الله لايهينكم اريد الرد باسرع وقت ...
شكرالكم
السلام عليكم ورحمة الله وبركاته
انا عضو قديم لكن من زمان مادخلته اعذروني :(
انا من محبي هوندا .. اليابانية ..:d
الله لايهينكم واحد من الشباب العزيزين علي بالحيل ... يريد شراء سيارة وهو متردد بين سيارتين الاوهما
1 . اكورد 2009 فل ابشن V4
2. كابريس 2009 LTZ V6
المقارنة صعبه ..
علما بان السيارة الاكورد 2009 وكاله ... والكابريس 2009 مستعمل خفيف ...
اريد منكم ياشاباب ..
اريد مشاكل الاكورد الجديدة .. وكذلك الكابريس لمن عنده اطلاع الله لايهينكم
وكذلك المواصفات والرساوة في الخط ...
وماذا تفضل انت ؟؟؟؟
الله لايهينكم اريد الرد باسرع وقت ...
شكرالكم
اخوي نصيحه لاتا خذ كابرس حتى لو وكاله الكابرس مافيه الامكينه بس يعني بس سرعه وفيه مشكل واجد واهمها الكهربه معروفه في الكابرسات وهي عيب مصنعي
والله الاكورد اصرف بكثير
وانشاء الله افدتك
الله يسلمك على الرد الحلو منك ياحلو
لكن كلام صحيح ... وان قلت الكلام بس الكابريس حلوة وشكلها الخارجي احلى ...
والكورد حلوة خصوصا الفل ..
الله يعافيك على الرد
لو انا مكانك اخذت اكور فل
ولا اصبر واجمع واشري اكورد فل سته سلندر
والله انت الحلو اذا تبي نصيحه لايغرق الشكل بيتعبك بالخربات
واذا كنت مصمم على الكابرس خذه والله يوفقك ويسهل عليك
الشكل للأكورد
المواصفات للأكورد
استخدام للأكورد
البيع بعد الشراء للأكورد
الصيانة للأكورد
أسعار قطع غيار للأكورد
المشاكل والخربات بعد فترة استخدام قصيرة للكابرس
عاد من ناحية الماكينه طبعا مافيه مقارنه هاذي i4 للاكورد وذاك v6 للكابرس
اكيد المكينه للكابرس
لاكن لو أخذ اكورد v6 جميع المقارنات تبي تتطلع للأكورد
هذا من بعد ما سألت ناس كثير
قبل مااشتري سيارتي كنت محتار بين الكابرس والاكورد
وسألت اكثر من 15 واحد معهم كابرس من بين الموديلات 2004-2006 و 97% قالو لي ابعد عن الكابرس
وعليكم السلام ورحمةُ الله وبركاتهْ ،،
أنا كان معاي كابريس 2004 ،
تبيه حق سرعه ، حياكْ ،
تبيه حق راحه ورساوة في الخط ( ارسى من الاكورد )
وعلى فكرة أنا طاح علي القير مرتينْ ، ولا أني راعي مقاومات ألا قليلة بالمرّةْ ،
والأكورد تكرف أبوها ، ما تقول لك لا ، وقيرها ما شاء الله ولا احلىْ ،
تبي أغبنكْ ، ؟!
أنا مسوي صيانة 40 ألف بـ 449 ريال تقريباً أو حولهاْ ،
وصديقي عنده كابريس 2007 ، مسوي صيانة 40 ألف بـ 3000 واشويْ ،
تصفية بخاخ وما أدري وشْ ... ألخ ، مع ان سيارته ما فيها مشاكلْ ،
وعلى فـِكرة اذا ناوي تاخذ كابريسْ ، يا ss أو رويالْ ، غيره تراااه باايخْ ،
وعلى ذلك أنا أشرح لك الأكوردْ ،
ااعذرن ياخوي نسيت ارد عليك:(
والله مثل ماقلت الكابريس سيارة ولا اروع لكن انا ولااحد راح يرضى بالخرابات هذاي وخصوصاً القير و....)
