اقتباس المشاركة الأصلية كتبت بواسطة abu majed مشاهدة المشاركة
السلام عليكم

يعطيك العافية اخوي

تصدق ضغطي مرتفع من الوكالة حسبي الله عليهم

النور العالي معلق عندي له 3 شهور

وفاك الفيوزات علشان مايسحب البطارية
اللي حاصل اني من 3 شهور وديتها للوكالة
وسيارتي كانت ماشية 115000
وشيكو عليها وقالوا لي يبيلها تغيير علبة فيوزات واسلاك ضفيرة
علبة الفيوزات موجودة عندهم بس اسلاك الضفيرة لك
وجالسين يسحبون فيني لهم 3 شهور
ووالله مرتفع ضغطي على الاخر من هالسالفة
المشكلة ان قيمتها الاجمالية 5000 وقالوا انهم بيصلحونها على الضمان
والى الان ماصلحوها لي

ياليت تعلمني وين صلحتها بأي فرع
لاني اراجع فرع خريص

باادق عليهم الحين وبااحشرهم

وعلمنا وش كانت المشكلة بالضبط بسيارتك

تحياتي
حياك اخوي
انا ياطويل العمر قالولي الشباب في المنتدى ان علبة الفيوز عليها ضمان 120000 وسيارتي وقتها ماشيه 127000 ومني ومنهم وحط وشيل الين قالولي بنغيرها لك ولا يهمك ويعلم الله انها ماجلست تقريبا اسبوعين ونص او ثلاثه اسابيع ما اذكر الا وقالولي تعال وعلى فكرة هذولاء فرع خريص عند مندوب العلاقات اسمه /خالد القحطاني والله الرجال ماقصر وعلى فكرة هو قالي ان علبة الفيوز موجوده بس ننتظر الظفيرة وابشرك صلحتها على الضمان غيرلي علبة الفيوز والظفيرة والحين تمام

الحل ياطويل العمر انك تسوي زيي انا يوميا مرتز عندهم او اني ادق عليهم اقلقتهم صراحه وجابت نتيجه;)

تحياتي