مشكلة في اسبشل 2009 ولقيت الحل

**برق** · 02-05-2009, 02:41 AM

بسم الله الرحمن الرحيم

السلام عليكم ورحمة الله وبركاته

أخواني اعضاء محبي هوندا ماراح اطول باختصر السالفة .

أنا طلعت أكورد اسبشل 2009 وبعد الاستخدام لمدة اسبوعين ما أعجبني أداء الاكورد صراحة وحسيت المدح

إلي قريته في هالمنتدى أكبر من حجمه وبعدين أتضحت الرؤيا المشاكل الي صارت لي

*ثقل بالدركسون مع العلم الكفرات فيها 30 لا أحد يقول يمكن مليانه نزلتها من 45 اول ماطلعتها

*قساوة غير طبيعية عند المطبات وأثناء المشي على عيون القطط

* تصفير صدع راسي منه على سرعة 160 ماهو صوت وشيش لأ تصفير واضح هذا مالقيت له حل

المهم ما أعجبتني وكان في واحد من الشباب معه اسبشل 2008 قلت بعد اذنك باجرب الموتر عطاني المفتاح

وجربتها ولكن فرق فرق عن سيارتي 2009 دركسون خفيف سلاسه بالقيادة مطبها مقبول جدآ احسن من سيارتي

بكثير المهم بعد نقاش وبحث اتضح العيب من الكفرات وهنا تكمن مشكلتنا راعين اسبشل 2009 لأن اسبشل 2008

كفراتها غييييييير نوعها ميشلاااااااااان و 2009 برجستون مريض قاااااااااااسي هو اللي سبب المتاعب ما ادري إذا المعلومه

جديدة أو قديمه بس قرأت الكثير من الشباب يشكون من 2009 قلت أدلي بدلوي لعل وعسى أفيدكم بتجربتي مثل ما

أفدتوني بالكثير

مع اطيب تحية

**والله قهر** · 02-05-2009, 02:58 AM

مشكور اخوي والله يعطيك العافيه

**سمـgالمشاعر** · 02-05-2009, 03:16 AM

الله يعين والله أنا نفس المشكله كفرات سيارتي برجستون
ومسويه زحمه وشكلي بغيرها وأرتاح من الصوت
وسيارتي توها ماشيه 30419 بالضبط
وتشكر على الموضوع الطيب

**برق** · 02-05-2009, 03:38 AM

هلابكم جميعآ

أخوي سمو المشاعر في ملاحظة ثانية تثبت لك قساوة الكفر بشكل اوضح خلك ماشي من 60 إلى 80 و إدعس عيون القطط

راح تسمع صوت طقطة قوية تحت احتمال يكون الصوت من الكنداسة ...عمومآ الصوت في كل انواع السيارات بس عندنا ماهو

طبيعي بس جرب 2008 اهم شي كفرات ميشلان وراح تلاحظ فرق كبير بينهم

**م ج رد حلم** · 02-05-2009, 03:40 AM

القساوة على المطبات حتى عندي موجوده

رغم انه كفراتي ميشلاااان

**المباشر** · 02-05-2009, 03:42 AM

وعليكم السلام ورحمة الله وبركاتة

مالك الا تركب كفرات ممتازة وراح ترتاح

**iMac** · 02-05-2009, 01:54 PM

وربي إني مثلك .. كرهت سيارتي من الكفرات .. مع أني مامشيت غير 6000 كيلو
لكن بوريك إن شاء الله بالكفرات

**فيوزات رحيمه** · 02-05-2009, 02:08 PM

يعطيك الف عافيه اخوي على المعلومه

انا عندي 2009 من ناحية تسريب الهوا ماسمعت فيها اي صوت هواء

ومن ناحية قساوة السياره على عيون القطط الي على الطريق << ابصم لج بالعشر انها تقطم الظهر لوول

ومن ناحية قساوة الدركسون انا عندي خفيييفه << متعود على ونيت 82 <ابوووك يا التطور لووول

يعطيك الف عافيه اخوي على الموضووع

الصراحه افدتني بموضووعك

**الدكتور محمد** · 02-05-2009, 03:02 PM

انا عندي أكورد 2008 بس مثل ما قلت اخوي ما فيها ذيك الاصوات الا يقولو عنها والكفر عندي على 35 من يوم شريتها واذا نزل أو خففته ارجع اعبيه 35 أما صوت الاكسسوارات فلازم تظهر وخصوصا لما السيارة تكون واقفة في الشمس .

