اقتباس المشاركة الأصلية كتبت بواسطة المباشر مشاهدة المشاركة
شوف طال عمرك

انا موتري دائمآ ما أتكلم عنه ولا أجيب طاريه خوفآ من عيون الحساد اللي مايذكرون الله

ماشاء الله تبارك الله على موترك يالمباشر << صدتكم :d قولوا ماشاء الله

المهم ترى موتري ولله الحمد في رمضان يكمل سنتين ومافي أي ملاحظات تذكر غير التواير والقلق البريك << ماجبت شي جديد

وصدقني تغيير زيت سيارتي عند بنشري قريب ( وهندي ) اللي يبدله لي ويشيك على زيت القير والماء ويزيد المساحات وينظف الفلتر بالهواء ويركب كل شي تمام ولا في يوم أشتكيت والحمدلله ، والفلتر والواشر من عندي وكل الدعوه 70 ريال قيمة الزيت و5 ريال شغل يد ... بلا وكالة وأنتظر وقلق .. وماأدخل موتري الا الصيانات المهمة بس

وتقرير الصيانة عندي : 1000 / 5000 / 10000 تغيير الدركسون على الضمان وقلت خلني اسويلها صيانة مادام اني وصلت للوكالة وبعدها دخلتها صيانة 20 الف وكل السالفة كنت أبي تلقيط للصدامات وكل مرة يسحبون علي ويقولون اللون غير متوفر ونصحني كوكوكورد بشغله وسويتها وأنتهيت من التلقيط.

وسحبت عليهم ووديتها صيانة 40 الف وضبطوا لي خرط الهوبات على الضمان مع الصيانة المعتادة وساحب عليهم حاليآ وسيارتي ماشية 50 الف والصيانة الجاية 60 الف نهاية الضمان وبعدها أقرب ورشة أو صيانة 80 / 100 الف عندهم .والحمدلله مثل ماقلت لك لا مشاكل ولا شي بس كل المهم انك تطيح لك على بنشري ممتاز مش مثل واحد الله يهديه بدل لي الزيت وزاده كثير وماشغلت لين خليته يشفط منه بماكينة عندهم ومن يومها ولا قربت له وحتى الهندي خوي أثق فيه بعد الله سباحنة وتعالى بس تشوفني واقف على راسه واذا خلص تغيير الزيت يشيك عليها مافي تهريب وغيره وبعدها يطلع العيار ومنتحاسب الا اذا شفت الزيت مضبوط بنفسي ومش زايد

وسلامتك ..

الله يسلمك من كل شر وماشاءلله على سيارتك الله لايضرك بشر

بس مهما كان انا اقتناعي التام بأن الوكاله شغلهم اضمن ... هو صحيح ان المشوار للوكاله والانتظار كله قروشه في قروشه بس انا راح اتحمل شي مقابل شي افضل واضمن


ومشكوووووووووووووووووووووووور اخوي المباشر على توضيحك والله لايحرمنا منك ومن تعليقاتك


تحياتي :d