أكسسوارات 2009 سبشـل

**V6 2007** · 18-03-2009, 01:44 PM

اولا : السـلام عليكم ورحمة الله وبركـاته
ثانيـا : انا اليوم ياشبـاب رحت وكالة هونـدا
اللي بالدائري بالتحديد حي الخالديه:d
المهم اني شفت اكـورد 2009 سبشـل اسوود
عليه اكسسوارات رايــقه واليمـه
الاكسسوارات
1- كشافـات ضبـاب
2- ستـائر
3- جنـاح خلفي
4 - حساسـات خلفيه
5- كاتبين اكورد على دعست السياره اللي ورا ليد < مدري وش يسمونهـا :d
6- مدري وش حاطين على جوانب السيـاره
المهم ان الكورد طالعه رايقه من جد :d
بس يوم سـألته بكم قـال هي قيمتهـا 88500 ريـال
والاكسسوارات اللي عليهـا بـ 9500 ريـال
يعني كله ياطويـل العمر بـ 98000 الف ريـال..:d
الواحد لا جا ياخذ ياخذها ولا ياخذ فـل.؟؟ :p

بس حبيت اقولكم اللي شفته
تحيتي

**محمد بن عبد العزيز** · 18-03-2009, 03:19 PM

والله الي اشوفه لما احد ياخذها بيتحسف

موتره سبشل .. ياخي مافيه جلد .. طيب مايحب الجلد ..ياخوي مافيه مسجل 6 سيديات .. طيب مايحتاج دامه ام بي ثري
.. طيب ياخوي مافيه مراية تعتيم .. اها هنا بربلم .. طيب مافيه مكيف منفصل .. تخيل يركب معاك واحد بعز البرد ويقول شغل المكيف المنفصل انا ابي بارد .. اها هنا معاك سبشل .. ماتقدر تحط بارتشن >>متعقد

المهم السوالف هذي بعدين

بس لو يشتري الفل افضل له من الاكسسوارات هذي

يكفي الموتر يجي كل شي فيه ..

الحساسات = موضوع الغطاس ماقصر فيه
الستاير = كل واحد وذوقه
انوار الضباب = موجوده بالفل وممكن تتوفر بـ1000 ريال

**zaeem 4ever** · 18-03-2009, 05:40 PM

المشاركة الأصلية كتبت بواسطة محمد بن عبد العزيز

انوار الضباب = موجوده بالفل وممكن تتوفر بـ1000 ريال

تصحيح
قيمتها 1350 بدون التركيب مع التركيب 1650

**CIVICORD** · 18-03-2009, 05:55 PM

1650 ...... !!

خويي مركبها بـ900

**V6 2007** · 18-03-2009, 11:25 PM

هلا والله شبــاب

لا وبعد ياشبــاب من قوة النصب
الحسـاسات بالوكـاله بـ 1381 ريـال بدون السـلك
يعني الظاهر مع السلك بـ 1500 والتركيب 500
وصارت 2000 حركتـات يابو هششوم :d

وتراني منغب حيـل من عبد الله هاشم النصااب
اليوم قريت الكتاب اللي يجي مع السيـاره
ولقيت فيه خاصية (طي المرايـا) اللي مانزلوهـا عندنـا
يعني كاتبين شي وجاي شي ثـاني
انواع الفشـل هالشركه

تحيتي