شكرا على الموضوع الرااااائع ويعطيك العافية اخوي

**سمـgالمشاعر** · 03-05-2009, 12:06 AM

مشكلتي عصيبه بس الكفرات إذا غيرتها وين أودي القديمه

**برق** · 03-05-2009, 03:15 AM

المشاركة الأصلية كتبت بواسطة سمـgالمشاعر

مشكلتي عصيبه بس الكفرات إذا غيرتها وين أودي القديمه

هلا أخوي أمير المشاعر أنا أعلمك وين توديها

اليوم إالي هو اليوم رحت للغرابي أدور ميشلان نفس إللي على 2008 مالقيت مافيه إلا صناعة صيني و إلي يجي

على 2008 أمريكي ما نزل الجفالي غير صيني المهم بعد بحث و إستشارات إناس لهم خبرة في مجال الاكورد خاصة

نصحوني بالدنالوب نفس مقاس الوكالة عرض 215 إرتفاع 60 جنط 16 المهم دورت وحصلته ب290 ريال

تقريبآ والاغلبية يقولون 300 ريال بس لقيت أفضل منه بفرق كبير من ناحية المواصفات سرعة حتى 270 مع أني

ماحب السرعة يتحمل الحرارة دبل بصراحة ماعرف اشرح لك معنى الدبل لكن إذا رحت للمحل يفهمك احسن مني

من ناحية ليونه و الشكل الأروع عطيتك المواصفات ونسيت ماعلمتك وش نوعها ياطويل العمر نوعها سوموتومو

بس النفشه الجديدة إنتبه من القديمه السعر 320 ريال والكفرات القديمه بعها عليهم راح ياخذونها منك ب 400 ب500

انت وشطارتك بس تبي تلقى الراحة قبل ما انسى الزين مايكمل حلاه السوموتومو حلو من جميع النواحي بس انا

لا حظت ملاحظه يمكن تكون صحيحة او يمكن اكون موسوس فيه صوت بسيط بسبب نقشة الكفرات بس انا ماعلي

أعجبتني أهم شي أفتكيت من البرجستون إلي جاب لي المرض

أتمنى أفتدتك وأي أستفسار انا حاضر

**كوكو2009** · 03-05-2009, 05:28 AM

كلامك صحيح واكثر من واحد ركب معي يقول كفراتك قاسيه على عيون البس والمطبات يقولو تكسر الظهر وانا اقولهم بالعكس << القرد بيعون امه غزاال ههههههه ... والله حاليا افكر اغير الكفرات لانها مو موعاجبتني وكمان لانها 16 وانا ناااوي ان شاء الله على 17 او 18

**ملك مملكة جدة** · 03-05-2009, 05:42 AM

و الله يا خوي حيرتوني ؟!

الحين انا اعرف انه برجستون كويس ؟ بس هذا عيبة ؟

انا جربت مشلان ، دنلوب و ما شاء الله ولا احلى ؟

لكن برضة شكرا

**الدكتور محمد** · 03-05-2009, 02:09 PM

يعني برجستون مو زين ؟
طيب وش احسن انواع الكفرات .؟ وكم العمر الافتراضي للكفر .

**برق** · 04-05-2009, 03:57 AM

بالنسبة لأفضل كفر ومايختلف عليه اثنين هو الميشلان بس المشكلة الي موجود بالسوق صناعة صيني مافيه إلأ مقاس مختلف يعني

أقل عرض بدل ماهو العرض عندك 215 الموجود عرض 205 صناعة الماني بس شكلة بيصير غبي والميشلان إللي يجي على

اسبشل 2008 مافي منه بالسوق

أما بالنسبة لدنالوب مدحوه كثيرين وكان يجي على المديل السابق ومحد سبه ولكن من وجهة نظري السوموتومو رهيييييييييب من جميع

النواحي مواصفاته شي وشكلة روعة عيبه صوت بسيط بس برضوا رااااااااااايق وبالنهاية الخيار لك أنا تكلمت عن تجربة