رد مع اقتباسلا أنسى أيضاُ افضالكم يا شباب كنت مداوم في هذا المنتدى ليل نهار اقرأ المواضيع فيه وأقرأ مواضيع في منتدى النيسان طبعاً واشوف المميزات والفروقات.
لماذا اخترت الأكورد 2009
السلام عليكم ورحمة الله وبركاته
أحكي لكم قصتي لشرائي سيارتي الأكورد العروس 2009 التي استلمتها قبل يومين.
في البداية كنت محتار بين ثلاث سيارات
كامري 2009 - اكورد 2009 - التيما 2009
رحت وكالة كانو للتيوتا وجربت الكامري طلبت سياقة تجريبية فذهب بي مندوب المبيعات الى باحة تسليم السيارات الجديدة واعطاني سيارة طبعاً السيارة ليست للتجربة وإنما سيارة أحد العملاء فخفت ان اجربها ولكن لا مانع من أخذ لفة في الباركات (حسيته يطنز عليي كأن يقول هذا وين جاي يبي تجربة السيارة، الظاهر متعودين الناس في البحرين لما يروحون وكالة التويوتا مجرد يحجزون السيارة لأن ماكو سيارات تجارب).
على العموم ما عجبني الديكور الداخلي
رحت وكالة النيسان لتجربة الالتيما، عطاني المفتاح وقال ليي السيارة برا خذ راحتك بالتجربة، للمعلومية فقط فعند كل كونتر مبيعات يطلبون منك تجربة السيارة ، وفي التجربة طبعاً ما خليت مرتفع ما دشيت فيه الف وما خليت شارع ما سقت فيه فوق 160 والسيارة اللي سقتها كانت 4 سلندر، واخترت الاربعة لأنها مناسبة لميزانيتي والشي الثاني اني ابي اقارن صح من جميع الفئات.
الالتيما كانت في السياقة رائعة جداً ومريحة، لكن بعد الديكور الداخلي حسيته جامد ما فيه حركة. صوت السماعات كان فضيع والمميزات لا يعلى عليها. وكانت هذي تجربتي للالتيما.
نجي للعروس، عروستي أكوردتي 2009
هذي السيارة بالذات جربتها في الوكالة 4 مرات. رحت ليها 4 مرات وكل مرة يعطوني المفتاح ويقولون ليي خذ راحتك. وطبعاً ما قصرت فيها نفس اللي عملته في الالتيما عملته فيها.
لقيت فيها>>>>
راحة
مظهر خارجي رزة
مظهر داخلي فخم
جودة تصنيع خارجي وداخلي
مهتمين في كل شي فيها من اصغر حاجة لأكبر حاجة
سيارة بالنسبة لفئتها حسيتها الافضل من المرشحات الثلاث، وتستحق قيمتها.
على العموم ما اطول عليكم اكثر من كذا فحجزت لي اكورد 2009 موديل EX يأتي بنفس مواصفات الفل اوبشن جلد لكن هذي مخمل.
المواصفات:
- اللون فضي
- رنقات مقاس 16
- 2.4 أربعة سلندر
- فتحة سقف.
- مكيف لكل سائق.
- 6 اقراص مدمجة mp3/wma
- طبعاً ريموت.
- مقياس حرارة خارجي.
- سيتات مخمل، مقعد السائق كهرباء بست وضعيات ومقعد المرافق يدوي.
أنا اخذت السيارة وأنا مقتنع في اختياري 100% طبعاً وبعد تجربتي وهذا ذوقي رغم الضغوط اللي كنت احصل عليها عشان آخذ تويوتا لكن ابد معصي آخذ شي مو مقتنع منه. ونصيحتي لكل واحد مقدم لشراء سيارة جديدة جرب قبل ما تحكم عليها.
تقبلوا تحياتي
لا أنسى أيضاُ افضالكم يا شباب كنت مداوم في هذا المنتدى ليل نهار اقرأ المواضيع فيه وأقرأ مواضيع في منتدى النيسان طبعاً واشوف المميزات والفروقات.
