استفسار بسيط للاكورد 2008 ؟

**aboooodi_z** · 15-03-2009, 01:47 AM

ماودي اطول عليكم ياحلى اعضاء منتدى وادري منتو بمقصرين قدها وقدود ( ترى مو فرش حقيقه واللي ماوده يصدق بكيفه:p ) الاستفسار هو : ازارير قفل الابواب يعني تامينها قريت عنها فالكتالوج ولقيت لها ثلاثة وضعيات للبرمجه اما مع تحريك القيير او مع مشية السياره ... الخ اللي ابي اساله هل احد قد جرب وبرمجها فسيارته او يعرف عنها حاجه لانه بصراحه حاولت ابرمجها زي ماهو مكتوب بالكتالوج بس ما صار معي شي . او ان هالحركه اختياريه ماتجي فكل نوع مع العلم ان سيارتي فل كامل اربعه سلندر

انتظر ردودكم بس لا تقصرون :d;)

**المباشر** · 15-03-2009, 02:04 AM

أتوقع ماهي موجودة عندنا بالخليج ...

الا اذا واحد قدر يضبط الحركة راح يفيدنا ان شاءالله

**memo_shark88** · 15-03-2009, 05:18 AM

والله حتى أنا ياأخوي جربت الحركة على نفس خطوات الكتالوج بس مانفعت ،،،

ان شاء الله في أحد من الشباب يكون جربها ويبلغنا ،،،

مشكور يااخوي عالموضوع ،،،

مع التحية ،،،

**aboooodi_z** · 16-03-2009, 07:09 AM

المشاركة الأصلية كتبت بواسطة المباشر

أتوقع ماهي موجودة عندنا بالخليج ...

الا اذا واحد قدر يضبط الحركة راح يفيدنا ان شاءالله

شاكر لك مرورك اخوي واهتمامك;)

**aboooodi_z** · 16-03-2009, 07:11 AM

المشاركة الأصلية كتبت بواسطة memo_shark88

والله حتى أنا ياأخوي جربت الحركة على نفس خطوات الكتالوج بس مانفعت ،،،

ان شاء الله في أحد من الشباب يكون جربها ويبلغنا ،،،

مشكور يااخوي عالموضوع ،،،

مع التحية ،،،

مافي داعي للشكر انا المفروض اشكرك على اهتمامك وتفاعلك مع الموضوع

**●۩?۩● AL-JNRAL ●۩?۩●** · 16-03-2009, 10:47 AM

اناااا جربتهاااااا بعد ولا نفعت

والله وتمســـك معي غلط <=== عبيييييييييط

والله واروح للوكاله قالووو لي انقلع هذي بالفل اوبشن بس :(

**A C C O R D 0 8** · 16-03-2009, 11:07 AM

88

انا فل اوبشن يالغالي وماتضبط معي ..

..

اتوقع ماهي موجوده ببرمجه الكمبيوتر اساسا حق السيارهـ

**الهنادي راس مــالــي** · 16-03-2009, 06:12 PM

لا تنسون انها من حبيبنا عبدالله هاشم

،،،

ومسكين من قرأ الكاتلوج تبع السيارة قبل لا يشتريها ،،، كل المواصفات ألا شوي ماهي موجودة << مغلوب على امرنا :(

لكن تبقى الأكورد الأكورد ملكة طال الزمن وألا قصر

<< عصب الولد لأنه متحمس:d

**gray2008** · 16-03-2009, 06:34 PM

انا سيارتي فل اوبشن ولا نفعت معاي
حاولت فيها ولا زبطت معاي ورجعت سويتها والكاتلوج قدامي وجربت كل الوضعيات ولكن مازبطت ولا وحده

والظاهر انه زي ماقال اخوي الهنادي راس مالي ماهي موجوده عندنا دام هشومي هو وكيلها هنا

