السلام على الجميع
فعلا أنا واحد حسيت بالفرق لاني سئلت عن الكمبرسور للهوندا اكورد 2005 لغيت الفرق النعماني ارخص ب 600 ريال عن المحلات الاخرى
سلام
كم تكلفة صدام خلفي أكورد 2009 مع البوية "أبيض لؤلؤي"....
بالانتظار
السلام على الجميع
فعلا أنا واحد حسيت بالفرق لاني سئلت عن الكمبرسور للهوندا اكورد 2005 لغيت الفرق النعماني ارخص ب 600 ريال عن المحلات الاخرى
سلام عليكم
أقدر أطلب قطع الغيار من هذا الموضوع و لا كيف؟؟
بانتظار الرد
آحصصل عندكم غطآ مرآيه يسآر بدون آشاره ؟ 03
+
كم سسعر صدآم امآمي 07
وكم سسعر صدآم خلفي 03
-
آرجوآ الرد عآجلآ
والله حرام طيب الي في الجنووووووووب ماله حل الا الوكاله ليه ما يفتح فرع في الجنوب حتى الورش مافيه ورش خاصه بالهوندا كلها هايلكسات ودداسن
مشكوووووووووور ياخوي على هاذاه الرسالة
ويعطيك الععافية
يا جماعة,
في الإعلان رقم الرياض صحيح أما رقم الدمام فتغير الى 8374709-03 انا دقيت على فرع الرياض وهو أعطاني الرقم, بس دقيت الحين ما رد, يمكن يسكر شوي بدري قبل الصلاة.
المهم,
ما أعتقد ان الإخوان اللي قاعدين يسألو على أسعار قطع غيار في الموضوع هذا يجيهم رد, ولا يجيهم على الخاص ؟
شكرااااااااا
كم اسعار المساعدات عنده؟؟ اماميه
شكراً والله يعطيك العافية
طيب ياشباب كم سعر النور الامامي عنده
راس عكس مع مرابطة
ايمن وايسر
كم قيمته؟
الاسطورة حطيت النقط على الحروف بارك الله فيك
شباب ممكن استفسار عن أفضل محل قطع غيار هوندا غير الوكيل في المدينة المنورة
ويا ريت رقم المحل ويسلمووووووووووووو
ليش الدعاية انا اخذت منه لي الدركسون اكورد 2007 ب 820 ريال هذا المحل اللي بالدمام عند الخضرية وللأسف لقيته بالرياض ب 700 ريال فرق 120 ريال
شعاااااااااااااااااري
ليس كل ما يقال يصدق
فرع الرياض الصناعيه القديمه 014486888
ابغى استفسر عن سعر الفحمات الامامية عنده وهل هي وكالة او لا وشكرا .... القطع الي عنده اصلية لو تجارية . لو الاثنين عنده ولاهنتم ومشكورين
يا جماعة الخير اتصلت للمحل قبل شوية وسئلت عن سعر الفحمات ( القماشات) الامامية قال اليي اخر شي بعد الخصم وخصم اصحاب الموقع 240 ريال . وسعر الجلدتين للمساحات قال ب 100 ريال . مع العلم ان سعر المساحات في الوكالة 84 ريال بعد الخصم . فمادري شباب هل هي الاسعار لو فيها تلاعب لو اشياء رخيصة واشياء غالية الرجاء من لديه خلفية عن الموضوع يفيدني شاكرا للموقع واهل الموقع جهودهم الجبارة في هالموقع.
رحت للوكاله وسألت عن الشمعات الأمامية لسيفيك 2008 [ النور كامل ]
الحبه الوحده قيمتها حول 1300 ريال وكسور ،، مع تخفيضهم ابو 15% يصير حول 1200 ريال
كلّمت النعماني وقال الحبه ان ما خاب ظنّي ي 1300 ريال او 1400 ريال
بس اتذكّر السعر اللي عطانيه اعلى من الوكاله
فـ لحد يتحمّس ويشتري كل شيء منهم ،، يسأل بالوكاله ثم يسأل عند النعماني او العكس قبل القدوم على الشراء
بغض النظر ،، 1200 ريال على شمعات سيفيك ،، لا وعواكس مهيب عدسات صراحه سعر جدّا مبالغ فيه
وانا احتاج يمين ويسار ،، فتطلع حول 2400 ريال ،، مع اللمبات عالي وواطي واشاره وسكن ،، وصلت بالضبط 2659 ريال
وييييييين ،، عواكس على موتر مغبّر 2008
الزبده اني طقّيتها من كثر ما طفشت من نور سيارتي الابو كلب
،،
كنت ابي انحاش من انوار الوكاله وسعرهم الخنفشاري ،، رحت للغرابي وطقيت انوار عدسات على لمبات led حركات على زينون بـ 1500 ريال
قسم بالله ندمت اني ركّبت هالخرابيط ،، ماغير منظر قدّام النّاس ،، لكن لا مسكت خط ما غير تندم على الشغل الخربوطي بالسياره
ثم بعدها مرّيت الغرابي ،، ولقيت محل اسمه التمران ،، ما شاء الله شغله واضح انه مضبوط وتمام التمام ،، وتوليف عدسات على اصطبات الوكاله وعدساته ممتازه مو الخربوطيه اللي ركبتها ههههههههه
بس سألته عن الاسعار ،، ما شاء الله ما يلعب الا بالآلاف ،، وشغل يدّه لحال 500 ريال
قلت خلّني على لمباتي الحفله لين ما يفرجها الله
والحمد لله شرينا شمعات الوكاله ونورها افضل من قبل بكثير ،، لكن مقارنه بشغل التوليف ،، التوليف افضل بمراحل
فاللي مثل وضعي انصحه يروح لمحلّات مثل تمران ويولّف له عدسات وراح يرضيه النور باذن الله [ التمران ما جرّبته بس شفت السيارات اللي يشتغل عليها وكان الشغل محترم ] او أي محل معروف بشغله
دفعت 2659 ريال على شمعات الوكاله بس ماني راضي على نوري 100% ،، ممكن 70%
لو مولّف لي عدسات على زينون على شمعاتي التجاريه اصرف لي ،، لكن النور العالي بالشمعات التجاريه مقلع واحد بالسماء والثاني عند خشم السياره ،، عشان كذا اضطريت اشتري نور الوكاله ولا الخساير المتراكمه
ادري مكان هرجي المفروض ما يكون هنا ،، بس تحمّست بالكتابة وان شاء الله احد يستفيد من تجربتي ،، او ممكن احد الاعضاء يقتبس كلامي وينقده بالنّقد البنّاء
ايه صح ،، نسيت اقول ،، امس طلبت انوار زينون للعالي ،، لان النور العالي مهو ذاك الزود ،، فـ طلبتها من موقع ألماني بـ 450 ريال مع الشحن بتوصل حول 800 ريال
الزينون 55واط AC وبتقنية المانية ومن هالخرابيط اللي خقّقوني عليها ،، شكلي انجرّيت بسرعه ههههههههههههههه
انا والنور مع هالسياره للحين ما توالفنا ،، مع ان لو يحرّبها اي شهص بيقول نور موترك طبيعي ولا فيه شيء ابد
ما اقول الا:
النفس راغبة اذا رغبتها *** وإذا تُرد إلى قليل تقنعُ
مواقع النشر (المفضلة)