ساعدوني ,,,, الله يرحم والديكم

**ACCORD_02** · 16-04-2009, 02:21 AM

السلام عليكم ورحمة الله وبركاته

كيف الحال؟؟

بادخل بالموضوع على طول احسن لي واحسن لكم << الاخلاق واصله حدها

القصه
حادث اكوردي

اليوم كنت جاي ومستانس خبركم (ربوع)
وانا مقلع والا واحد ماشي جمبي عنده لومينا اس اس برتقاليه
الزبده انه مسوي محافظ على سيارته وهو غشيم <جدتي تسوق احسن منه

في حصى بالشارع جا بيوخر عنه ويلف علي فاحصل تتش بين السيارتين( تتش) بسيط حكه ماتبين :(
وانا من شفته لف تخرعت واوخر عنه وما انتبهت والا ذاك الرصيف الي مدري وش يبي

لو اني ملفيت عنه كان راحت عليه وعلي
الزبده اني رقيت الرصيف ونزلت وانا باقي ماسك (بريك)

هو (هج- فقع )

وانا نزلت واطلع بموتري وملامح وجهي مثل كذا:(

:(

الاضرار الي صارت بـ أكوردي :(
صدام منتهي

الارباقات فتحت:(
اديتر مدري وش يحس فيه كان عند الصدام صار عند الفزاز

الكبوت ماقام يسكر
الصدام الدخلي (الحديد)تعفط ودخل داخل
المهم ان الصدمه كنها وجهيه
الزبده والي خلاني اكتب هذا الموضوع
وسؤالي المهم
هو ان الارباق يرجع زي مكان ولا؟؟؟
ولو رجع مايبين انه فتح؟؟؟
ارجو انكم تعطوني الجواب الشافي
ودعواتكم لي
مشكور

**Acoord2009** · 16-04-2009, 02:26 AM

سلامات ياخوي ماتشوف شر

**المباشر** · 16-04-2009, 02:31 AM

لا حول ولا قوة الا بالله - الله يعينك ياخوي على ماجاك

بخصوص الأيرباق مايرجع خلاص الا بالوكالة - لكن يرجع في مكانة ويضبطون الدركسون وغيره لكنه يبان ان الأيرباق طالع

( ترى مادري اذا كان في محلات تسوي الأيرباق !!! ماعندي خبر )

الدركسون تقدر تاخذه مع الأيرباق من التشليح من موتر منقلب ولا مصدوم من الخلف ومعدوم والأيرباق سليم وتركبه

اما الراكب مادري وش وضعه اذا ماراح يبين اذا رجعته او لا

ننتظر من يفيدك من اصحاب التجارب السابقة

**ACCORD_02** · 16-04-2009, 02:39 AM

مشكور على ردودكم

**ACCORD_02** · 16-04-2009, 03:15 AM

21 مشاهده و3 ردود
وانا بنتحر من القهر

**والله قهر** · 16-04-2009, 03:20 AM

الله يعينك اخوي ويسهل امورك

**gray2008** · 16-04-2009, 05:14 AM

اخوي الايرباق حق الراكب لازم من الوكاله والدركسون ممكن مثل ماقالك اخونا المباشر من التشليح
هذا عشان تكون موجوده الايرباقات وتشتغل معاك اذا سار لك حادث ثاني الله يبعدك عنها والسامعين
والله يعينك على تكلفتها لانها بتكون غاليه

اما اذا كنت تبي بس كل شي يرجع مكانه وتفصل الايرباقات فراح تلاقي ورش تسويه لك وترجع لك الطبلون مثل ماكان

لكن فين هذي الورش الله اعلم ماعندي خلفيه عنها لكن اسمع انه في محلات تزبطها لك وترجع كل شي زي ماكان لكن طبعا بدون الايرباقات يعني لو يسير لك حادث بعد كذا ماراح تفتح الايرباق معاك

وانشالله الشباب يفيدونك اكثر

والاهم من هذا كله وقبل ماتصلح سيارتك فكر شوي اخوي - وشوف ايش استفدت من السرعه
عشان واحد دخل عليك شوف ايش سار معاك والحمدلله انها جات على كذا

ولو كنت ماشي على مهلك ماكان سار اللي سار
وفي الاخير كله مقدر ومكتوب والله يعوضك خير انشالله

**ACCORD_02** · 16-04-2009, 06:51 AM

اخوي الايرباق حق الراكب لازم من الوكاله والدركسون ممكن مثل ماقالك اخونا المباشر من التشليح
هذا عشان تكون موجوده الايرباقات وتشتغل معاك اذا سار لك حادث ثاني الله يبعدك عنها والسامعين
والله يعينك على تكلفتها لانها بتكون غاليه

يعني بحدود كم تتوقع ؟؟؟

**أغـار يا هـوندا** · 16-04-2009, 07:16 AM

والله ما أتوقع إنه يرجع مثل ماكان أبد
لأن حصل علي حادث بأكوردي الأول وقال الوالد
إذا بيرجعوا الأيرباقات مثل الوكاله صلحناها
لفينا وحسنا في جده كلها
قالوا لنا ماترجع مثل الوكاله
وبعناها تشليح
والحمدلله على كل حال
صاحبي تأكد وشوف

