هلا بك أخوي المهندس ,,
معليش ياشباب راح أختلف معكم في المشكله لكن أقولها وأنا واثق من كلامي لأني اليوم صلحت سيارتي من هالمشكله الي أصلا معروفه في غالب السيارات ,,
المشكله ياطويل العمر ان مع العج والغباء تدخل كميه من التراب على منظم الهواء وتسده فيتعلق شي بسيط ويسبب الربكه هذي في الضغط ويصير الريس عالي جدا ,,
والي يزيد الطين بله .. لما يكون فيه شرخ في الانتيك ( ماصورة الهواء ) او في علبة الفلتر فتدخل كميه أكبر من التراب وتسد المنظم بشكل اكبر وكذا راح تكون المشكله أصعب شوي ,,
الحل ..
أولا .. روح لأي بنشري وخذ منفاخ الهواء ( المسدس ) وانفخ على منظم الهواء .. وفك الفلتر ونظفه .. وادعس على البنزين والسياره واقفه دعستين او ثلاث بس تكون قويه شوي ,, واذا انفكت المشكله اوكي ,, أما اذا ما انفكت فروح أشتر لك سبري ( بخاخ حق الصدا ) ورش على المنظم عشان تنفك التعليقه وحاول انك تسحب الواير حق المنظم ( يعني تخلي السياره تدعس كأنك تدعس دعاسة البنزين ) ..
واذا ماراحت المشكله أيضا ,, فمعناته ان الكميه الي دخلت كبيره ,,
فتضطر انك تروح لأي ورشه يفك لك المنظم ويغسله ويشيل منه التراب ويرجعه لك وحاول تشوف الماصوره والعلبه حقت الفلتر وتشيك عليهم انهم سالمين من أي كسر او شرخ يدخل منه الهواء ,,
قيمة التنظيف تقريبا 100 ريال ,,
وأعيد وأكرر .. هذي كلها مرت علي يمكن 10 مرات .. واخر مره اليوم واكتشفت في الأخير ان علبة الفلتر كانت مكسوره من الجنب شي بسيط ,, وغيرته ولله الحمد ونظفت الفلتر وراحت المشكله ,,
مواقع النشر (المفضلة)