معي 2008 لها الان سنه وثلاث اشهر ... وممشاي فيها حدود 60 الف ( ماشاء اللهـ ) ..

الفحمات غيرتها ثلات مرات .. مرتين طقم كامل خلفي وامامي .. ومره خلفي او امامي ماني متأكد بالضبط ..

والهوبات على كلام الوكاله لكن ماني متأكد لانه صارت مشكله بيني وبينهم يومها .. انهم غيروا
الهوبات لي مرتين ..

لكن المره الاخيرهـ في صيانه 40 الف تم خرط الهوبات الاماميه والحمد لله كل شي
تمام الى الان وصلت 57 الف وبدات الرجهـ ترجع ... وللعلم انا ماارحم الفحمات واللهـ ..
يعني صحيح انا رجلي حارهـ لكن الموتر بعد لازم يتحمل شوي موب ادلعهـ :p ..

مشكله الفحمات مافيه لها حل لانه تخلص بسرعه كبيرهـ جدا مقارنه بالموديلات السابقهـ ..

والهوبات بعد فيها رجهـ على حسب معرفتي بكل 2008 لكن 2009 ماني متأكد ..

لكن حل الرجهـ يكون بتغير الفحمات وخرط الهوبات او تغييرها على ضمان الوكالهـ .

طبعا حل مؤقت ماهو نهائي ومصيرها ترجع سواء بعد 10 الالاف ولا 40 الف ياغالي ..

والاصوات الحفلهـ حلها بالوكاله سهل مرهـ يعني مادري بالضبط وش يسوون لكن يحلونها لكـ ..

لكن الموتر مايعيبه شي ثاني غيرها حسب علمي ..

.. الحمد لله لاصرفيه لاراحهـ لا لا لا لا << لايهمكـ كلامي من ناحيه المدح ..

كلن بيمدح موترهـ كانه هو اللي صانعهـ ياغالي ..

انا قلت لك على العيوب المميزات كثير ويمكن احد يختلف معي فيها .. لكن من ناحيتي صرفتيها ممتازه .. راحه ...

تنسيم الهوا ماهو عالي بالمرهـ .. وايضا مطبها شوي قاسي لكن تعودنا خخخ ..

هيبهـ ... داخليتها واسعهـ مريحهـ للركاب عن تجربهـ سفر طويلهـ من الشرقيه الى جدهـ << شق الممكلهـ :p ..

هذي العيوب بشكل عام والمميزات بشكل عام بعد ..

اتمنى الشباب يفيدونكـ اكثر مني اخوي ..