**غضب الاكورد** · 16-04-2009, 08:06 AM

الله يكون بعونك ويعوض عليك

**هوندا وبس والباقي يندس** · 16-04-2009, 01:48 PM

شوف كانت عندي اكورد موديل 2003 المشكله طلعةالأيرباق رحت الوكاله جده طريق المينا شغل تمام بس بعد التركيب المشكله فرق في اللون الداخلي عشان علبة الدركسون جديده والراكب بس بعد شهر كل شي رجع زي ماكان والسياره تمام 100% بس التكلفه إذا مافي التأمين الله يكون في عونك حوالي 20 الف ريال

**الـمـسـافـر** · 16-04-2009, 07:05 PM

راسل الملك اكورد وهو يفيدك بالارباقات

* يرجع شكلها وكاله بس بدون ارباقات داخل الدركسون او مكان الراكب

**المـــــلكـ اكـــــورد** · 16-04-2009, 07:35 PM

الحمد لله على سلامتك اولا والحديد يتعوض اهم شي الصحه والعافيه ....
___________

انا عندي خبره في موديلات 2003-2007

1-سعر الايرباقات للسائق والراكب وكالة حوالي 7000 ريال

2-ممكن تحصل من التشليح (ممكن )بحوالي 3000 ريال

3-عن طريق موقع ebay بدون شحن سعرها 2500 ريال
http://cgi.ebay.com/ebaymotors/01-02-HONDA-ACCORD-AIRBAG-AIRBAGS-AIR-BAG-AIR-BAGS-SET_W0QQitemZ140313018515QQcmdZViewItemQQptZMotors _Car_Truck_Parts_Accessories?hash=item140313018515 &_trksid=p4506.c0.m245&_trkparms=72%3A1171|65%3A12 |39%3A1|240%3A1318

4-ايضا فيه غطيان فقط في محلات النعماني لقطع الغيار نفس حقت الوكاله بس بدون ايرباق <<فقط ديكور واللي لقيتها لموديلات 03-07 .....مادري هل متوفر لموديل سيارتك او لأ

5-واذا مالقيت لموديل سيارتك..... الايرباقات الخربانه عندك تتصلح عند محلات الفيبر

بالنسبه لحساسات الايرباق امرها سهل وسعرها رخيص اهم شي الغطيان

..اذا انت من الرياض راسلني على الخاص علشان اوصف لك المحل المناسب حسب اختيارك

تحياتي

**ملك مملكة جدة** · 16-04-2009, 07:50 PM

الحمد لله على السلامة

ياخوي المتخلفين كثير و اكثر من الكثير كمان

بالنسبة للواجهه عاد انت ادرى

بالنسبة للاير باق .. عند اقرب ورشة يسويها لك .. يرجعه لك كأنة ما انفك اصلا .. و اذا تبغاني اساعدكم ما عندي مشكلة

الطريقة الي راح يسوي لك فيها الاير باق
1 - يفك الجزء الي محطوط عليه علامة هوندا ( غطى الاير باق - البوري )
2 - يقطع لك الاير باق ..<< لا تخاف لانه ما راح ينفعك بعد كذا
3 - يلحم لك الغطى المكسور الي طلع منه الاير باق .

و يرجع يركبة .

و عاد اذا الله اكرمك .. روح غيره في الوكالة لانه يحتاج برمجة و تغير طارة ... و حفلة طويلة عريضة

سلام

**ملك مملكة جدة** · 16-04-2009, 07:54 PM

ايوه صح نسيت اقول ..

تصليح الغطى الي طلع منه الاير باق .. ( تبع السائق ) يكلفك

500 ريال اذا انشطب راعي المحل

الراكب

400 ريال اذا انشطب راعي المحل

يعني السعر لا يزيد عن كذا

**المـــــلكـ اكـــــورد** · 16-04-2009, 08:17 PM

^^
عزيزي اياد تصحيحا لمعلوماتك
اولا الطاره ماتحتاج تغيير نهائيا ومالها اي علاقه
اهم شي غطا الايرباق الجديد يكون للموديل نفسه

ثانيا اصلاح الايرباق مايتجاوز 600 ريال للسائق والراكب في احسن محلات اصلاح الفيبر جلاس (بورتو بلاس)

معلومة للفائدة :ايرباق السته سلندر يفرق عن الاربعه سلندر لان الطاره تفرق << موديل 2003-2007

**ACCORD_02** · 17-04-2009, 04:08 AM

مشكور على ردودكم الطيبه
كفيتوا ووفيتوا
وحالياً انا بركب غطيان للأرباق فقط
واحتمال اركب ارباقات من التشليح اذا الله ارزقني
وطبعاً الموتر الحين بالورشه
واول مايطلع من الورشه ببيعه
كنتوا مثل اخوان لي
وانا اعتبركم اخواني
مشكور لكل من رد على موضوعي وساندني فيه
دعواتكم لي