مراسلكم من امريكا

**باريس نجد** · 14-03-2009, 02:29 AM

مساكم الله بالخير جميعاً
وش اخباركم ووش علومكم بشروني عنكم

الحمد لله والشكر وفضل منه ... شريت اكورد 2009
فل كامل 4 سلندر .. ودخلت مواقع امريكيه كثيره ابي اشوف وش الجديد

عشقى الكبير هو اكورد .. وصراحه احب ادلع الهنادي .. لانه تستاهل التدليع

ابي رايكم ياشباب وش اصلح فيها ووش احط .. احب اللمسات بس مخي متحجر .. ماعندي غرابي ولا كان
قلت امر الغرابي اشوف وش عندهم وعلى المزاج الواحد يزبط اموره

هذي كم صوره للسياره .. واذكرو الله ترى العين حق ياجماعه الخير

ماشاء الله تبارك الله

المواصفات
١- اكورد ٤ سلندر
٢- الفئه EX
٣- فل كامل مخمل داخلي لاني صراحه ماحب الجلد
٤- مثبت سرعه مع تحكم بالمسجل والرادو
٥- مرتبه السواق والرديف تحكم كهرباء
٦- اير باق السواق الرديف والبيبان الخلفيه
٧- مانع انزلاق .. باين بالصوره .. للثلج .. طبعاً عندنا هذا ;)
٨- المسجل .. فيه راديو ستلايات .. بس ماشبكته يبيله دراهم ..
تايتل .. اللي هو عنوان الاغنيه المشغله .. ٦ سيديات .. نظام mp3 folders
٩- AUX اقزلريشن .. للايبود مع شاحن داخل الدرج
١١- حساس انوار .. للتشغيل الاتوماتيكي .. يعني اذا طفيت السياره يطفى النور واذا شغلت السياره يشتغل النور اتوماتيك
١٢- مفتاح قراج .. بس الى الحين ماركبته .. عندي بركتونه يركب عند درج النظارات
١٣- جنوط ١٧ انش
١٤- فتحه سقف
--------------------------------------
بالنسبه للضمان
الضمان يجي اما ستين الف ميل او ثلاث سنوات
وتقدر تشتري ضمان زياده الى ميه الف ميل او ثمان سنوات على حسب دراهمك
الضمان يشمل كل شي .. على قولت الامريكان بمبر تو بمبر
والمقصود فيها من صدام الى صدام كله مضمون ..
مالك الا بنزين وزيت وبس والباقي على الضمان
---------------------------------------
اذا دخلت الوكاله تقدر انت تبني سيارتك على حسب دراهك .. وتحط فيها المواصفات اللي انت تبي .. بس المشكله الوحيده هي اللون ..
انا كنت اتمنى اني اشري اللون الؤلؤي بس المشكله انه مايجي الا ٦ سلندر
علشان كذا اخذت الفضي
الفوق لايت .. اللي هي الاكباس .. تقدر تضيفها انت ..
وحتى الاشارات اللي بالمرايات
والجناح
كل شي له قيمه .. اهم شي دراهمك

قيمه السياره بالريال السعودي تبدا من ٧٥ الف ريال
وتاصل الى ميه الف على حسب المواصفات اللي انت تبي

ولا تنسى عندك ضرايب على السياره على حسب قيمتها تدفعه
واوارق ثبوتيه .. اللي هي عندنا اوراق البلديه والخرابيط حقت المرور

طبعاً اذا شريت السياره .. على طول اول ماتدفع يعطونك المفتاح
مافيه قولت رح للمرور وجب اللوحات نعطيك السياره
ماعندهم وقت .. تدفع تاخذ السياره
يعطونك لوحه موقته ... ورق وعليها رقم لمده شهر
بعدين انت تروح بموجب اللوحه المؤقته تطلع الرقم اللي انت تبيه
ولا تكتب اي اسم تبيه وكل شي برضو بدراهمك مأحد له منه عليك بشي

المفتايح يجي معه ثلاث مفاتيح .. وتقدر تطلب مفتاح كرت تحطه مع بالمحفظه

اتوقع على كذا كتبت لكم كل شي ..

