انتظر ردك وردود بقية الأعضاء

**HONDA HAILL** · 25-02-2009, 01:54 PM

المشاركة الأصلية كتبت بواسطة موسيقار;213
[center

دعواتك أخوي المباشر أن يكون الشي بسيط وسهل لأني والله رصيدي على وشك يصير صفر[/center]

انت الى الحين ما صفرت خخخخخخخخ ياهلا بالموسيقار شف انا بقولك بس حسب تجربتي بسياره مو اكوورد المهم الشكمان والمكينه تكون بينهم نقطة التقاء ويسميه البعض (وجه ) طبهاَ كل الكلام هذا يكوون في مقدمة السياره عند المكينه انا اتوقع صارت لي نفس المشكله رح لميكانيكي كويس وقله يشوف لك الوجه اللي بين المكينه والشكمان
وتيحاااتي

**Dodiii78** · 25-02-2009, 04:57 PM

سلام عليكم
للتأكيد على كلام اخوي المباشر

لكن حسب كلامك انا جاء في بالي يمكن القازقيت تبع القزوز هل الصوت يطلع اذا شغلت السيارة وهيبارده واذا حمت شوي يختفي وانت واقف ؟

وعلى كلام اخوي honda 921

اكوورد المهم الشكمان والمكينه تكون بينهم نقطة التقاء ويسميه البعض (وجه ) طبهاَ كل الكلام هذا يكوون في مقدمة السياره عند المكينه انا اتوقع صارت لي نفس المشكله رح لميكانيكي كويس وقله يشوف لك الوجه اللي بين المكينه والشكمان

طبعا المعنى واحد وصدقني هذه هي المشكله اللي عندك وترى الصوت يصير يزيد مره على مره بعدين تصير تحس نفسك راكب جمس عبارتين

شوفلك حق شكمانات شاطر بس واتوكل على الله وان شاء الله انها تروح

**B Useful** · 25-02-2009, 09:29 PM

وش رايك تلحق على الفحص المجاني بالوكالة وتشوف وش المشكلة وتفتك من وجع الراس وتاخذ خصم 20٪ على القطع واجور اليد اذا تبي تصلحها بالوكالة ؟

**Dodiii78** · 26-02-2009, 08:00 PM

انا اقول امشي مع رأي اخونا كوكو كورد

تلحق على الفحص المجاني بالوكالة وتشوف وش المشكلة وتفتك من وجع الراس وتاخذ خصم 20٪ على القطع واجور اليد اذا تبي تصلحها بالوكالة ؟

وريح راسك وان شاء الله بيفيدوك

**موسيقار** · 03-03-2009, 10:14 AM

هلا شباب

مشكورين على الردود

وديت السيارة عند أكثر من ميكانيكي متخصص في الهوندا أكورد

وقالوا لي أن المشكلة في كراسي الماكينة

يقول كراسي الماكينة وعدد ( 8 ) كلها خربانة والجلد اللي فيها مقطعة

وهذا الشي اللي مسبب لي الصوت

على العموم الحين السيارة صارت كأنها مكسرة عضلاتها راحت فيها

وكل يوم تزيد عن اليوم اللي بعده

بس المشكلة أني ما أقدر أصلحها الحين لأني مرتبط ببعض الامور وعلي التزامات لازم اخلصها

السؤال : بكم سعر الكراسي ( 8 )
أنا سألت : الورشة قال لي : سعر الكراسي تقريباً ( 1700 ) ريال
وشغل اليد : ( 550 ) ريال

يعني غاالي

اتمنى تفيدوني بكل شي

انتظر ردودكم

**المباشر** · 03-03-2009, 12:49 PM

لو رايح الفحص المجاني كان فكيت عمرك وعرفت الخلل بالضبط ويعطونك قائمة بالأسعار مع الخصم ..

الخوف انك تغير الكراسي حسب الميكانيكي ويطلع شي ثاني وتبدأ رحلة العذاب والخسائر

تبي الجد : فرصة ذهبية ضيعتها على نفسك وهي الفحص المجاني