السلام عليكم ورحمة الله وبركاته
اخواني الاعضاء وش الاخبار طيبين انشالله
والله ادري اني مقصر معكم لاكن العذر والسموحه
وانشالله نلقى الفرصة اللي نرضيكم بالمواضيع الطيبه
يامحبي هوندا انا عندي استفسار بخصوص الزينون اللي مركبه في موتري
اول شي انا مركب محولات دينسو النوع الجديد (نفس محولات اللكزس والافالون)
ومعه شمعات فيليبس أصليه 4800كلفن
لاكن تخبرون مع الاستخدام وحده من الشمعات مدري وش جاه قامت بعد ما أشغلها بـ 5 إلى 10 دقايق
مدري وش يجيها وتقوم تشر(ترمش)وهمن تطفي واذا طفيته وشغلته من جديد اشتغلت ونفس الموال
وبسؤال احد الاخوان قاللي ان شمعات اذا خربت تطفي مره ماتشتغل !! وقلت يله تجربه واروح للمحل
وابدل اماكن الشمعات ونفس الشي صار معي قامت تطفي الشمعة اللي كانت تطفي من اول يعني الحمد لله المحولات
سليمة .. لكن السؤال هنا هل احد منكم يقدر يفيدني بخصوص توفر الشمعه ؟؟
مع العلم اسم الشمعه Philips D4R Bulbs
والقاعدة تركب على الاكورد رقم 9006
الكلفن 4800كلفن
واذا كان فيه احد من الاخوان صارت له هالمشكلة من قبل ياليت يشرح لي وشلون قدر يحله بالطريقه
الصحيحه بدون لعب بالكهرب او تعديل بفتحات الشمعات ؟؟
واذا تعرفون محل يعدل القواعد لنفس الشمعه الفيليبس بالرياض ؟؟
ووين احصل الشمعه المذكورة في الرياض بس اكيد راح تختلف القاعدة ؟؟
لاني افكر اذا لقيت محل كويس بتعديل القواعد اخذ الشمعه اصليه و اوديها له يعدلها ولو يركب قواعد الشمعات اللي عندي بعد اضمن
على العموم طولت عليكم بالاسئله ..
لكن ادري انكم ماتقصرون
وشكرا
اخوكم
زياد
رد مع اقتباس
محولات دينسو وشمعات فيليبس..استفسار
ضوابط المشاركة
مواقع النشر (المفضلة)