واللي عنده اي استفسار انا حاضر

تحياتي للجميع

**اتحادي** · 14-03-2009, 02:34 AM

الله يعطيك خيرها و يكفيك شرها

بس الصور مي طالعه اخوي

**باريس نجد** · 14-03-2009, 02:47 AM

جالس احاول ارفعها واحطها على الموقع بس اخوووك لك عليه شوي في المنتديات

علشان كذا حطيتها في المرفقات .. لعلها تطلع عندكم

ان شاء الله طلعو الصور

**اتحادي** · 14-03-2009, 03:06 AM

خليك معايا اخوي عندك في الخيارات فوق البوم الصور

اضغط عليه سوي اضافه البوم صور و ضيف الصور كلها اللي عندك و بعد ما يرفع الصو

انسخ الرابط و الصقه هنا

**باريس نجد** · 14-03-2009, 03:43 AM

Thanx man .... u help me upload the pic's
:o

**V6 2007** · 14-03-2009, 04:28 AM

مســاك الله بالنوور
تسـرك الحـال . انت بشرنـا عنك ؟

وبصرااحه اهنيـك على الموتر
الله يعطيـك خيره ويكفيك شره

بس ياليت تصور الموتر من الداخل..
نبي نشوف الفروق بينه وبين اللي يجينـا
هنـا السعوديه

تحيتي

**meshoo** · 14-03-2009, 04:31 AM

والله لحست مخي مراسلنا من امريكا ومريت الغرابي

لايكون فيه الغرابي بأمريكا :p

**V6 2007** · 14-03-2009, 04:36 AM

^^^^^

هو يقول ماعنـدي غرابي
ولا كان مريت وشفت كم سيـاره مضبطه
افهم كلامه :d
شكلك مانمت ياولد عشـان هيك مضيع :d
الحين بيقول الولد حقد علي << :d

تحيتي حبيبي

**meshoo** · 14-03-2009, 08:03 AM

^^^^

ماقريت النص مضبوط فيه شوية لحسه

والكبر شين ياولدي :p

**أبو الريش** · 14-03-2009, 01:44 PM

الله يعطيك خيرها و يكفيك شرها

و انتبه لدراستك :p

و بالتوفيق ;)

**meshoo** · 14-03-2009, 02:01 PM

عطنا فكره عن سعر الي عندك ووش مواصفاتها ؟؟

**مجنون اكورد 07** · 14-03-2009, 02:31 PM

ما شاء الله بس صورها لنا من الداخل علشان نشوف الفروق

**ابو الجوهرة** · 14-03-2009, 04:46 PM

الف مبروك
الشكل الخارجي في فرق ما عندك فليشرات في المرايا ولا مكان للكشافات

**باريس نجد** · 14-03-2009, 11:14 PM

الله يعطيكم العافيه ..

ابشركم الاحوال زينه وكل شي تمام التمام ياربي لك الحمد

والكبر شين ياولدي

صادق الكبر شين وانا اخوك :d

ولا كان مريت وشفت كم سيـاره مضبطه
افهم كلامه :d
شكلك مانمت ياولد عشـان هيك مضيع :d
الحين بيقول الولد حقد علي << :d

تحيتي حبيبي

تسلم يابطل .. علشان الشيبان يشوفون زين ;)

الله يعطيك خيرها و يكفيك شرها

و انتبه لدراستك :p

الله يجزاك خير .. بس اللي ماعنده دراسه وش يسوي .. وجالس يشتغل بوظيفه
:p ايام الدراسه خلصت .. والحمد لله ماصدقنا على الله نخلص يارجال

عطنا فكره عن سعر الي عندك ووش مواصفاتها

ابشر بعزك .. برفع الصور اللي صورتها اليوم الصباح ... بس التصوير من الجوال يعني لك عليه

الشكل الخارجي في فرق ما عندك فليشرات في المرايا ولا مكان للكشافات

وانا اخوك .. كل شي له حساب هنا .. صدام الكشافات بقيمه .. لمبات المرايات لها قيمه .. يعني لو بحط كل شي .. طلعت على قيمه طياره مو سياره .. لان النظام هنا انت اللي تركب وتجمع سيارتك .. من ستاندر لين تخليها على مزاجك .. اهم شي ترخي جيبك بس .. واخوك قال حبه حبه للي تحبه .. الحين طلعنا الموتر ولاحقين خير على الباقي ..

**جاكم ملك** · 15-03-2009, 12:07 AM

طيب كل كلفتك

**باريس نجد** · 15-03-2009, 12:22 AM

طلعت على السياره بعد كل المواصفات العاديه اللي انا اخذتها ياطول العمر

وبعد الضرايب وبعد كل الاوراق

الحمد لله والشكر بسبب الاقتصاد عندهم مدمور

٧٣ الف ريال لاني كاسترهم على قيمه السياره كان المفروض ادفع ثمانين الف
بس قلت لهم انا ماعندي الا هالقيمه تبون تعطوني السياره ولا بروح واخليكم

اروح لم وكاله ثانيه يعطوني عرض احسن منكم ..

