هوندا اكورد 2010و اكورا 2010

**ظبياني 9656** · 20-06-2009, 07:30 AM

السلام عليكم ورحمة الله وبركاتة

HI boys,
was up
what are you doing maAan

ههههههههههههههههههههههههههههههههههههههههه

احييكم ارقى تحية من امريكاا :d
الجو عندنا غرقانة امطااار الخير وااايد
تبون شوي ;)

طبعا الكل يعرف شائعة الاكورد 2010 انها بتكون نفس الصورة الي فوق
لكن ه الاشاعة غلط
لان ه الاكورد مسوينها حق اوروبا واستراليا(هذا الي قريته ف المواقع الاجنبية )
وبالنسبة للاكورد الامريكي نفس الشكل ما تغير ولا شي
وان شاء الله في يوم بروح لوكالة الهوندا لانها قريبة من سكننا( وعندنا وكالة الهوندا والبي ام والبورش و..و..) كل يوم بكحل عيني باحد ه السيارات ههههههه:d

لكن حبيت اقولكم على شي
نفس ما تويوتا لها لكزس ونيسان لها انفيتي
ترا الهوندا لها اكورا
وعلى ما اعتقد ان اكورا فئة الفخامة بالنسبة لسيارات الهوندا
وانا كنت اتمشى ف المنطقة الي نحن ساكنين فيها
حصلت نفس الاكورد الاوروبي 2010 لكن من ورا عليها شعار اكورا

وف بريطانيا شفت الاكورد 2010 نفس الي فالصورة كنت ابي اصورها لكن راحت <---مممييييتتتتت قهههر

وهذا الي حبيت اقوله لكم

يا جماعة طمونين ع الاجواء عندكم
والله ابي ارد للامارات
كرهت العيشة هني (حريم ما عندهم ادب الله يخسهم )

:(:(:(:(

الله يكون ف عوني

( عبرت على محل سيارات والصارحة ابداااااااااااااااع
كل الي يخطر على بالك موجود عندهم صدق يشجعونك ع التزويد
تخيلو عندهم كتب تعلمك كيف تزود سيارتك لكن قهر ما حصلت ما اكورد 2009
وان شاء الله اخذلي كم شغله من عندهم لان عندهم شغلات خطيييييييييرة )

**اتحادي** · 20-06-2009, 07:41 AM

مشكور اخوي

والله يالاجواء عندنا لا تعليق

ما نقول الا الحمدالله على كل حال

و تجي على بلدك بالسلامة ان شاء الله

بالنسبه للصوره مو طالعه و اذا قدرت تصور لنا الشغلات اللي عندهم في المحل يا ريت

عشان نشوف شغلاتهم الخطيره

**JoLMooD** · 20-06-2009, 07:53 AM

ترجع لديرتك بالسلامة

وأعجبتني البداية الانجليزية هههههه عرفت انك طالع تدرس

والحين الناس رايحة لمدارسها في أول يوم في الاختبارات وانت ما شاء الله كاتب الموضوع ومروووق ض2

يا ليت تزودنا بالصور تبع المحل

وبالنسبة للصورة في الموضوع ما طلعت

**lio45** · 20-06-2009, 11:27 AM

مرحبا الساااااااااع

حياك الله اخوي الظبياني

الله يوفقك وترجع لاهلك بالسلامة

صدقني بتمر عليك السنين بسرعه لاتفكر انت بس وركز على دراستك

ودي اسالك سؤال من زمان بخاطري يتعلق بالاكورد الشكل الاوروبي
اي من الدول الاوربية يكون الدركسون على اليسار بحيث اني اقدر اشتريها واشحنها
لان عاجبني الشكل الاوروبي اما الشكل الى عندنا بصراحه دمااار خصوصا الخلف سئ جدا جدا << وجهت نظر شخصية

موفق خير

**gogo** · 20-06-2009, 03:57 PM

بسمه تعالى :

وفقك الله أخي الكريم و لا تنزعج من مشاهدتك لأشكال و تنوعات أجناس ذلكم البشر فستتعود عما قريب و سيصبح ذلك شيئآ من الماضي ...الدراسة هي مربط الفرس بأمريكا و لا تنسى فالقوانين صارمة بتلك البلاد و النظام المروري من أفضل النظم و لكنه متشدد ليس إلا محافظة على أرواح البشر و تحسين نظم السير ....و فعلآ الأكيورا بأمريكا منتشرة بشكل كبير و أكثر أصحاب هوندا الفئة الثانية يمتلكون أحد سيارات أكيورا بمختلف فئاتها و هي نار على علم ....أجوائنا سليمة و كالعادة شديدة الحرارة و رطبة نحمد الله عليها و نشكره على نعمائه ...وفقك الله أخي الكريم و بالتوفيق.

**ظبياني 9656** · 20-06-2009, 05:53 PM

اول شي صبااح الخير النوم سلطااااااااااااااااان

الحين عندنا الساعة 11 الصبح تقريبا وانتو عندكم 7 الصبح
(شوفو فرق الساعات )
يوم برد البلاد كل شي بينخبص

اخوي اتحادي :
نورت الموضوع
ما اوعدك اني اصور لان راعي المحل يمكن ما يرضى انا ان شاء الله بعبر عليه لكن بعد كم يوم وبستاذن منه اذا رضى رضى واذ ما رضى
انا مقرر اشتري كم شغله وان شاء الله اصورها

اخوي JoLMooD :
هلا هلا
لازم تفرفش عشان الحياة تكون حلوة
والصراحة انا مب رايح عشان ادرس
رايح لامريكا لان عندنا كم شغلة هناك وبالمرة اخذ دورة انجليزي ( اذا عجبتني الاوضاع)
وبالنسبة لصور المحل نفس ما قلت لاخوي اتحادري اذا رضى كان بها واذا ما رضى بعد كان بها ههههه

اخوي lio45:
مرحبتيين
بريطانيا يمين
النمسا يسار (لكن من ه النقطة مو متاكد لاني رحت لها من 3 سنوات تقريبا وما اذكر التفاصيل)
لكن افترض انها يسار ما انصحك انك تطلبها لان عندك اكثر عن سبب
واهم سبب (في رايي ) ان الحرارة (تشغيل المكيف والشمس والسرعة ....الخ) كل يوم بترتفع عليك لان معاييرهم غير عن معايير الخليج
سياراتهم ما تستحمل الحرارة الي عندنا وبعدين لسمح الله اختربت عندك شغلة من وين بتاخذها من بلادك؟؟
ما بتقدر لان ما عندهم ه الشكل

اخوي jojo :
هلا فيك
بالنسبة للقوانينهم هي صح قوية لكن ما تحس ان في تطبيق صح
من قبل كم يوم كنت عند تقاطع والدنيا اختبصت عندهم

اشارتين فتحت وه الاشارتين ف اتجاهين مضاد (مثال اشارة الشرق فتحت واشارة الغرب فتحت)
وفتحو 2 ف نفس التوقيت ف الي يبي يروح لليسار لازم يوقف ف نص الشارع لييين ما السيارات الي قدامه (من الجهة المقابلة) توقف

لكن محترمين يوقفولك اذا تبي قطع لكن عندنا (بدول الخليج ) اذا تبي تقطع يقولك شوف شو نوع تايري ههههه

والله يكون ف عون الجميع

**سعودي ستايل** · 20-06-2009, 09:36 PM