وضبت القير وليتني ماوظبتة

**sarab** · 02-04-2009, 01:12 PM

السلام عليكم

كيفكم ياشباب

سيارتي خرب قيرها ورحت اوظبها ولقافتي اني وظبتها يوم فكوا القير صار في القير الكلتشات خربانة بس

المهم يوم رحت استلم سيارتي كلمني الباكستاني قال سيارتك صارت اوكي راح اخوي استلمها ولقافتة انة عطاة الفلوس قبل يجرب

احسها ماتغيرت الا احسها زادت وطلعت لي مشكلة بعد التوظيب مثلا لو كنت امشي وجيت بوقف مثلا عند اشارة تسمع طقة عند الوقفة وتحس ان السيارة تجي علي وجهها وديتها له وجلسنا يمكن 5 ساعات وهو يبربس قال انت جرب الموتر كم يوم بتروح الطقة معك كلمتة امس اقولة ماتغير شي بالسيارة يقول يمكن المنظم ؟؟

ثاني شي احس ان تغييرات القير من واحد ل 2 يتاخر واحيانا تصير من 2 الي 3 يتاخر القير

**h0nDa.O7** · 02-04-2009, 03:27 PM

الله يكون في عونك

واذا ما ضبط انا اشور عليك تشتري واحد ما فك ونضيف من التشليح

انا ما خرب معي ولله الحمد بس يمكن الشباب الي خرب معهم يفيدونك
سلام

**كلاس وولد ناس** · 02-04-2009, 04:01 PM

الله يكون في عونك وبالنسبة للقير خذلك قير من اي تشليح ويكون نظيف
مع تحياتي

**م م و السعوديه 5 5 7** · 02-04-2009, 10:24 PM

لا تعتمد على كلام الباكستاني

فر على ورشتين ثلاث وشوف وش المشكلة
بعدها ارجع للباكستاني وانشب له ;);)

**المخلود بحبك** · 02-04-2009, 10:46 PM

أنصحك تشوفلك قير نظيف من التشليح أو أنا أدلك على ورشة في الصناعية بجوار مخرج 17 وضبط عندهم قير سيارتي لومينا وبصراحة نسيت شئ أسمه قير شغلهم 100% بس والله كلفني حوالي 3500ريال

**راون باوت** · 03-04-2009, 12:13 AM

طيب افحص كراسي المكينة

**sarab** · 03-04-2009, 02:01 AM

المشاركة الأصلية كتبت بواسطة h0nda.o7

الله يكون في عونك

واذا ما ضبط انا اشور عليك تشتري واحد ما فك ونضيف من التشليح

انا ما خرب معي ولله الحمد بس يمكن الشباب الي خرب معهم يفيدونك
سلام

اقولك وظبت القير وخلصت :(

مشكوور

**sarab** · 03-04-2009, 02:06 AM

المشاركة الأصلية كتبت بواسطة م م و السعوديه 5 5 7

لا تعتمد على كلام الباكستاني

فر على ورشتين ثلاث وشوف وش المشكلة

بعدها ارجع للباكستاني وانشب له ;);)

رايك مهوب شين والله

بس ابي ورشة كووويسة بالمرة عشان اروح لها

مشكووور

**محمد بن عبد العزيز** · 03-04-2009, 03:49 AM

والله وناخوك .. لازم ترجع له .. ويصلحه .. لان هو اللي فكه وهو الي ماعرف يصلحه

.. وانا صلحت موتري بالصناعية القديمه وجلس معي سنه بالضبط .. وخرب وبنفس المشكله .. ورحت وضبتها عند واحد في البديعه .. وشغله مضبوط .. ومضمون .. يقول اي وقت يخرب تعال وع الضمان .. لو تبي سنه او سنتين .. دامه يشتغل بالورشه هو ضامنها لك ..

على الاقل ترتاح .. وبعدين يقول لك كيف تمرنها .. تمشي عليها 1500 كيلو وانت ماتتعدى السرعه 80-100 كم

موتري 2002

..
الحين انت ممكن تقول لنا كم موديل سيارتك ...
كل قير يختلف سعره عن الثاني (بالتوضيب والقطع)

والراي لك انك ترجع للي صلحه لك وتنشب له ولورشته ..
الدعوه مب خذني جيتك .. هذي فيها فلوس والريال محسوب عليك ..
>>تحمس هالشايب:d

**sarab** · 03-04-2009, 12:02 PM

محمد بن عبد العزيز

سيارتي اكورد 2004

الباكستاني يقولي سيارتك قيرها الحين ززين بس فية مشكلة يمكن كهرب القير

بس انا ماصدقته الاحد بوديها لة بقول انا ابي سيارتي صاحية وش رايك اخلية يفك القير مرة ثانية ؟؟

**سلملم** · 03-04-2009, 01:16 PM

الله يكون بعونك

انا بنصحك نصيحه اخوي

اوك

تروح للباكستاني

طلع الباكستاني معاك خط

وخله يسمع الصوت بعد التوظيب

واذا سمع الصوت

اقرب لفه

وفقع وجهه

:d

ياخوي بالله تسلم سيارتك واحد ماعنده سالفه

باكستاني صدقني صارت معاي نفس الحركه تدري وش طلع

حساسات القير ( فحمات ) هي السبب

غيرتها 400 ريال وكل شي اوك

ولكن الله يعينك على ماجاك

وخلها درس لك

:d

**sarab** · 10-04-2009, 09:41 PM

وديت سيارتي للوكالة وفحصوها قال الكهرباء سليم 100 بالمية

مشكلتك وسط القير ولازم يفك قلت توني موظب قالوا ارجع لة

المهم حطيت سيارتي عند الباكستاني وقلت ارجع وفكة وصلحة من جديد

فكة وكلمني وقال لقيت طرمية القير خربانة

سوال | الطرمبة حقت القير اول مرة اسمع بها ؟

وكم سعرها؟