سؤال عن كفرات الفل للأكورد 2008

**romanticlife** · 19-05-2009, 08:58 PM

سلام عليكم
أخواني واجهت مشكله وقت اللي كنت أبحث عن كفرات للجنط 17 بنفس مقاس الوكالة اللي هو
225/50/17 يعني دايم اللي أحصله بالسوق 215/55/17 أو 235/45/17
طبعا أنا ودي في بريجستون GR80 بس لما رحت الوكيل وسألته عن نفس المقاس قال لي بـ 911 ريال للكفر.
أحس المبلغ مبالغ فيه ولو رحت المحلات ما ألاقي غير التويو بـ 500 ريال أو لو صار متطور صار عنده ميشلان تايلندي بـ 500 ريال كمان. أنا كان عندي ميشلان بس صوت الكفرات ما شاء الله لا يعلى عليها داخل السيارة.
ياليت كل واحد يعطيني نصيحته. طبعا فيه أنواع ثانية أحيانا مثل Dunlop و الفالكن .. بس مو عارف وش آخذ!!؟
ودي بكفرات زينه وهادئة وبسعر معقول مو 900. ومدري بالنسبة للمقاسات الثانية ألاقيها أرخص بعد ومتوفرة.
يصلح أركب مقاس ثاني مثلا بدل المقاس الأصلي أركب 215/55/17 أو
235/45/17. بعض المحلات يقولوا تركب وهي مقاربه حيل يعني ما يفرق شيء. وخويكم ما عنده ما عند جدتي في الكفرات. أتمنى ألاقي الإجابات من ذوي الخبرة.

**PLAY AWAY** · 19-05-2009, 09:13 PM

وعليكم السلام

فيه اعضاء ماقصروا كتبوا مواضيع عن الكفرات فيها كل اللي تسال عنه

بدور المواضيع واجيبلك الروابط

اما عن وجة نظري اقول ان ميشلان حلو
وفيه عندك دنلوب ممتاز بعد

وفيه نوع من بيرجستون جديد اعتقد اسمه بوتنزا ادرينالين بصراحه يمدحونه ويقولون انه حلو مره

تحياتي

**المباشر** · 20-05-2009, 02:03 AM

والله يالغالي كنت أسولف مع واحد توه مركب تواير ميشلان طبعآ على سيارة ثانية مش هوندا

المهم أتكلم معه عن السعر وقالي انه سأل عن سعر البريللي وطلع أقل من الميشلان لكن مادري عن الجوده كيف وكيف وضعه على الأكورد

هل من معلومات أو مجرب ياشباب ؟؟؟

**basa_2002** · 20-05-2009, 04:28 AM

انا معي اكورد 2008 v6
وصراحة مارتحت مع الكفرات داخل المدينة ابدا بسبب قوة المطب فيها
وبعد التحري و البحث المتواصل لقيت اقرب مقاس يتناسب معها 215/55/17
لاكن انا ركبته اليوم يبغالي كم يوم عشان احكم عليه طبعا الكفر نوع دنلوب .
فكانت فكرتي اني ارفع الكفر 55 بدل 50 عشان يخف المطب ونجحت الفكرة لاكن يتبقى الصوت الراحةعلى الخط و الامان ابرجع اكتبلك وش يصير معي ان شاء الله .

**B Unique** · 21-05-2009, 12:00 PM

المشاركة الأصلية كتبت بواسطة المباشر

والله يالغالي كنت أسولف مع واحد توه مركب تواير ميشلان طبعآ على سيارة ثانية مش هوندا

المهم أتكلم معه عن السعر وقالي انه سأل عن سعر البريللي وطلع أقل من الميشلان لكن مادري عن الجوده كيف وكيف وضعه على الأكورد

هل من معلومات أو مجرب ياشباب ؟؟؟

طيب تصدق اني رحت لبريللي ونصحوني بالادرينالين ؟!

الموظف الله يجزاه خير بدل ما يمدح لي بضاعته جلس يعطيني مميزات الادرينالين ويقول انه حضر تجربة الكفر اول ما نزل على مضمار جدة للسباق وكان من افضل الكفرات الرياضية اللي جربها

سعر الكفر الواحد كان 1300 ريال بس كنت ابي اغير للافضل واجرب البريللي اللي مزعجينا به . الصراحة انصدمت يوم شفت النقشات الخايسة ويوم قال لي الموظف ان صوتها بيكون مزعج شوي كرهتها . صحيح عمرها طويل واداءها ممتاز بس بعد ما قارنها الموظف بالادرينالين والله طلعت ما تستاهل الخسارة وصدق المثل اللي يقول "خلك على قردك لا يجيك اقرد منه " !!

