أعتقد انها معقولة:d
السلام عليكم ..
أنا عندي أكورد 4 سلندر فل كامل ...
أحس ان صرفيتها زايدة والمؤشر بسرعة يتحرك ..
وبعدين قلت خلني أسوي تجربة .. وعبيت التانكي فل وصفرت العداد ...
تقريبا مشاني 500 كيلوا ألين ولعت اللمبة ...
وش رأيكم .. معقولة ولا فيها صرفية ؟؟
أعتقد انها معقولة:d
عادية .. حتى انا تقريباً تمشيني 500 ..
Honda Inspire : The other face for German Currency
بالنسبة للصرفية (500 كم)معقولة جدا
وتتناسب طرديا مع السرعة (كل ما تزيد السرعة تزيد الصرفية)
بصراحه ياشباب موتري جته فتره يصرف صرفيه غير طبيعيه
واللي يقهر اذا عبيت فل صرف واذا وصل للنص يبطي يصرف<<انهبل
بس تكرت حركه واحد من العيال قال اذا ولعت لمبة البنزين ادس وامسك خط امش 140 160 واذا نزل الامبير تحت مره وحسيت انه بيمشيك 2كيلو وقف عند محطه وعب فل
انا سويتها وخفت الصرفيه
الحكمه ///يقول اذا مشيت واللمبه مولعه ودعست بكذا تنظف البخاخات من الوسخ المتجمع وترجع الصرفيه زي ماكانت البخاخات نظيفه
بس لاتكثر منها مره او مرتين
وانتو وش رايكم هل الحركه سلييييييييييييييييييمه والا لا
انتظر الاجابه
وسملم
0
0
أنا قد مسكت خط الشرقيه الرياض
وكان متوسط سرعتي 180
يوم انتصفت الطريق صار التانكي على النص
طبعا هذي أول مره تصير معي بالعاده فوق النص.
قلت يا رجال موهب موصلتك الرياض دس وعب أول ما ياصل التنكي على الربع
مشيت فوق 200
العجيب إنها وصلتني عند الباب و ولعت اللمبه.
يمكن بعض المرات يصير البنزين اللي معبيه مغشوش.
اخوي والله حلوو 500
هذا صرفها
انا مره عبيتها ب 30 ريال من اول محطه على طريق الشرقيه
طبعاً شبااب لازم سرعه
رحت لشرقيه ما نزل العدااد عن 190
مرات 220 تقطع
ووصلتني الجبيل
واول ما دخلت الجبيل ولعه اللمبه
وانا راجع مثبت على 140 وصلت الرياض على تحت النص بشووي
السلام عليكم ورحمة الله وبركاته
شباب بالنسبه لصرفية الاكورد تعتبر معقوله جدا بالنسبه لحجم التانكي
لان تانكي البنزين على مااعتقد انه 60 وهذا يعتبر صغير جدا مقارنه بالسيارات الاخرى
مثل الكامري والمكسيما
والدليل انك تفلل السياره مثلا بــ 30 ريال اما صاحب الكامري والمكسيما يفلل بـــ 40
فأعتقد ان صرفيتها مره حلوه
تحياتي للجميع
التانكي
64.8 حسب دليل الاكورد تبع الوكالة ..
Honda Inspire : The other face for German Currency
مواقع النشر (المفضلة)