عن الزنون

**البرناوي** · 05-05-2009, 01:55 AM

سلام عليكم
كيفكم ياشباب
عندي كم سؤال
1/ ابغة اركب زنون في العالي والواطي اش رايكم
2/ هل الظفيره تستحمل ولا تخرب

3/ اذا ركبت الزنون اركب كتاوت

**meshoo** · 05-05-2009, 02:32 AM

اذا الواطي زينون والعالي زينون وش الفايده ؟؟

**civic 4 ever** · 05-05-2009, 02:38 AM

عادي ما راح يضر بس انا انصحك انك تركب في الواطي بس و العالي خله عادي
وبالنسبه الى الكهرباء ما فيه مشكله عاادي.

تحياتي

**البرناوي** · 05-05-2009, 02:46 AM

مشكور يااخوي

**أوشين** · 05-05-2009, 02:13 PM

المشاركة الأصلية كتبت بواسطة meshoo

اذا الواطي زينون والعالي زينون وش الفايده ؟؟

عفوا اخي العزيز.. لكن ما الفايدة من كون الزينون يفضل في الواطي بس.. صدق أنا ما أعرف؟؟

**hamedo** · 05-05-2009, 11:15 PM

افضلك ماتركب زينون

**البرناوي** · 06-05-2009, 12:15 AM

وانت ليش مركب

**خللودي** · 06-05-2009, 05:04 AM

المشاركة الأصلية كتبت بواسطة البرناوي

سلام عليكم
كيفكم ياشباب
عندي كم سؤال
1/ ابغة اركب زنون في العالي والواطي اش رايكم
ركب عادي مافي اي مشكلة
2/ هل الظفيره تستحمل ولا تخرب

لا طبعا ما تستحمل الا اذا كانت الاجهزة صيني
3/ اذا ركبت الزنون اركب كتاوت

انا افضل انك تركب كتاوت عشان ماتضرب عندك الفيوزات

**ن ع ر السعودية 0005** · 06-05-2009, 07:21 AM

وعليكم السلام .........

والله أنا من رائيي أنك تركبه بالواطي أحسن يعطي منظر وإضائة أجود وأحلاء من الأصفر وبخصوص تركيبة في العالي ما أنصحك لاني جربتها يستهلك البطارية بزيادة وممكن يسببلك عطل في علبه الفيوزات وعلبه الفيوزات إذا خربت وموترك متعدي فترة الضمان راح تنجبر وتصلحها على حسابك وقيمتها غالية بالوكالة يمكن بحدود 2000 ريال وإذا موترك ماوصل 120 ألف يصلحونها على حسابهم على شان كذا ما أنصحك فيه بالعالي و بخصوص الكتاوت ما أنصح فيه خل التركيب على طول أفضلك أنا موتر مركبه بدون أكتاوت وله يمكن 3 سنوات ولا أشتكاء من شيء ولله الحمد ..... وبالتوفيق لك أخوي ......

**TB6Y** · 09-05-2009, 03:22 PM

اعتذر عن المداخله اخوي برناوي
ماهي فائده الكتاوت؟

**Cruiser** · 09-05-2009, 03:32 PM

اخي اكورد مزيونه ،

الكتاوت (cutout) هو جزء من عمل الرليه (Relay) ، الاخوان هنا يشيرون الى الريليه بكلمه كتاوت .

على العموم ، الريليه هو عباره عن منظم لشده التيار الكهربائي و فرق الجهد و فيه قاطع تيار . فوائده انه يبقي على شده التيار و الجهد بمستوى ثابت و يمنع مرور الشحنات الكهربائيه العاليه و المفاجئه مما قد يطيل عمر الاجهزه الموصوله به .

تحياتي ،

**TB6Y** · 09-05-2009, 10:28 PM

يعطيك العافيه اخوي
فائدة الكتاوت لتقوية النورولاسمح الله حصل التماس فالكهرب الكتاوت تفصل الزنون؟؟؟؟

**Cruiser** · 10-05-2009, 09:17 AM

لا يا اخي العزيز ، الريليه (او المشار له بالكتاوت) لا يقوي النور بل يعمل على حمايته و المحولات من التيارات الكهربائيه العاليه جدا او المنخفضه جدا ، فهو بذلك ينظم شده التيار و فرق الجهد المتدفق لنظام الاناره .

الفيوز (Fuse) هو الذي ينقطع بشكل مستمر عند حدوث تماس كهربائي و يلزم تبديله .