والكابريس حلوة ... والاكورد حلوة بس الى الان انتظر ارائكم
بس ياليت ياعضاء هوندا تعرفوننا على خرابات هوندا من ناحية الاكثر وياليت تقوولولي ايش الفرق بين 2007 و2008 و2009 من ناحية الخرابات الصيانة .. لاني والله شكلي الاكورد انسب جدا ولو تقولولي متى بيتغير الاكورد بشكلة ..
شكرالك ولجميع الاعضاءاللي ردو واللي ماردو
دراهمه وااااااااجد ياخذ كابرس و يلعب فيه بس اذا يبي موتر له ولزمن ومايقول لأ ولا يركب سطحات بأذن الله الأكورد الياباني عمومآ
كله حلو بس أرشح الأكووووووووووورد بقوة الكابرس حق ترزز و ورشات
هلا اخوي
فيه كثير من ملاك الكابرس بيمدحونه لك
على الرغم من مشاكله الكثيره
1- زوج اختي عنده كابرس 2007 ss قبل مايوصل الـ 10 الاف كيلو طاح القير
وكل 30 الف كيلو بالصيانه ياخذون منه مو اقل من 3000 ريال
تغيير جنزير + قماشات + هوبات او خرط هوبات + شغلات ثانيه ماني متذكرها
2- خويي عنده كابرس ls 2004 ووالله بدون مبالغه يمكن مايكمل 3 شهور على بعضها الالازم يدخل
الوكاله لمده 3-7 ايام من المشاكل اللي فيه
ومع ذلك اذا صرت مع واحد منهم وجبت طاري الكابرس اثنينهم والله يطيرون الكابرس في السما
من المدح فيه لدرجه اني دايما هواش معهم اقوله على هالمشاكل وتقول انه ok
واتوقع ان مكينه الـ ltz نفس الـ ls صح؟؟
اذا نفسها والله ولاحتى فيها قوه ولاشي
طرحت 3 كوابرس ls بالسوبارو حقتي مع العلم انها 4 سلندر
اككوررررررررررررد
اقتباس من توقيع واحد في منتدى للـ الكابريسْ ،
شرائك للكابريس يعني أنك أصبحت جزء لا يتجزّء من الصناعيةْ ، :d
وعلى فِكرة لو بغيت تاخذ لك اكوردْ ،
خذ لك من الشكل الجديد يا 2008 أو 2009
الفرق بين 2008 و 2009 وضع مانع الانزلاق vsa + اضافة لون جديد ( العنابي او العودي )
2008 قطع غياره أررخص + الضمان إلى 100 ألفْ وغيره من المميزاتْ ، لكن يبقى شكل 2007 له هيبتهْ ،
وبالتوفيق لكْ ،
حبيبي تبي النصيحة شور عليه يشتري اوريون وان كان يقدر على الافالون يكون 100%
الكابرس :
صيانه مكلفه وسياره تطلب الورش دائما ويوجد بها حساسات الى الليل كل يوم والثاني وطاق لك حساس قيمته لا تقل عن الف ريال غير شغل اليد . لكنها سياره قويه جدا وراسيه بالرغم من صوت الهواء الى المقصوره وكثر الطقطقه في المساعدات وتخلخل الديكور .بالاضافة الى انخفاض السعر بشدة بعد الاستعمال .
الاكورد اربعه سلندر :
سياره ضعيفه جدا في العزم .. كوريلا 1,8 تجيبك بالراحه قومه ومشي وتسارع .. مكيف ممتاز جدا اقوى من مكيف الكابرس والكامري .. قاسيه جدا في المطبات وتسمع اصوات عيون القطط تضرب في مخك وليس في الكفرات .. الديكور تسمعه طقطقته من كل مكان من الابواب من الشنطه من عند السماعات .. تشك انها ياباني بصراحه ..الفرامل فاشله بكل ما تعنيه الكلمة وتطلع اصوات غير طبيعيه عند الدعس عليها بعد سرعة ميه واربعين مع ارتجاج وعدم كفاءه في كبح السياره ....حرارتها ممتازه وشكلها جميل راسيه في المعطفات بفضل نظام ال vsa المزوده به موديلات 2009 بشكل عام ابتعد عنها .
