أنا قصدي تخلي الهواء على 20 فترة بسيطة يعني أسبوعين بالكثير بعدها تزود إلى الــ25 أو 30 إلى ما يلين الكفر وهذا إذا كانت المشاوير فقط داخل البلد أما إذا كنت راح أمسك خط لازم أزود الهواء وهذا شيء معروف ......
عرض للطباعة
أنا قصدي تخلي الهواء على 20 فترة بسيطة يعني أسبوعين بالكثير بعدها تزود إلى الــ25 أو 30 إلى ما يلين الكفر وهذا إذا كانت المشاوير فقط داخل البلد أما إذا كنت راح أمسك خط لازم أزود الهواء وهذا شيء معروف ......
انتم تدروووووووون اني اخلي الضغط بييين 37 و 40 <<< تراي مو مجنون :eek:
لكن الراحه عامل مو مهم لأنها تقريبا ضايعه في الاكورد ..:(. يعني كل قطعه في الاكورد لها يد في الازعاج وعدم الراحه ..:mad:
فما وقفت على الكفر ...ولها السبب اخلي الضغط عالي والاداااااء يرووح فوق :cool:
اما انك تحط 20 فهذا خطر ..لأن الكفر يتقوووس من الجنب ومع الضغط المتزايد والركاب والحموله يزداد التقوس
فيسبب تشقق في الكفر >>> ثم ينفقع عليك
الشي هذا صار مع ولد خالتي ومعه افالون وعليها تويو ..واحد من الكفرات كان نازل واهمله <<< بعدها الكفر سلم :cry:
اخووكم فيصل
^^^^^
الى 40 هذا كثير وراح تحس بكل مطب والموتر يصير غير مريح بتاتآ
الأمامية 32
الخلفية 30 وشوف الفرق
والله يا مشرفنا انا جربت الضغط من 30 الى 40 ..:(
وتقريبا ما ارتحت الا على 38 امامي 36 خلفي .:eek:. والحمد الله الامور ماشيه معي تماااام التماام :cool:
اما الراحه فزي ما قلت.. ما هي مهمه جدا بالنسبه لي :o الا اذا تعدةت حدود المعقول :mad:
وشكرا على رايك....
معليش يا شباب اول شي ما شاء الله على هالردود بس انا من سابق تجربه ومن توصيات من الناس الي ركبوا هالكفرات حتى مو هوندا ناس معهم لومينا والا معه برضوا هوندا والا كامري والله كل واحد يمدحه ومع العلم كل واحد له استخدامات تختلف عن الثاني يعني بشكل عام لا من ناحية استخدام ولا من ناحية سعر ولا من جوده لانها يابانيه
انصحك بها الكفرات وان شاء الله انك تتوفق بأختيار الكفرات يا خوي
واسم الكفر ( ســــو مــــو تـــــو مــــو )
ونصيحه وسعرها مررره معقول انا ركبتها على هوندا اكورد كلها بــ ( 960 ) ريال مع الترصيص وكل شي والله فرق لما تغير الكفرات تحس ان الموتر جديد والله يوفقك
بس ياليت تعلمنا وش ركبت على هالردود ما شاء الله احس متحمسين
ما أبي أطول عليك بس أسأل مجرب ولا تسأل طبيب
أنا مجرب التويو والبرجستون وكلهم عينين في راس ههههه
يعني غير هالنوعين لا تدور .
وووووووين سومو تومو مايصلح ابد
حق تفحيط الكفر هاذا
السلام عليكم ...
يا شباب كل واحد يتكلم عن ضغط الهوا في الكفر جروبوا الشي الفعلي و التأكيدي ارجع الى ارشادات المصنع في ملصق تجده في الباب من الجانب المخصص للسائق وفيه كم من المفروض يكون ضغط الكفر جربتها وفعلا و زنيات صح ...
اما بالنسبة للضغط 20 خطر و يعمل تأكل في الكفر وغير التقوس و النفخات في الكفر و غيره وغيره ...
اما بالنسبة الى انواع الكفرات كثيرة ...
في منها تكون لداخل المدن و الاخر لخارج المدن و المشاوير البعيدة ...
هنا الشباب جالسين يتكلمون عن انواع الا تكون للحالتين و انواع الكفرات الكثيرة افضلها بالنسبة الى شوارعنا ( البرجستون - الميشلان - التويو - فالكون - دان لوب - هانكوك )
الانواع المعروفة الغالية ولا تكون في صالحنا و شوارعنا ( بيرللي - فايرستون - كونتنينتال - وما اذكر الانواع الباقية )
في انواع تكون لتمشيه الحال و ما هي غالية .. مش المعنى انها لا تستحق انه الواحد يشتريها
( سومتومو - ماكسس - ..... )
فكل واحد وله حرية الاختيار للكفرات التي تتناسب مع وضعه و مشواره
سلام ..
