الموضوع: هوندا اكورد 2009 ليش؟؟

شوف ياخي بالنسبه لطقه القير هذا طبيعي من موديل 2003 الى 2009

بالسبه للهواء كثير اللي معاهم موديل 2009 يشتكون منه وانا عندي واحد من خوياي عنده نفس المشكله الهواء

والفحمات معروف الاكورد مايطول على حسب استعمالك يعني بالعربي خلك رجل باردة على الموتر تطول معاك

بالنسبه انا معاي 2004 مافيها اي هواء والحمدالله واستغربت من الموديل الجديد لكن طقه القير جدا طبيعيه

طيب وش الحل؟؟؟؟؟؟؟ في الباب والقير والهوبااات
هل اروح للوكاله اخليهم يغيرونهااا اوو اني اروح اشتريهاا من برااا وركبهاا عند اقرب ورشه؟؟.؟

ما ازيد على كلام اخوي نحيب والطقة الي بالقير طبيعية وبعد أنا قريت من احد الأعضاء يقول في القير زي القفل زي ماتقول سفتي هذا الصوت منه

تقبل مروري

انا اكثر شي اعاني منه الفحمات الخلفيه كل صيانه اغيرها
للمعلوميه كل اسبوع اسافر والطريق كله طلوع ونزول اما الباقي ما اشوف انه فيه مشاكل والحمد لله
بعدين كل سياره فيها عيوب ولو تبغى سياره ما فيها عيوب خذ فياقرا وما فوق

بالنسبه ياخوي للقير زي ماقلت لك طبيعي يعني ارقد وامن

ام الفحمات غيرها من الوكاله وزي ماقلت لك ارفق شوي على الموتر ولا خذلك فحمات رياضيه

ام الهواء مالك الا تروح الوكاله تسويها على الضمان انشبهم عشان يسوها لك

صباح الخير للجميع

بالنسبة اخوي للطقة في القير هذا زي ما تفضلو الجماعة صوت عادي وللتصحيح لاخوي ( نحيب ) هذا الصوت من موديل 97 بحكم ان كان عندي اكورد 97 0 الفحمات يا طويل العمر حسب معاناتي مع الاكورد 2008 بالبداية السيارة تجي من بلدها وعليها بعض الملاحظات منها الفحمات ترى المسألة مجرد وزنيه وتضبيط بس وين الميكانيكي الصح عشان يضبط الشغل ( فرع الدمام بالنسبة لي افضل ورشة صيانة ) 0 الهوا بالعكس تعتبر الاكورد 2008 - 2009 من افضل السيارات في عزل الصوت بس لا تتوقع انها راح تكون مثل البنز او اللكزس 0

المشاركة الأصلية كتبت بواسطة نحيب الاماكن

شوف ياخي بالنسبه لطقه القير هذا طبيعي من موديل 2003 الى 2009

بالسبه للهواء كثير اللي معاهم موديل 2009 يشتكون منه وانا عندي واحد من خوياي عنده نفس المشكله الهواء

والفحمات معروف الاكورد مايطول على حسب استعمالك يعني بالعربي خلك رجل باردة على الموتر تطول معاك

بالنسبه انا معاي 2004 مافيها اي هواء والحمدالله واستغربت من الموديل الجديد لكن طقه القير جدا طبيعيه

^^^^^^^^^^^^^^^^^^^

المشاركة الأصلية كتبت بواسطة اكوررررد2009

السلام عليكم ورحمه الله وبركاته وبعد .
اناا معي هوندا اكورد 2009 فل اربع سنلدر طبعاا شريتهااا اول مانزلت يعني الدفعه الاولى والان :(بدت المشاكل فيهاا اول شي
عندي طقه في القيراذا حطيت القير n ثم rيطق عندي وهاذا الي مجنني والي مجنني اكثر اذا رحت للوكاله قالو هاذي طبيعيه والله مشكله
ثاني شي صوت الهواا في باب السايق ثالث شي
وتوهااا قريبه صوت الفحمات قلت اكيد يبيلهاا تغير بس الصوت قوي يعني صوت الهوبااات اذا مسكت الفراامل على 120 او 160 ياخواني ورشه الوكاله كل الي فيهاا 2008 2009 ليش؟ هاذا دليل ان اكورد الجديده ماتتحمل قليل تشوف المديلات الثاانيه والي مو مصدقني يروح للوكاله ويشوف بعينه . ارجو ارجو ارجو ان تفيدوني ياااخواني اذا مااعليكم امر

صوت القير عادي وحتى كان في موتري القديم 2002
واذا بغيت تتاكد
حط القير في d بعدين n بعدين r وراح تسمع الصوت بعدين حطه بال n ثم رجعه في r وماراح تسمع الصوت بشرط انك ماتحطه بال d وبنفس الطريقه مع ال d

حبيبي لما تغير من نمرة إلى نمره
خل السيارة تاخذ نفس شوي ما يطلع شي
يعني مثل كلام ميشو
لما تحطها من pإلى d
اصبر شوي 6ثواني 7 ثواني وبعدها امش
وبعدين الصوت عندي أكورد فل 2004 ما أحس بشي ولله الحمد
وأخوي معه اسبيشل 2009 ولافيها صوت وانا اللي سقتها وجربتها
تقبل مروري

