الموضوع: كم مقاس لمبة الاكورد كوبيه اذا بركب زينون ؟؟

معليش في سؤال ثاني ..
واحد قل فترة وقفتو معاه اكورد كوبيه .. كان مركب زينون جيت سألتو من فين ركبتو قلي من المحل الفلاني
قلي بس المشكلة انو لازم يفكلك صدام :s :s هل كلامو صحيح ؟؟؟

لأا ياخي مايحتاج فك الصدام الا لتركيب الزينون بالكشافات او تغيير اللمبات بالكشافات ..

لكن الواطي والعالي مايحتاج فك صدام ..

اما مقاس اللمبه ماادري واللهـ عنها ..

شوف الشباب الي عندهم كوبيه بالمنتدى يفيدونكـ. .

^
^
ياخي انا واحد قالي عشانها عدسة لازم يفك صدام ومني عارف ايش
وقالي انو واحد معاه كابرس ال تي زد عشانها عدسة وفكولو الصدام ومن محل ثاني

والله محتار وناوي اروح دحين

السلام عليكم أخوي
مقاس الشمعه بالنسبة للكوبيه 4 سلندر و6 سلندر :
الواطي:h11
العالي:9005
على موضوع فك الصدام ماعندي خلفيه
لاكن ايش المانع اذا كان الصدام لازم ينفك
ويكون الكهربائي كويس

^
^
يعطيك الف عافية والله وكلامك سليم لانو مكتوب في الموقع هذا نفس الكلام اللي انتا قلتو
http://www.modifiedlife.com/2009-honda-accord-coupe-car-light-bulb-size-guide/

اما بالنسبة لحكاية فك الصدام مافيها مشكلة بس المهم تضمن اللي بيفكو لك يرجعلك هوا زي ماكان ..
بعدين تحسها صعبة شوية السيارة لسا ما كملت شهر وشوية وتروح تفك صدام وتفك مني عارف ايش تحسها صعبة على نفسية الواحد :D
وتسلم يا غالي وكلمة شكر قليلة فيك والله انتا والاخ A C C O R D 0 8

طيب انت اسأل المحل اللي بتركب عنده يمكن يعرف يحتاج فك الصدام او ما يحتاج

هلا اخوي

لاوم فك الصدام

شوف سيارتك لاحض قصه الكبوت

بتشوفه اذا فتحت الكبوت ماتشوف الانوار فـ لازم فك

يعطيك الف عافية اخوي oden وكثير قالولي نفس الكلام ..
بس انتا شايف انو عادي لو فكيت صدام ؟؟ يعني مافي مشكلة والا عادي الشئ هذا :S ؟؟
مع اني اشوفها حوووسة وصعبة بالنسبة ليا فك الصدام :S !!

اليوم ان شاء الله بنزل لك صور على نفس الموضوع علشان تتأكد بنفسك إذا يحتاج فك الصدام ولا لا

^
انا اللي اعرفو انو ما يحتاج فك صدام ولا اي حاجة بس ياخي هما يقولولي عشان عندك عدسة
وما ينفع لازم يشوف من جوا ولازم يفك صدام .. بس في انتظارك ويعطيك الف عافية ومعليه لو تعبناك

أخي Italian Boy ،

لا حاجه لفك الصدام ، فقط فك بطانه الرفرف من الجهه اليمين و فلتر الهواء من جهه السائق . راجع كتيب التعليمات (User Manual) الذي يأتي مع السيارة ، تجد فيه كبفية تغيير لمبه النور الذي ينطبق على ترهييم الزينون .

أخبرنا عن تجربتك في تركييب الزينون ؟؟

اسف على التأخير انشغلت شوي والنت بطيء
__________________________
اذا بغيت تتاكد جب مفك(سكروب) عادي

شغل السيارة ولف الدركسون جهة اليمين

فيه كلبسين لازم تشيله وانتبه لاينكسر الكلبس

الأول

الثاني

بعدين تفك الربل

هذي شمعة الواطي

(الصورة بالمرفقات)