والله قررت اركب ميشلان مقاس 215 16 الرتب الجاي ان شاء الله اذا احد عنده ملاحظة على المقاس يتفضل
السلام عليكم انا متاخر بس انا معيا اكورد 2006 وكان ال عليها ميشلان ولمن جيت اغير رحت لبريجستون وماحصلت المقاس الي جات عليه الكفرات من الوكالة وشكرا
سلام انا اقول يا دوان لوب ولا ميشلان
والله يا شباب انا راعي خطوط وكان معي كابرس وجربت كل الكفرات الصينيه واليابانيه والكوريه
لكن زي دان لوب مالقيت الصلاة على النبي ما يشتكي من اي شي ولا عمره فشلني ومافيه اي صوت على سرعة 220
ومشيت خط السيل كامل على 220 والكفرات معدومه
بس الصلاة على النبي كفرات وسعرها معقوول جدا
اخر مره كانت على 270 ريال
طيب شرايكم بـ دلووب ..؟
ياحبيبي شوووف انا كان عندي كامري 2005 وجايه من وكالتها وعليها كفراات بريجستوون وماغيرتها الا مع بداية فصل الشتا المااضي
غيرتها من باب الاحتياط بس غيرته حطيت تويو الصراحة حلو جدا واخف ازعااج من بريجستون لاكن مشكلتة لما اطول امشي بالشمس وانا مسرع بعدين اهدي ماتسمع الا اوووووووووووووووووووح من الكفرات بس الحقيقة مني متاكد هي من الكفر او الفراامل لاكن بريجستون حلو وتحته تويو على طول بالنسبة لي طبعاٌ
ياااا شباااب دنلووب الحقيقة انا اتكلم من خبرة عند خالي كامري 2007 سبورت تجي من الوكاالة بدنلوب حبلت عليه بعد مامشى عشرين الف وغيرها بدنلوب برضوه والله ماطولت معه حبلت وغيرها بس لما كانت تحبل كان يمشي فيها ويمسك خطوط ويرووح ويجي عادي
كان يمشي عليها 200 مع انه من النوع الي يبدل اماكن الكفراات بين كل فترة وفترة والحين هو قاال بغير وركب سوموتومو وقااام ابو المدح فيها والصراااح انا سقت سيارته بدنلوب وبسومو تومو والله اني اشوف ان سوموتومو احسن بكثيييير في الحط وهذ رايي الشحصي وراي خالي
شباب انا عندي اكورد 2008 وبعد خمسين الف كيلو رحت وا ابغا اركب كفرات والله بصراحة مشلان و برجستون سعرها غالي وبعدالاستفسار ركبة ماكسس وسعر الكفر 360 ريال والله طيبه
السلام عليكم ورحمة الله وبركاته
انا بصراحة جربت البريدجيستون من قبل ممتاز للي يمسكون خطوط زي
بس ارتحت اكثر مع البريللي والله راحة وثبات ولا تسمع اصوات
بس سعرهـ غالي
وزي ما يقولو الغالي سعرهـ فيه
طيب شباب وشلون اعرف ان الكفر يبي له تغيير . . . انا اللحين ماشي ع الكفرات اللي عندي 45000 والحمد لله مافيها مشكلة ... وابي اعرف هل اغيرهاا او اخليهاا .. يا ريت احد يفيدني
ركب ميشلان 16 60 205 نفس مقاس الوكالة ماعليك من الفلسفة الزايدة الي شفتها بالردود هداهم الله مع احترامي لهم لانه لازم كل واحد يبرهن لك لماذا هذا الكفر فيه ثبات ولماذا هذا الكفر ينفع حق خطوط والى ........الاخر
لماذا الميشلان البرماسي من ااقضل الكفرات الجواب من استخدامي؟؟؟؟
الايجابيات:
اولا الميشلان في الثبات يتغلب على جميع انواع الكفرات والسبب تقشاته المتساوية والسبب الثاني انه النقشات توجد في ايضا في اطراف الكفر
ثانية جودته العالية في الصنع ومواد الخام التي تصنع منه يجعل الكفر يدوم اكثر مما يحمى الكفر من الانسلاخات في الخطوط والسرعات والضغط العالي
ثالثا الميشلان الماني الصنع وتعرف جودة الالماني عن الياباني افضل منه بكثير
رابعا يجعل السيارة في مسار واحد بعيدا عن الحذوف في المسار كما ذكرت بسبب نقشاته المتساوية
خامسا بعض الكفرات عندما تشتريها تتعبك انه الكفر ينام شوي مما تحتاج انك تنفخه عند اقرب بنشري ولكن ميشلان لا يحتاج الا نادرا
سادسا ضمانه مفتوح اذا لم تذهب مسحة الكفر
السلبيات :
عيبه الصوت ولكن الازعاج خفيف جدا وهذا الصوت بسبب جودته العالية في الصنع والخامة المصنوعة منها......
.....وشكرا واتمنى لك التوفيق من اعماق قلبي وانشالله تدعيلي بعد 4سنوات من الاستخدام :cool:
السلام عليكم ومبارك عليكم العشر الله يتقبل صيامنا وقيامنا يا رب العالمين
والله يا اخوي انا توني مركب مشلان بعد نصيحة الكثير لي واهي ما تحتاج ثناء مني ولا من غيري لانها معروفة وضمانها مفتوح وهذا دليل جودتها وبعدين وسعرها 1300 ريال وعليها عرض رمضاني وهو كوبون على كل كفر بقيمة 50 وبالتوفيق اخوي:)
المشكلة ان كل واحد له راي وله تجربته ولا عرفنا للحين وشو الكفر الزين
عالعموم يعطيكم العافية واستفدنا منكم ومشكور يا صاحب الموضوع الي فتحت هالموضوع الي
المفيد الي استفدنا منه
تقبل مروري