^^

اما سبع ثواني !!!
واجده مرره
يعني لو انا عند الاشارة اقعد استني 7 ثواني ؟؟
والله ياكلوني اكل الناس اللي وراي

أنا معي أكوورد 2009 سبيشل المشاكل اللي أواجها معاها :
- الطاره مايله شوي ناحية اليمين .. مدري من مطب ولا من عيون القطط .. بسبب الكفرات أكيد
- فيه صوت قرقعه بالكفر الأمامي يمين .. أحسه مساعد بس الله يستر
- البابين الأماميات أول ما أدوس للسياره ولا أول ما أحط رجلي على الفرامل يطلع منهم صوت يعني بالعاميه "" البيبان تضرس "
- القزقاه حقت السواق .. لو أنزلها أو أرفعاه والسياره تمشي .. تطلع صوت رجه

<<< للمعلوميه أنا محافظ على السياره بشكل غير طبيعي

وش رايكم أروح للوكاله ولا لا

مشكوررين اخوااني والله من غيركم مرااح استفيد شي والثااني مره مشكورين مااقصرتواا جميعااااااا والله يعين على البااااب حق السوااق

اوووووووووووما كل ذا المشاكل في 2009
لا واللي يغبن ان ال 4 ب 100 الف

الله يعينك


انا معي 2009

مااشية 10الاف بدون اي ملاحظات


ان شاء الله تلقى حل

انا مثلك والله عندي صوت هواء وكل مره اروح الوكاله اتهاوش وياهم ..

اما بالنسبه للطقه فهي طبيعيه جدا مثل ما تفضلو الاخوان من 2003 الى 2009 كدا

قولوا الحمدلله هي جات على هواء معكم ..صوت الهواء ما يسبب خطر لك
بس لو كنت تمشي والبريكات مو مضبوطة وتحس نفسكـ في وضع خطر وش تسوي !!

أنا واحد عندي أكورد سبيشل 2008 ماشية حتى الآن 78500 كيلو. طبعا من قبل من وقت فحص الـ 30000 كيلو غيرت الفحمات. وبعدها في فحص الـ 40000 كيلو في البريك أحس برجه في السيارة. وديتها لهم وقالوا يحتاج بس خرط للهبات وخرطوها. وفي فحص الـ 50 وديتها وقلت لهم المشكله قالوا نشوف وابشر. ويسوي لي خرط للهبات كمان. وترجع من جديد بعد 1000 كيلو تقريبا رجه وأوديها فحص 60 قلت لهم ترى ما صارت قال أنا بحاول مع الشركة انهم يغيروهم لك ومدري شنو. المهندس فلبن. المهم ويجيبها لي نفس الشيء بس خرط الهبات. قلت فحص الـ 70 بوديها البحرين وأحجز معهم ولما وديتها لهم قالوا ما تخلص نفس اليوم بس لو احتاجت خرط بنسويها لكـ بـ 50 دينار. قلت له غريبة احنا معنا ببلاش بالدمام بس أنا جايبها عشان تغيروا الهبات على الضمان. قال ما نغيرها على الضمان,هذه على حسابكـ .. قلت الدمام يغيروها على الضمان بس مدري وش فيهم يماطلون. قال عيل روح الدمام أحسن لك.
قلت فحص الـ 70 بتركه ووديها الخميس الماضي الدمام فحص 80 ألف. المهندس هالمرة سعودي وبصراحة قمة في الاحترام والتقدير وأنا أشكره بقووة. قال لي كم ماشيه قلت له 80 ألف قال كم موديلها .. قلت له 2008 .. قال ماشاء الله أول مرة تجيني سيارة 2008 ماشية كذا. المهم قال لي كيف البريكات معك؟ قلت له أزفت بريكات بسيارات العالم. قال ليه وش فيها؟ قلت له 4 مرات أجيبها لكم بسبب رجه بسبب الهوبات ويخرطوا الهبات وخلاص وترجع السالفة نفسها والحين وأنا أمشي بدون ما أضغط بريك أسمع صوت كل شيء رايح فيها وأنا أمشي 80 وأعطي بريك فيها رجه. قال خلاص نغيرها لك. قلت له أكيد مو مثل كل مرة. قال ايه نغيرها, أنا ما بدفع شيء ولا أنت دافع شيء, كلها على حساب اليابان. قلت الله جابه هه. المهم قال إذا خلصت اليوم بنعطيك خبر ولا ما بتخلص إلا السبت لاني موديها يوم خميس. المهم رحت استلمتها الأحد وهي خالصة أساسا من السبت وكل شيء أوك بس غير لي الفحمات كمان لكن على حسابي. أما الهبات على الضمان. ولو ما فيه مثل هالرجال كان الحين أنا من مدير إلى مدير وراهم عشان يتعلموا. زهقت من الفلبيني اللي كل مرة أروح له. بس والله ما يعزكـ إلا ولد بلدكـ. وعموما أنا مقتنع ان بريكات الأكورد تعتبر رديئة كثير بالنسبة لأنواع السيارات الثانية. يعني لا تحسب عليها كثير إلا وهي جايبة العيد. مالكـ إلا الألماني لو بغيت الراحة من كل هالعناء
اسف على الإطالة .. بس قلت أشارككم معاناتي
سلام