تكفون افيدوني محتار مره

**اكورد الرياض2007** · 11-04-2009, 05:55 PM

السلام عليكم

اخواني الاعضاء اهلا بكم

الله يعافيكم انا عندي استفسار بسيط وياليت انكم تفيدوني

انا سيارتي من جوى يبيلها تنظيف وتلميع
عشان كذا
قلت المع السياره بالكامل
رحت لمحلات التلميع الساطع وقالوا التلميع للسياره كامل داخلي وخارجي مع الحمايه ب1100 ريال
وبعد ست شهور تجي وتعيد التلميع مره ثانيه مجانا

ورحت لمحل تلميع نسيت اسمه هو في حي الملك فهد وقالي السعر ب300 ريال فقط تلميع خارجي وداخلي مع الحمايه
وبعد ست شهور تسوي اعادة تلميع مجانا

المهم انا محتار وين اروح للساطع والا غيره

والصراحه التلميع الساطع بيطفرني

لكن احس ان شغله مضمون

تعرفون محلات للتلميع مضمونه وحلوه وسعرها معقول
وش تنصحوني فيه

وللعلم انا ساكن في شمال الرياض يعني ابي محلات قريبه من عندي

طلبتكم يااخواني واتمنى انكم تفيدوني

**السسسمو** · 11-04-2009, 06:59 PM

والله وانا اخوك

انا وربعي مانعرف الا الساطع ومانلمع الا عنده وشغله ميه ميه ومزبوط حتي يعطونك معطر وبخاخ يطلع ريحه الوكاله

لا لالا من ناحيه الشغل خذ رجال / اما غيره مادري ماقدر افيدك

**اكورد الرياض2007** · 11-04-2009, 09:24 PM

يعطيك العافيه يامحمد
الف شكر لك على التوضيح

لكن وش رايك المعها بحمايه او بدون حمايه

**King** · 11-04-2009, 10:34 PM

بما أنك ساكن بشمال الرياض !

فيه فرع للتلميع الساطع عند شارع الخصصي عند الإتصالات السعودية فيه محطه هناك

المحل بنفس المحطة قبل مبنى الإتصالات

للعلم السيارات الفارهه ( bmw - مرسيدس . . . ألخ )

يلمعون عند المحل

" رأيتهم بعيني "

بالتوفيق