ممكن تكون التروس (الكلتشات) الي يتم نقل النمره من الاولى الى الثانيه او من الثانيه للثالثه
انت افحص موترك وشوف وش يقولون لك
السلام عليكم
كيفكم شباب
سيارتي اكورد 2004 هالايام مدري وش فيها القير مدري وش فية
اذا مشيت بالسيارة القير اذا جاء بيغير من الاول للثاني القير يفضي ( يعني يصير فاضي ) ثم ياخذ النمرة الثانية واحيانا يتاخر بتغير النمرة من الاول للثاني هالمشكلة سببت لي ازمة :(
ممكن تكون التروس (الكلتشات) الي يتم نقل النمره من الاولى الى الثانيه او من الثانيه للثالثه
انت افحص موترك وشوف وش يقولون لك
0
0
إذا كان لزيت القير لها رائحة كريها ماهي طبيعية.. فهذي كلتشات القير ،،
اما إذا كان الزيت طبيعي يعني رائحته طبيعية فهاذا من منظم القير ،،،
وشيك في ورشة معتمده وبتشوف كلامي ،،
وعليكم السلام
مثل ماقالوا لك الأخوان
لكن قبل كل شيء شيك على زيت القير شوف هل هو كامل ولا فيه نقص !
اذا ناقص عبيه باسرع وقت حتى لاتضطر تسوي توظيب للقير بحدود الـ 3000 آلاف وانت طالع ..
الله ييسر امرك اخوي .
اتوقع
تروس القير تجيك فيها زي المسامير... زي السنون كذا
مدري شلون اوصفلك
المهم تلقى بعض السنون فالتروس مكسره فاعشان كذا يطول فالتعشيق ماتوقع يعطي فاضي على قولتك
عموما لاتاخذ بكلامي لأني ماني متأكد منه ...
بالتوفيق
~
اسمح لي اقول لك اذا ما شفت لمبة check engine شغالة في الطبلون فالقير يبيله توضيب
التعديل الأخير تم بواسطة B Unique ; 17-03-2009 الساعة 11:46 PM
هلا اخوي
انا اعتقد من الحساس القير لان واحد من الشباب سارتله نفس الحاله وفحص القير وصار من حساس
انا اعتقد كذا ولكن لا تعتمد على كلامي ومالك الاتفحص وانشاء الله بسيطه
يعطيكم العافية
بكرة بروح افحص واعلمكم وش صار معي
اليوم الصباح رحت للورش وفحت كمبيوتر
ماصار من حساس القير قالوا لي عندك الكلتشات حقت القير تعبانة يعني لازم توضيب قير :(
جيت ورشة الجنوب وقالوا لي وضب قير وجيت ورشة الشباب قال وضب قير
من اوضب عندة القير ؟؟
ولا اشتري قير مستعمل احسن من توضيب القير
؟؟؟؟
شوف الارخص التوضيب او المستعمل
لاكن الكل يايد التوضيب لنك ما تدري وش ماضي القير المستعمل
يمكن يكون ماضيه اسود:d
اذا كانت سيارتك مستعملة وقت ما شريتها فالتوضيب والقير المستعمل نفس الشي
شوف الارخص والاوفر وتوكل على الله
وعسى ربي يعوضك خير يالغالي
.
.
.
مواقع النشر (المفضلة)