الاوريون هي كامري سته سلندر بقيمة مائة ألف ريال تزود الفين وهي سياره غاليه لا يوجد بها عزل صوتي ولا راحه في المطبات وصوت المكينه يطلع اذا دعستها .. مكيفها غبي وغير كفؤ .. على الرغم من شكلها الجميل ومواصفات الزنون والبصمه غير ان هذه لا تغفر عدم الراحه وعزل الصوت .
جرب تاخذ لكزس موديل 2006 جي اس بتلاقي نظيف بقيمة ميه الف او تزود شوي
او افالون 2009 ماشي قليل تلاقيه بميه او ميه وخمسه احسن لك من الكراتين الغاليه
تحيات راعي الاكورد
السلام عليكم كيفكم بغيت اقول انتم اللي يقول ان الكابرس فيها وفيها والله ما فيها شي على حسب الاستخدام انا اخوي الكبير معاه كابرسV8 ltz 2006 والله ماقد قال فيها شي وكرف ام امها ولا قالت شي ارسى من الأكورد وأقوى واذا بتسافر لا تشيل هم ولا اني رحت بها الرياض وانا ماشي 200 ولا احس فيها تقول اني ماشي 100 اللي يقول فيها خرابات هذا اللي يتقاوم فيها كل شويه وياكل ام المطبات السيارة اذا دلعتها دلعتك واذا اذيتها آذتك وخويي عنده كابرس 2007 ltz v6 ولا قد اشتكى منها لانه محافظ عليها وجارنا عنده كابرس 2004 ومعاه زي الورد ما يدخلها الورشه الا لتغيير الأشياء الاستهلاكيه انا معكم ان الأكورد رزه وفخامه وخدمه لاكن الكوابرس ما نظلمها ولو انها مو مرغوبه ولا كلها خرابات كان ما بدت من الخمسينات او اقل واستمرت الى 2009 وسلامتكم
^^
^^^^
^^^^^^^^^^^
^كلامك وافي والله يوفقك^
ماشاءالله عليك حبيبي كفيت ووفيت ...
شرح وافي . الله يعطيك العافية
كما ذكرت في الكابريس .. مشكلة الديكور , والحساسات , عزل الهوا , المساعدات ... الله يحله .
وهو صراحة يبي يشري سيارة وما يحب شيء اسمه صناعية ... لاتجيب ذكره عنده ,,
لذلك يقوول الاكورد القطع اصليه .. طبعا يكفي فخرا انها يابانية الصنع 100%
وبعدين هو مب راعي دعس ومجاكر .. على الخفيف ..
والاوريون ا.. الصراحة مااعجبتني شكله ابداً لو تصير مواصفات لكزس ...
والسيارة لصارت وكاله له طعم ثاني ...
انا لاقي بي ام 2008 130 الف رايال فقط لاغير .. بس الجديد له طعم ثاني لو كورلا ...
الله يعطيك العافيه
تعقيبا لكلامك ,, ان الكابريس مافيها خربات ولا شيء الله يرحم والديك , ادخل منتديات خاصة للسيارة هاذي وتبي تشوف الكلام يتغير ولا لا ...وبعدين المثل المعروف مادري وشو ان الكثرة تغلب تغلب الشجاعه .. الاعضاءمع الاكورد ومنتديات ثانية يقول اكورد .....;)
وبعدين الله يسلمك انا ماوضعت موضوع هنا في المنتدى الشامخ باعضاءه الا انا مقتنع قناعة تامه ان الاكورد تروح على الكابريس .. لاسباب ..
السرعة الكابريس مايبلها كلام .. لكن يكفيك ان الاكورد ياباني وسعره مابعد البيع حلو .. والكابريس استرالي وغير كذا سعره غالي ولاجيت تبيعه مايسوى بيزه .. صح كلامي ولا لا ..
شكرالك وكلامك اقدره واتشرف انك رديت على موضوعي ...
مواقع النشر (المفضلة)