بخصوص زيت المحرك .

**الدكتور محمد** · 14-05-2009, 06:07 PM

ودي تفاعل من الاعضاء الكرام بخصوص موضوع تغيير الزيت .

اقصد على كم تقوم بتغيير الزيت بالسيفون وبدون سيفون .
@@@@@
عن نفسي فانا كنت اغير الزيت على 5000 والسيفون في التغيرة الثانية اي على 10000 بس بعد نصايح الشباب صرت اغير على 3000 والسيفون في التغيره الثانية .

السؤال / متى تقومون بتغيير الزيت ؟

**الهنادي راس مــالــي** · 14-05-2009, 08:05 PM

انا سمسم انتا :d ،،
اغير الزيت كل 5000 كم ... والزيت مع السيفون كل 10000 كم التغيرة الثانية ،،،
بس اهنيك عالموضوع الحلو ياحلو

**الـمـسـافـر** · 14-05-2009, 08:07 PM

عن نفسي فانا كنت اغير الزيت على 5000 والسيفون في التغيرة الثانية اي على 10000

هذي طريقتي انا

بعدين 3000 كيلو لسى الزيت جديد حرام تغيره

**green devil** · 14-05-2009, 08:24 PM

انا من اشتريتها من سنه ..اغيره كل 5000 ..مره مع سيفون مره بدون...
بس اكتشفت انه الزيت ما يتغير .ابدا ... الحين بخليه 8 الف او 10 ..بعدين بغيره مع السيفون ..

**المباشر** · 14-05-2009, 09:25 PM

كل 5000 مع الفلتر والوردة ( الواشر للصرة من الوكالة بـ 2 ريالين والفلتر بـ 15 ريال ياباني أبن ياباني )

نوع الزيت : زيت هوندا << ملاحظة ينقص بعد 3500 يمكن لأن الماكينة 6 سلندر أو الزيت نوعيته ماتصلح

التغيير القادم : جاري التفكير بزيت موبيل سوبر تيربو

**accordyon** · 15-05-2009, 03:14 AM

أنا اغيره كل 10000وأحياناً اخليه 15000 طبعاً زيت هوندا صحيح ينقص ربع علبة بس احس مايضر ربع علبة

**النمر الاسود** · 15-05-2009, 03:53 AM

السلام عليكم ورحمة الله
انا نفس الحكايه استخدم الهوندا من زمان وكنت اغير على خسمة الف السيفون على 15000 والحين عندي اكورد اغيره على عشره على حسب الكاتلوج واي واحد يجي اول العشره الف او السته اشهر طبعا العشره الف تجي قبل لانك في السعوديه
احسن شئ غيره على حسب الكاتلوج 10000 كيلو افضل والتغيره الثانيه سيفون
ولكم الشكر

**المباشر** · 15-05-2009, 11:45 AM

أهم شي - شيك الزيت كل أسبوع أو أقل أو بعد كل مشوار طويل .. ولا تنسى ماء الراديتر

يمكن تقولون وش دخل ماء الراديتر .. هذا يطولي بعمركم واحد من الشباب الظاهر مايدري ان في شي أسمه راديتر بالسيارة ولا يقربه بعد

ويوم من الايام ارتفعت الحرارة عندة ومازال مقتنع ان الخراب شي ثاني ويوم وداها ورشة طلع ماء الراديتر ناقص وفي الورشة خلوا السيارة شغالة فترة في الظهر وماطلع فيها شي وبعد ماسألوا صاحب الموتر يقول : والله ماشيك الراديتر الا بعد 3 شهور أو 4

**B Useful** · 15-05-2009, 12:36 PM

امس مغير الزيت مع الفتر (ياباني ابن ياباني ) بعد ما مشى 20.000 كيلو بدون اية ملاحظات على آداء السيارة .

نوع الزيت : كاسترول ماجناتيك + easy

تراني ما غيرتة ابد في تجمع الرياض مع اوفى الخلق : ابو داحم ACCORD i-vitc ، اليمني ياخذ 7 دقايق عشان يغيرة وحنا الظاهر ساعتين الا ربع عشان نغير زيت !!!

طبعاً الكوردتين اللي قبل كنت اغيرة مثل الهنادي راس مالي وهو اللي يقلدني :p 5000 زيت و 5000 اللي بعدها زيت وفلتر زيت .

**D.H.o.O.o.M** · 15-05-2009, 10:22 PM

انا اغيره كل 5000 كيلو ان زادت مانقصت وطبعا بالوكالة ومع السيفون

لن الزيت اذا طول مو زين للمكينة ويمكن بالمستقبل تبدا تهرب
للفائدة: اللزوجة هي المقياس مو اللون الاسود للزيت

دمتم بود