طبعاً الموظف ما كان يدري اني مجرب الادرينالين وقاعد اسوي له دعاية بس خليته حتى خلص وعلمته

**ا ح و** · 21-05-2009, 02:48 PM

انا وانا اخوك ما عندي خبره

بس

نفس الوضع تقروشت الي قلت بس

وتوكل على الله وخذيت ديلوب بـ 480 بعد المباااقس انا والزيووود

الديلوب حلوه وحاميه للجنط

وقووويه

اتمنا لك التوفيق

**kimo122333** · 21-05-2009, 02:57 PM

يا شباب أنا مركب التويو علي الجنط الجديد 17/225/50
بصراحة روعة ونعومة لا يعلى عليها والسعر 450 ريال بسسسسسسسسسسس للكفر الواحد وانا مجرب الدانلوب والميشلان صرااااحة ما عندك أحد ;)
والبرجيستون غاااااااااااالي مررررررررة مدري ليش

لكن أعتقد مايستاهل أي كفر ان أدفع فيه ألف ريال أو أكثر لانه عمره من سنة لسنتين وحرام صرف الفلوس على شئ غالي مع وجود البديل الأفضل واللله أعلم........
هذا من تجربتي

وشكرا

**romanticlife** · 21-05-2009, 07:36 PM

مشكورين على الردود وما قصرتوا ..
مثل ما قال أخوي كيمو أحس ان سعر البريجستون غالي زود يعني لقيته بـ911 للكفر الواحد
بعكس التويو لقيته بسعر 477 ريال في رد كاب .. بس مدري الوكيل بكم عنده
بشوفه يوم السبت بكم سعره وهم قلت بشوف أسعار الدنلوب والميشلان
أنا ما كنت أفكر بالتويو بس الحين قمت أفكر فيه شوي.
أخوي كيمو ياليت بس تقول لي وش اسم الكفر اللي اخذته لان فيه أكثر من نوع في تويو . عشان أعرف نقشته.؟
وانتظر اشوف باقي الشعب لو كان معهم اقتراحات
سلام عليكم

**المباشر** · 21-05-2009, 08:58 PM

المشاركة الأصلية كتبت بواسطة B Unique

طيب تصدق اني رحت لبريللي ونصحوني بالادرينالين ؟!

الموظف الله يجزاه خير بدل ما يمدح لي بضاعته جلس يعطيني مميزات الادرينالين ويقول انه حضر تجربة الكفر اول ما نزل على مضمار جدة للسباق وكان من افضل الكفرات الرياضية اللي جربها

سعر الكفر الواحد كان 1300 ريال بس كنت ابي اغير للافضل واجرب البريللي اللي مزعجينا به . الصراحة انصدمت يوم شفت النقشات الخايسة ويوم قال لي الموظف ان صوتها بيكون مزعج شوي كرهتها . صحيح عمرها طويل واداءها ممتاز بس بعد ما قارنها الموظف بالادرينالين والله طلعت ما تستاهل الخسارة وصدق المثل اللي يقول "خلك على قردك لا يجيك اقرد منه " !!

طبعاً الموظف ما كان يدري اني مجرب الادرينالين وقاعد اسوي له دعاية بس خليته حتى خلص وعلمته

على كذا نتوكل على الله يالربع وخلوها ادرينالين :d

<<< أقتنع اخيرآ بالأدرينالين ومثل ماقلت التغيير الجاي ( قريبآ بعد كم شهر ) ادرينالين يعي ادرينالين :d

بس دائمآ اتردد اذا سولفت مع الشباب وأكثرهم يقول انه ركب بريجستون وانصلخ عليه ( طبعآ الكلام مايشمل الادرينالين ) وبعد كذا أتردد

**oden** · 22-05-2009, 12:26 AM

طيب وبكم يطلع الادرنالين على الاكورد الجديد مقاس 17 ؟؟

بصراحه عندي على السوبارو بوتينزا iii وممتاز جدا

كم شهر ويكمل الـ 3 سنوات

**B Unique** · 24-05-2009, 12:47 AM

المشاركة الأصلية كتبت بواسطة oden

طيب وبكم يطلع الادرنالين على الاكورد الجديد مقاس 17 ؟؟

بصراحه عندي على السوبارو بوتينزا iii وممتاز جدا

كم شهر ويكمل الـ 3 سنوات

حول 900 ريال (للكفر الواحد)

**memories** · 25-05-2009, 10:43 PM

شباب انا انصدمت بعد ماطلعت السياره

واحد من الشباب شيك على اسعار الكفرات طلع الكفر الواحد بـ 1500 ريال

والله مررررررررره كتييييييييييييييييير

ماني عارف ايش في كفرات كويسه وسعرها حلو

الجنط 18 اكورد كوبيه

وشكراً