الموضوع: وش الفرق بين الخليجي والأمريكي

أستفسار من ناحيه المواصفات السياره الأمريكية من الداخل والخارج والافضل من ناحيه الصيانة وهل لها صيانة عندنا في السعودية

لا يوجد أي فرق

بس الي في أمريكا تقدر تاخذها فل ( بنفقيشن + بلوتوث ... )
وفروق بسيطه زي مثلا في الكوبيه السياره أذا جات لونها أسود يكون الجلد عندنا بيج
أما الأمريكيه يكون لون الجلد أسود لمن يكون لون السيارة سودا

أما من ناحيه المكيف ومدري أيش مافي أي أختلاف حسب كلام الوكاله
لأني كلمتهم قبل ماتوصل الكوبيه v6 على أني حآخذها من برا فهل في أختلاف
قالولي مافي أي أختلاف هيا هيا الي حنجيبها أمريكيه

مع العلم أن عبد الله هاشم ماحيعطيك عليها ضمان
يعني الضمان من عبد الله هاشم وليس من هوندا

الأمريكية تجي فيها المواصفات التالية:

- تكييف للمقاعد الأمامية.
- نظام Navi و بلوتوث ونظام أوامر صوتية.
- نظام مراقبة ضغط هواء الإطارات.
- نظام XM ( لازم تشترك فيه ) وهو نظام خاص بعرض حالة المرور، والزحام، والطقس.


تقريبًا هذا كل شيء. وفي فروق في لون الجلد مثل ما تفضل الأخ قبلي ، بأن الأسود مثلاً يجي أسود من داخل للكوبيه.

هلا ومسهلا اخوي موسى

جعل حالك بخير .. بالنسبه للخليجي يفيدونك فيه الاخوان
اما الامريكي .. انا سيارتي شاريها من امريكا
ومصورها وكاتب مواصفاتها
تقدر تدخل على الموضوع هذا .. وتلقى فيه كل الموصفات .. وانا تحت امرك
اذا بغيت شي من امريكا .. بحكم اني مقيم
وهذا هو الرابط
http://www.hondaarabia.com/club/showthread.php?t=19232

مساء الخير أخوي كوكو كورد
إلى واضح من كلامك إنو السياره لما أجيبها من الخارج ما يستقبلها الوكيل من ناحيه الصيانه بس ؟؟؟ أو في نواحي ثانيه ؟؟؟
إذا ما عليك أمر الرد على السؤال ؟؟
لأني أمكن أروح أجيب الأكورد من اليابان !!

المشاركة الأصلية كتبت بواسطة المجروح_93

مساء الخير أخوي كوكو كورد
إلى واضح من كلامك إنو السياره لما أجيبها من الخارج ما يستقبلها الوكيل من ناحيه الصيانه بس ؟؟؟ أو في نواحي ثانيه ؟؟؟
إذا ما عليك أمر الرد على السؤال ؟؟
لأني أمكن أروح أجيب الأكورد من اليابان !!

يستقبلها أو مايستقبلها ؟؟؟؟؟

الجواب : هو ممكن يستقبلها لكن على حسابك الخاص وللمعلومية راح تكون بدون ضمان لو صار فيها شي حتى لو جبتها من المصنع باليابان وممكن يقولك سيارة ماخذتها من عندي ماأضمنها حتى لو من المصنع.

وأفضل من يفيدك بهذا الخصوص هم مالكي هوندا المشتراه من الخارج هل كانت لهم محاولات اصلاح السيارة بالوكالة ام لا.

وياعزيزي ماحسبت الموضوع قبل التفكير بالشراء ( تذاكر باهظة - سكن - قيمة السيارة - شحن - جمارك - تأمين - لوحات ) يعني لو تجمعها وتاخذها من الوكيل في السعودية أفضل وعليها ضمان الوكالة

أخوي عنده أكيورا إن إس إكس ولما اتصل في الوكالة يسأل عن الصيانة

قالو " من قبل كنا نعمل للسيارات الأمريكية صيانة ، لكن الآن ما ندخلها، تقدر توديها ورشات خارج الوكالة"

ولما اتصل في الوكيل في البحرين قالو له " نحن سعداء لخدمة جميع عملاء هوندا، لكن بالنسبة للقطع، فإننا سنطلبها من الخارج لذا ستتأخر قليلاً "

لو الوكيل يندق خشمه من الشركه الام ماكان تجراء وقال ودها برى

السيارة حلوة وافضل من الخليجي

ولا تعتمد على الوكيل

صدقني انا عندي سيارتي وصار الي سنتين ما دخلته الوكالة ومعتني فيها وامسوي اليها جدول صيانة دوري اغيري قطعها مثل ما هو مكتوب في الكتيب

اعتمد على نفسك وخلاص