لأهل الخبره

**THE_HUNTER** · 02-05-2009, 01:12 AM

السلام عليكم

على طورل راح أدخل الموضوع ,, راح أقولكم قصتي أنا الأسبوع الي راح كرفت سيارتي كرف رحت من القصيم الى مكه وجده وبعده الشرقيه وتوي واصل الحمدلله المهم يوم وصلت البيت سكرت سيارتي وبعدها بـــ 30 دقيقه طلعت من البيت عشان أجيب عشاء:d المهم يوم جيت أشغل السياره وألقا لمبة المكينه شاغله ولا راحت من بعد تشغيل السياره وهذي كل قصتي يالربع وشيكت على زيت المكينه مافه إلا العافيه ,, هل تتوقعون إنه من الكرف الي جاها لإنها تقريبا مشة 5000 في الأسبوع الي راح ولا هو عطل في الحساس ولا هو عطل في المكينه وتكفون يجاوبني الي عنده خبره عشان أنا بكرى راح أروح لم الوكاله...
مع العلم سيارتي V6

**أبوكرم** · 02-05-2009, 01:22 AM

و عليكم السلام...

ما أعتقد من الكرف
هذاك اليوم كرفت سيارتي في البلد (يعني مو خطوط) و مشيت ما يقارب 700كيلو في يوم واحد

وما فيها إلا العافية
------------------------
بس أذكر مرة من المرات ولعت عندي لمبة الإيرباق
رحت فصلت سلك البطارية و قعدت نص ساعة
و شغلت السيارة و الحمدلله اللمبة اختفت

جرب يمكن الحركة تضبط معاك منتا خسران شيء

**THE_HUNTER** · 02-05-2009, 11:59 AM

شكرا على مرورك يابوكرم انا توي فصلت اصباع البطاريه ورجعتها والحمدلله راحت اللمبه بس يوم جيت اعبي بانزين سكرت السياره وبعدها فتحتها وللأسف رجعت اللمبه طيب انا سيارتي الحين ماشيه 123 الف مشاء الله والى الحين ماغيرت جنزير المكينه هل تتوقعون منها السبب ولا بعد انا اخر مره غيرت زيت القير يوم كانت ماشيه 40 الف فما ادري ايش المشكله:(

**عبودي 2009** · 02-05-2009, 12:37 PM

اكشف عليها كمبيوتر وريح بالك لان لمبة المكينة اذا ولعت مستحيل احد يعرف السبب غير بالكمبيوتر

**THE_HUNTER** · 02-05-2009, 03:04 PM

**الـمـسـافـر** · 02-05-2009, 03:12 PM

نصيحه لا تتاخر بتغيير زيت القير

اسال بي يونيك عنه وشوف وش ينصحك فيك (كل 30 الف افضل شي او اقل)

بعدين رح شيك عليها كمبيوتر بالوكاله وبالمره غير الجنزير لانه لو انفرط عليك بيكلفك واااااجد (حده 100 الف )

**accord 2007** · 02-05-2009, 04:02 PM

^^^^
الــ v6 سير التيمن ( المكينه ) ربل وليس جنزير << الله يكفينا شر انفولنزا الجنزير :d

**THE_HUNTER** · 03-05-2009, 03:38 PM

على العموم الله يعطيكم العافيه وأنا اليوم رحت لم الوكاله وقالي إن الكمبيوتر حقهم خربان ومدينه للرياض
والله من زين الوكاله / البنشري حقنا أزن منهم

**samer104** · 03-05-2009, 05:50 PM

فيه خطأ غالبا ماينتبه له الشباب

الا وهو بعد الوقوف من السفر من الخطأ تطفي السيارة مباشرة

لازم تخليها تشتغل لمدة دقيقتين ثلاث

ترتاح فيه المكينة من طول الطريق

بعدها طف الوتر

اسال اصحب الدينات

واصحاب الخطوط يعلمونك عن هالمعلومة

موفق يارب