الموضوع: HONDA Accord V6 ~vs~ DODGE Charger V6

بسم الله الرحمن الرحيم

السلام عليكم

أتمنى بدون أي تحيز لأن حتى انا بعد من محبي الهوندا أكورد
::

اول سيارة فكرت فيها وحبيتها هي الدوج تشارجر .. وبالنهاية استقريت وجزمت ع الاكورد 6سنلدر فل


ومره ثانيه رجعت احترت :(

هوندا أكورد 6 سلندر فل أوبشن
داخلية ممتازة
فخامة
سعر غآلي جداً !! 115 ألف للفل،،


أو

دوج تشارجر 6 سلندر
شكل وحشي ورهيييييب وسعر مقبول
داخليه عاديه
يقولون خراباتها كثيره



وجزمت ع التشارجر وسألت مجربين واصلين فوق 50 ألف ماواجهوا خرابات .. يعني كله كلام فاضي
واذا أحد يعرف واحد معه تشارجر ياليت يفيدني

لأني بين نارين :(

المشاركة الأصلية كتبت بواسطة المباشر

والله يالغالي كان عندنا شارجر 2007 ومادري اذا هالنقطة راح تقنعك ( قيمة الشراء حوالي 120 الف - قيمة البيع على الوكالة بعد 9 شهور 69 الف ريال )

مشاكل في الكهرباء

النوع r/t

هذا المطلوب اصحاب التجارب ...

شوف .. انها ماشريتها عشان ابيعها .. آخر شي افكر فيه سعر البيع ،،

يعطيك العافية ،،

::

ماقصرت اخوي ابو وليد

المشاركة الأصلية كتبت بواسطة المباشر

والله يالغالي كان عندنا شارجر 2007 ومادري اذا هالنقطة راح تقنعك ( قيمة الشراء حوالي 120 الف - قيمة البيع على الوكالة بعد 9 شهور 69 الف ريال )

مشاكل في الكهرباء

النوع r/t

شهد شاهد من اهلها:d

اكورد v6 وانت مغمض;)

من رأيي اصوت للاكورد
1- شكل رائع
2- جودة يابانية 100%
3- أسعار قطع الغيار مناسبة بالنسبة لمنافستها
4- سعرها ما يزيد عن منافستها
5- سعر مقنع عند البيع
6- فخامة مقارنة لمنافستها
7- ضمان 100 الف كيلو وصيانة مقبولة لدى الوكيل

اما التشارجر
1- سعر مقبول
2- شكل خارجي
فقط

وفي النهاية القرار راجع لك وعليك بالأستخارة وبالتوفيق لك

اخوي انا واحد صاحبي معاه موديل2006
مررره كررها
يرجال تحسها مفككها
رغم انوووا رجال محافظه عليها زيي عيونه
بس بصراحها هيا فيها قوه مش طبيعه و شكل خارجي بس عيبها زيي ماقلتلك

ابعد عن التشارجر والأمريكي بقدر المستطاع لأنك بتضيع فلوسك فيها وخلك على الأكورد شوف اللي عندي الحمد لله فخامه وراحة بال وقوة وكل شي فيها حلو اما التشارجر ما وراها الا الخساير وجارنا معاه تشارجر لعن الساعه اللي اخذها فيها والحين هو بيبيعها وبياخذله اكورد فك نفسك منها واسف على الاطاله

والله مدري احترت بين اللي يقولون مشاكل .. بينما اللي معهم موديلات 2008 - 2007 ماشين حوالي 50 .. و25 الف
مايشتكون من شي ،،،


والله زدت حيره :(

أخوي الغالي

أنصحك أول شي تستخير والله يكتب اللي فيه الخير

ثانياً :

شغله مهمه أسأل عن قطع الغيار إذا أنت ماراح تبيع السياره والمشاكل اللي تطلع بكثرة بعد فترة الضمان

بحثت في قوقل عن أسعار قطع الغيار للتشارجر ولقيت الإجابه المقتبسه

إذا كان سعر الفحمات الأمـامية للسيارة 750 ريال ! .. فقط الفحمات الأماميــة بهذا السعر !! فما بالك بالقطع الآخرى ...

