يمكن فلتر الهوا حق المكينة
انعدم مع الغبار و العج
مساء / صباح الخير اعضاء المنتدى المحترمين
عندي مشكلة بالاكورد واتمنى ان اجد لها الحل عندكم او نصيحتكم ..
المشكلة صارت بعد ان سافرت على السيارة مشوار وكان الجو عج وكان فيه عواصف ترابية شديدة بعد ان توقفت بالسيارة لاحظت ان ضغط المكينة غير منتظم والقير على n الضغط يصل الى 2 وينزل الى الطبيعي وهكذا يطلع وينزل مع المكيف اوبدون المكيف نفس الشي غير منتظم والسيارة مشيها طبيعي مع العلم ان السيارة كانت قبل سليمة جدا والحمد لله وتم التشييك عليها قبل السفر
اتمنى ان اجد الحل او من مر بالمشكلة هذي من قبل يعطينا الحل لو تكرمتوا مشكورين ..
وتقبلوا تحياتي
يمكن فلتر الهوا حق المكينة
انعدم مع الغبار و العج
سلام اخوي المهندس
كيفك ان شاء الله مرتاح
سلامة الاسفار
هذا وانت مهندس:o
هههههههههههههههههههههههههههههههه
بنسبه لعداد الضغط وتلاعبه ( طالع نازل درج المدرسة )
صار لي نفس المشكلة
وطلعت من البطارية (قربت تنتهي ) ....
بس للاهميه روح شيك على السيارة في الورش لايكون عطل ثاني ....
اخسر 50 ريال تشييك ولا تخسر 300 ريال بطارية جديدة:(
والمشكلة ماراحت .....
حدد موقعك والشباب الله يعطيهم العافية يدلونك على ورش 100%
ولك تحياتي اخوك ديــــراااوي ......
هلا بك أخوي المهندس ,,
معليش ياشباب راح أختلف معكم في المشكله لكن أقولها وأنا واثق من كلامي لأني اليوم صلحت سيارتي من هالمشكله الي أصلا معروفه في غالب السيارات ,,
المشكله ياطويل العمر ان مع العج والغباء تدخل كميه من التراب على منظم الهواء وتسده فيتعلق شي بسيط ويسبب الربكه هذي في الضغط ويصير الريس عالي جدا ,,
والي يزيد الطين بله .. لما يكون فيه شرخ في الانتيك ( ماصورة الهواء ) او في علبة الفلتر فتدخل كميه أكبر من التراب وتسد المنظم بشكل اكبر وكذا راح تكون المشكله أصعب شوي ,,
الحل ..
أولا .. روح لأي بنشري وخذ منفاخ الهواء ( المسدس ) وانفخ على منظم الهواء .. وفك الفلتر ونظفه .. وادعس على البنزين والسياره واقفه دعستين او ثلاث بس تكون قويه شوي ,, واذا انفكت المشكله اوكي ,, أما اذا ما انفكت فروح أشتر لك سبري ( بخاخ حق الصدا ) ورش على المنظم عشان تنفك التعليقه وحاول انك تسحب الواير حق المنظم ( يعني تخلي السياره تدعس كأنك تدعس دعاسة البنزين ) ..
واذا ماراحت المشكله أيضا ,, فمعناته ان الكميه الي دخلت كبيره ,,
فتضطر انك تروح لأي ورشه يفك لك المنظم ويغسله ويشيل منه التراب ويرجعه لك وحاول تشوف الماصوره والعلبه حقت الفلتر وتشيك عليهم انهم سالمين من أي كسر او شرخ يدخل منه الهواء ,,
قيمة التنظيف تقريبا 100 ريال ,,
وأعيد وأكرر .. هذي كلها مرت علي يمكن 10 مرات .. واخر مره اليوم واكتشفت في الأخير ان علبة الفلتر كانت مكسوره من الجنب شي بسيط ,, وغيرته ولله الحمد ونظفت الفلتر وراحت المشكله ,,
مرحبا شباب ويعطيكم العافيه
المشكلة الحمد لله انحلت وبالفعل حسب ماذكر اخوي أكورداوي
رحت محل بنشر وطلبت منه تنظيف المكينة وتنظيف الفلتر ولما فك الفلتر وجد كمية كبيرة من الرمل داخل الفلتر وبالاسفل متراكم عمل تنظيف واخذت منه بخاخ تنظيف الصداء ورشيت الواير والمنظم ومكان تثبيت الواير والحمد لله رجعت طبيعيه
بعد ان مشيت واخذت فيها مشوار ,,,,,
اشكركم اخواني
ابو كرم
ديرااااوي
اكورداوي
على مروركم الكريم ونصائحكم الطيبة
السلام عليكم ورحمة الله وبركاتة
يسعدني مشاركتكم في هذا المنتدى الخاص بالهوندا
وابارك للمهندس بحل مشكلته
ونفس المشكلة عندي ويمكن أزود في ضغط المكينة وتقطيع عند قومة السيارة .
وغيرت اللي طلبوا مني الوكالة من كويلات وكراسي مكينة وجلد وغيرة بحوالي 2500 ريال
والحين عادة المشكلة ويقولون الوكالة ان الكمبيوتر يأكد انه حساس الاكسجين وهو بـ 1200 ريال .
والله اني محتار من كثر ما برجلو مخي بالطلبات أرجو المساعده .
وتقبلوا تحياتي .
خذ الحساس من التشليح
السلام عليكم المشكله كلها من من صنصوق الهوى تأكد انك مصكره صح وتأكد من نظافة حساس الهوى واصابع البطاريه وشكرا
بصراحة تعبت لين لقيت الموضوع وشكرا للجميع، عندي نفس المشكلة وخفت لا تكون مشكلة كبيرة.
بس ممكن اعرف ماهو المنظم؟ وكيف تنظيفه؟
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
مواقع النشر (المفضلة)