**باريس نجد** · 16-03-2009, 11:36 PM

جاك يامهنا ماتمنى .. انا كنت ناوي اكتب الموضوع هذا وابي احد يجربه معي

امس ياطويل العمر مسكت الكتلوج ودخلت على موقع امريتسي .. المهم زبطه معي الحركه ميه بالميه

بس انلحس مخي ابو ربع ساعه لين طبقت الحركه المكتوبه بالكتلوج بالحرف الواحد

طبعاً انا سيارتي امريكيه .. ومادري عن السيارات الخليجيه .. بس انا بعلمكم وش سويت بسيارتي بالحرف الواحد

اول شي اركب سيارتك <<<<< ليه يبي يبرمج وهو بالشنطه يعني ياذكي :d
القير يكون على وضعيه P
حط مفتاح التشغيل بمكانه .. وفر المفتاح على وضعيه II اللي هي اذا اشتغلت انواع الطبلون ..
الحين رح لم زر القفل .. زر القفل فيه وضعيتين .. قفل او فتح <<<<< يقالك جبت شي جديد
ماعلينا ..
اضغط زر الفتح وخلك ضاغط عليه .. تبي تسمع قفل السياره يقفل بعد خمس ثواني .. شوي تلقاه يقفل بعد خمس ثواني ثانيه
يعني المجموع عشر ثواني

بعدها شل اصبعك عن الزر .. وطلع المفتاح على طول .. اجلس مده خمس ثواني بعدين ارجع ركبه من جديد

الخطوه هذي تكون برمجت .. السياره .. اذا وقفت يفتح الابواب كلها على وضعيه p

اما بالنسبه للوضعيه الثانيه .. انك اذا بغيت البيبان تقفل لحالها

سو نفس الخطوتين الاولى اللي ذكرتها .. بعدين بدال ماتضغط زر الفتح اضغط زر القفل
تبي تسمع نفس الصوت بعد خمس ثواني .. بعدها طلع المفتاح على طول واصبر خمس ثواني شغل

اهم شي انك تركب السياره والقير على وضعيه p
باب السواق يكون مقفول يعني لا تبرمج وانت فاتح الباب ورجلك على الرصيف
الجلنط .. الهاند بريك مسحوووب الله لا يهينك

وجرب الحركه هذي وعلمني .. لاني كنت ناوي انزلها بموضوع .. بس دام الموضوع موجود

انت راعيها وسمها .. وياليت تلعمني وش صار معك
انا سيارتي .. EX-4 syl
٤ سلندر فل كامل مخمل

ان شاء الله تزبط معكم الحركه

**هـــوندا وبـــس** · 17-03-2009, 07:48 AM

^^^^^^^^^^^^^^^

أنت قلتها اخوي موجوده في الامريكي بس

أما الخليجي ماتتوفرهذه الخاصيه

**باريس نجد** · 20-03-2009, 03:34 AM

يابعد حيي وميتي ..

علشان كذا انا حطيت الشرح اللي سويته بموتري .. ويمكن تزبط مع احد الاعضاء
لانه يالغالي بعض المرات يكون فيها دفلت .. اللي هو الافتراضي .. بس مايتفعل الا من الوكيل او واحد يعرف لها
لانه من الصعب انهم يصنعون كل سياره لحالها ..
كل مصانع السيارات .. تحط كل الابشن في كل السيارات .. بس مو شرط انها تشتغل كلها
يعني يبقى تفصيل انواع السيارات ... ويحذفون شي ويخلون شي علشان الفئات

ارجو اني توفقت في شرح نفقطتي
من سابق خبره في العمل .. في مصنع جيب شروكي

**aboooodi_z** · 25-03-2009, 02:35 PM

مشكورين اخوياي عالمشاركة والتفاعل الجميل ويعطيكم الف عافيه .

كما اخص بالشكر اخوي accord_09 واقله جربت طريقتك وما نفع يعني تقريبا عيال هاشم ماوفروا لنا هالميزه
وشكرا،،،