دفعت لهم دفعه اولي والباقي اقساط على ثلاث سنوات

**FiRe || TeaR** · 15-03-2009, 12:56 AM

ماشاء الله ..

حناا عندناا فل كآمل 4 سلندر ومع فلشرات على المرايا .. وكذلك كشافات .. بـ 100 ألف ريال أو اقل بـ 500 ريال .. طبعاً بدون مآجلان ..

والـ 6 سلندر فل كآمل بـ 115 ألف ريال .. والفرق بينه وبين الـ 4 سلندر .. انه بالـ 6 سلندر فيه تدفئة للمراتب و مكيف خلفي .. وبدون مآجلان طبعاً ..

بس مدري اللي عندك فيهآآ مآجلان ولالا ؟!

**جاكم ملك** · 15-03-2009, 01:51 AM

ماشاء الله تبارك الله

الله يعطيك خيرها ويكفيك شرها

بالتوفيق يالغالي

**باريس نجد** · 15-03-2009, 02:04 AM

حناا عندناا فل كآمل 4 سلندر ومع فلشرات على المرايا .. وكذلك كشافات .. بـ 100 ألف ريال أو اقل بـ 500 ريال .. طبعاً بدون مآجلان ..

والـ 6 سلندر فل كآمل بـ 115 ألف ريال .. والفرق بينه وبين الـ 4 سلندر .. انه بالـ 6 سلندر فيه تدفئة للمراتب و مكيف خلفي .. وبدون مآجلان طبعاً ..

بس مدري اللي عندك فيهآآ مآجلان ولالا ؟!

بالنسبه للماجلان .. يجي على ٤ سلندر و ٦ سلندر .. للفل كامل وبالنسبه لل ٦ سلندر يجي على الجلد والمخمل شد بلد

وتقدر تطلب الماجلان على ال ٤ سلندر يكلف الفين ريال .. مع التركيب من الوكاله ..
لان المشكله عندنا .. كل شي يجي لحال .. مافيه شي يجي مركب .. انت تطلب يركبون لك اللي انت تبيه

علشان كذا الخيارات كثيره بالنسبه لنا هنا ..

تقدر تخلي ال ٤ سلندر تاصل الى تسعين الف ريال .. بس كل شي فيها
-------------------------------------------------------

ان شاء الله ناوي اطلع يوم الاثنين .. على بدايه الدوامات .. لم شركه تضليل اضللها

20% يعني تقريباً عندكم بالسعوديه يكون زيرو زيرو ٢ بس على ثقيل شوي

ولا تبخلون على بالنصايح .. انا لقيت شبك نيكل اللي يجيك سحبه بالنص نيكل والاطراف

لقيته ب ٢٧٥ ريال اصلي .. افكر اشريه صراحه وش رايكم شباب

**A C C O R D 0 8** · 15-03-2009, 07:43 AM

حسب معرفتي فيه نوعين للشبك ..

واحد يجيك نيكل يركب كبس فوق شبك الوكاله ويكون زيه شرايح لكنه نيكل ..

وفيه ثاني للي انا مركبه وهو اللي يكون بالنص شريحه عريضه وحده كبيره ولونها فضي تقريبا بس والاطار مايتغير نفسه نيكل

هذا جيد وافضل من النيكل العادي لانه موب منتشر بالحيل ..

وبعد يمشي على لون موتركـ ..

اذا هو نفسهـ بـ 270 ريال واللهـ شي :p ..

والله يوفقك اخوي ان شاء اللهـ ...

**باريس نجد** · 15-03-2009, 09:16 AM

فيه ثاني للي انا مركبه وهو اللي يكون بالنص شريحه عريضه وحده كبيره ولونها فضي تقريبا بس والاطار مايتغير نفسه نيكل

هوووووووووووا بزااااااااااااته اللي انا اقصده .. شكله يجيب العافيه .. تحس انك ودك تاقف وتمطخ السياره مع خشته

**A C C O R D 0 8** · 15-03-2009, 09:45 AM

ايه انا انصحك فيه واللهـ ..

انا مركبه وطالع الموتر شكل ثاني من جد ..

غير عن الشبك النيكل اللي مع كل البشر :p ...

وبعدين لونه مميز فضي بيجي على لون موتركـ ...

بالتوفيق اخوي ..

ترى بالوكاله عندنا ..

بـ 1760 ريال عدا ونقدا ..