تخيل أنني اضطررت إلى تغيير فحمات السيارة الأمامية والخلفية ... فقط سعر القطع 750+420

نصيحة لله .. لا تفكر بالإقتـراب من هذه السيارة .. صحيح أنها كشكل ماعليها كلام .. لكن كجودة وقطع غيار وصيانة الله يعينك .

والإجابه هذي لموديل 2006

تغيير فحمات الفرامل الخلفية عند 55000 كلم وكلفت 521 ريال قيمة الفحمات و 140 شغل يد و 45 ريال صنفرة هوبات .... يعني كله كلف 706 ريال.

تغيير الفحمات الامامية عند 67500 كلم وكلفت 550 ريال

عند ال 67000 كلم, بدأ ظهور صوت مزعج من فتحة السقف... ووديتها وصلحوها بقيمة 455 ريال.

عند ال 60000 كلم, مشيت على كلب ميت بالخط السريع وشال لي قطعة حديدية بأسفل السيارة ورحت الوكالة وصلحوها ب 350 ريال.

تغيير البواجي عند 65000 كلم, وكلفت 440 ريال.. وهي عبارة عن 16 بوجي مو 8.

هذا اللي لقيته عن التشارجر

اما الهوندا فراح يفيدك احد الاعضاء عن القطع

وإذا تبي تريح راسك من القيل والقال

أتصل على الشركة المتحده و هاشم وقارن بينهم من ناحية الأسعار في القطع الاستهلاكية

وبالتوفيق أخوي

اكوردv6

قطع الغيار قريبة من بعض الهوندا والـ تشارجر ،،


لكن اتكلم عن مشاكل وخرابات .. هل هي فعلاً كثيرة ولا بس ( يقولون )
هل تعطي 5 - 6 سنوات قدام ؟

والله التشارجر من الخارج دمااااااار بس من الداخل لك عليه
اما من ناحية خرابات والله ما أفتيك لأني ماعندي علم فيها
بخصوص قطع الغيار على ما أعتقد إنه بإمكانك تطلب برنت لقطع الغيار الأكثر استخداما من الوكالتين
آمل اني افدتك

ياناس افهمووني :d !!

ماقصرتوا يعطيكم العافية .. بس انتم تتكلمون عن سعر بعد البيع ! .. وعن قطع الغيار !!

قطع الغيار اشوفها مناسبة .. ولايهمن سعر البيع

انا ابي ناحية واحده .. خراباااات ،،

زور مراكز الصيانة التابعة للوكالة واسئل اصحاب السيارات اللي تقابلهم هناك
وبالتوفيق لك

تبي النصيحة خذ اكورد لك ولزمن
التشارجر ديكور من برى بس
فيه واحد من العيال يبغى يشتري سياره وراح المعارض وحصل تشارجربــــ 50 الف نظيف الموتر مشاء الله
الحين ماله 3 شهور ومتحسف يقول ياليتني ما اخذ كرولا فل وكاله

هذي الصورة الاقيها في موقع بس مادي اي موقع

الصوره تتكلمـ

تبي نصيحـتي
لا تـاخذ اكورد ولا تشارجر
اذا تبي موتر صح خذ لك افـالون وانت مغمض
يـاويل حالي بس وترى سعرهـا قريب من سعر الـV6
واذا ماسكه على هالموترين انا اشوف الاكورد احسن لك

تحيتي

والله مدري احترت بين اللي يقولون مشاكل .. بينما اللي معهم موديلات 2008 - 2007 ماشين حوالي 50 .. و25 الف
مايشتكون من شي ،،،

السياره الى الحين جديده وشلون تبيه تخرب

انت فكر من 80 وفوق لاتناظر قريب

اتوقع الاكورد ازين بكثيرررر