الف مبرووك
ويعطيك من خيرها ويكفيك شرها ,,,
أحسن ماسويت ياطويل العمر
أخذت موتر أنت مقتنع فيه وبدون ماينصحك أحد
وأفضل شي أنك كنت متابع للمواضيع وتقارن بنفسك وهذا اللي أنصحه للكل والمقدمين على شراء سيارات جديدة
مافيها شي الواحد يروح ويطلب تجربة السيارة وهذا من حق العميل
أنا يوم شريت موتري كان السبب مقارنة شفتها قبل كانت بين اكورد وسبارو ومادري هي في النادي هنا ولا موقع ثاني وللأسف ماطلبت تجربة وقتها بس كنت أتردد على الوكالة لمدة أسبوع هذا غير وكالات ثانية لين أقتنعت بالأكورد وصحيح عجبني بقوة اللون الأسود في الصالة لكن تذكرت مشاكلة والغسيل وبعدها قررت على اللون اللؤلؤي
أمتعتنا بتجربتك الرائعة ياعزيزي وعذرآ على المداخلة الغلط :d
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
الف الف مبروك عليك السياره
اختيارك رائع
ولا الكامري ما فيها شي يحمسك
احن مافيها قطع غيارها رخيييص وتكد
يعطيك خيرها ويكفيك شرها
الف الف مبروك عليك
يطعمك خيرها ويكفيك شرها .. واختيارك كان موفق
تخدمك ولا تخسرك .. وفاتحه الخير ان شاء الله
السلام عليكم ورحمة الله وبركاته
Mr-AlJoKeR
أشكرك أخي على المرور ، حياك البحرين وآخذك لفة أفا عليك، أما أجي لك السعودية اسمح ليي بعدها ما كملت الألف :p
خصيم الوقت
الله يبارك فيك عزيزي تسلم
مشرفنا المباشر
اشكرك اخي الكريم على المرور، وفعلاً مثل ما قلت حاولت ان آراء اللي حولي ما تأثر عليي لأن أنا اللي راح اسوق الموتر موب هم.
عاشق بريدة
شكراً على المرور، وبالنسبة للكامري مدام داخل السيارة هيك الله يستر من المستخبى حتى قطع الغيار.
باريس نجد
اشكرك على المرور والله يبارك فيك ان شاء الله
تحياتي لكم
مبروووكـــ مبروووكـــــ يعطيكــ خيرها ويكفيكــ شرها
عاد نبيك تذوقنا الحلوى البحرينيه :d
مرحباً بك عزيزي دحومي الله يبارك فيك ان شاء اللهالمشاركة الأصلية كتبت بواسطة d7ooom2009
وحياك البحرين والك اللي يرضيك :d
الله يعطيك خيرها ويكفيك شرها
هذا التفكير الصح
جرب قارن وأحكم بنفسك
أنصح أي واحد يفكر بأكثر من سيارة يجربها كلها
رح للوكاله لو مافيه سيارة تجربه أستأجر تخسر بالكثير 500 ريال
بس ماخذ شي أنت مقتنع فيه 100%
ولا تخسر قيمة السياره وأنت ما أقتنعت فيها
ماخترتها ولا شى
ماسكه غلط وقتها
على فكره كانت معايه التيما 2007 >> الحين بتشليح الرحيلي :(
الف مبروك واحسنت الاختيار 100 %
انا كنت مثلك كذه حيران بس كان اختياري بين الاوريون والالتيما والاكورد
الالتيما
صراحه اي واحد تقوله التيما او نيسان من تجارب الكثير ان السياره تخدمك السنين الاولى فقط بعدها انواع الهربده
حتى تصبح صديقا وزبونا ً دائم لمعظم الورش
( مع احترامي لملاك هذه السياره )
الاوريون
من تجربه لي ... صح سيارة سرعه ورياضيه لكن المشكله صرفيتها للبنزين كثييييييره وفراملها لك عليها وضعف البدي وليست عمليه وخراباتها كثير ( استرالي )
( مع احترامي لملاك هذه السياره )
الاكورد 2009
الاختيار الذي الحمدلله لم اندم عليه بعد تجربتي لسيارة احد اصدقائي وفي شوارع جده اللي كلها حفريات ومطبات الا انها كانت مريحه جدا في السواقه وشيء ياباني مضمون.... ايضا الموديلات الاخيره عليها خصومات وتخفيضات في اسعارقطع الغيار
اضف الى الشكل الخارجي الفخم والداخلي الانيق
السلام عليكم ورحمة الله
الأخ العزيز أبوسلافـ
أشكرك على المرور وطبعاً التجربة خير برهان
الأخ [B]
الله يخلف عليك في الالتيما وانشالله الأكورد تكون خلف ممتاز لك.
Mr-AlJoKeR
أفا يا أهل الإمارات تزعلون منا حنا أهل البحرين هذي ما هقوتي فيك خوية :p
GameOver
كلام سليم 100%، يعني الواحد حرام يقط مثل هذا المبلغ في شيء مو مقتنع فيه 100%. خاصة انه مو شي بسيط يعني.
تحياتي
LOVEACCORD09
مبروك عليك السياره والله يجعلها عونا لك على طاعتة
وما شاء الله تبارك الله
اللهم صلي على محمد
ضوابط المشاركة
مواقع النشر (المفضلة)