ياشباااااب 10 مشاهدات ولا رد واحد اتمنى على الاقل المشرفين يردون
ولو بوضع رابط اذا كان هناك موضوع شبيه بموضوعي
السلام عليكم
هذا اول موضوع انزله في هذا المنتدى الرائع
حبيت استفسر عن مواصفات انواع الهوندا اكورد 2009 لاني ذهبت الى وكالة هوندا في شارع خريص
استفسر عن هذا الشي كل مندوب يقولي قيمتها كذا وكذا والفرق الي في هذي فتحه وهذي مافيه فتحه
انا اقولهم ابي المواصفات الدقيقه في كل نوع وكل واحد يقولي رح للثاني مليت منهم وطلعت من عندهم
قلت ما لي الا اخواني في المنتدى بيعطوني المواصفات الموجوده في كل نوع علما بان هذه الانواع الي اخذتها منهم
في الوكاله مع قيمة كل سيارة
اكورد ستاندرد ( 83900 )
اكورد سبيشل - فتحه - جنط 16 ( 89400 )
اكورد فل - مقاعد مخمل - فتحة ( 95900 )
اكورد فل - مقاعد جلد - فتحة (99900 )
ياشباااااب 10 مشاهدات ولا رد واحد اتمنى على الاقل المشرفين يردون
ولو بوضع رابط اذا كان هناك موضوع شبيه بموضوعي
اخوي والله ما عندي اي خلفيه
بس الفرق بين الفل والسبيشل المكيف والجنوط الكيف حق الفل اكتروني مكيفين للسواق والراكب والجنوطط مقاس 17
طيب واذا المشرف ماعنده خبر عن الأسعار
وترى موضوعك مطروح بيوم الخميس / يعني اغلب الأعضاء طلعات سهرات جلسات مسافرين ومنهم اللي نايم وهكذا
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
مافيه اي شئ .. سياحية على الآخر ..اكورد ستاندرد ( 83900 )
السبشل يعني نص فل .. وماتفرق شئ عن الستاندرد .. وتجي فتحة .. وجنط 16 .. زي ماقلت ..اكورد سبيشل - فتحه - جنط 16 ( 89400 )
المهم لقيت صور للأنوااع كله ..
وهذي داخلية السبشل والستاندرد ..
لون المراتب على حسب لون البودي ..
هذولي كلهم نفس بعض .. والفرق بينهم المراتب فقط .. ومواصفات كالتالي ..اكورد فل - مقاعد مخمل - فتحة ( 95900 )
اكورد فل - مقاعد جلد - فتحة (99900 )
تخشيبة .. جنط 17 .. كشافات .. ماسك كروم للباب .. مراتب كهربائية .. مكيف لمس وDual يعني الراكب القدام له تحكم بالبرودة خاصة والسواق له تحكم بالبرودة خاصة لكن قوة المروحة واحدة .. الشاشة أكبر وتشمل خيارات أكثر من السبشل .. 6 سيديات .. تلبيسة الباب تكون جلد (( سواءً المراتب جلد أو مخمل )) وليس مخمل زي السبشل .. تصفيط المرايا الجانبية كهربائياً (( بضغطة زر )) .. المرايا اللي بداخل السيارة (( بالنص )) يكون فيها زر لتعتيم المراية .. معرفة درجة حرارة الجو ..
حبيت اضيف اذا بتأخذ مراتب جلد بيكون الدراكسون جلد والقير جلد ..
وهذي صورة للفل (( جلد )) .. وصورة للديكور من قريب ..
وهذي صتورة لشاشة الفل ..
والمواصفات اللي كل الانواع فيها متشابهه .. وجود مثبت سرعة .. تحكم بالصوت عبر الدركسون .. بالتكاية وجود AUX ومحول 12 فولت .. وكذلك ولاعة سجائر خارجية .. هذولي اساسية بأي نوع بالأكورد ..
عطيتك كل فرق كبير وصغير .. وان شاء الله مانسيت أو اخطيت بشئ
التعديل الأخير تم بواسطة FiRe || TeaR ; 17-04-2009 الساعة 08:36 AM
مشكورين يا اخوان على الردووووود الجميلة واتمنى نخدمك مثل ماخدمتونا
في الايام القادمه ((( اذا اشتريت الاكورد ))) ان شاء الله
أول مشاركة لي بالمنتدى وإن شالله أفيد وأستفيد ..
فيه أكورد 6 سلندر بسعر ( 115 ألف )
نفس الفل 4 سلندر
لكن فيها بعض الفروقات
مثل :
1- وهو الأهم المكينة من قوة 2.4 إلى 3.5
2- أنوار زينون
3- مكيف خلفي
4- رشاش مويه للأنوار الأماميه
5- شكمانين
الله يكتب لك التوفيق
مواقع النشر (المفضلة)