ياخي شوف ورش اكثر وعلى ايش يتفقون ومر الوكالة يوضحوالك المشكلة واذا الموتر عليه ضمان عالشركة سيده
السلام عليكم ورحمة الله وبركاته
يا شباب ابغى مساعدتكم ضرووووووري
سيارتي فيها رجه في الدركسون من الداخل وكانه الدركسون فالت من الداخل وصوت طقطقه لمن اخذ المطبات
والدركسون ثقيل في الفات
رحت لورشة هوندا الاولى قالي يبغالك تغير علبة الدركسون الي تحت (الدودة)
والثاني قالي يبغالك اصلاح عامود دركسون او ممكن تغيره
وانا احترت والله بينهم
الي عنده خلفية عن هذا الموضوع يقولي كيف صلحه او غيره وكم كانت تكلفته
واكون شاكر له
مع العلم اني في جدة.
ياخي شوف ورش اكثر وعلى ايش يتفقون ومر الوكالة يوضحوالك المشكلة واذا الموتر عليه ضمان عالشركة سيده
وعليكم السلام ورحمة الله ,,
بصراحه مشكلتك ماعندي خلفيه عنها لكن حبيت أنصحك تروح لأكثر من ورشتين علشان تشوف الغالبيه وش يقولوا وتلقالك واحد يضمن شغله بحيث اذا قالك ان المشكله من الشي الفلاني خلاص يضمن لك كلامه ويتحمل أي تقدير خاطئ في المشكله ,,
وكان الله في عونك ,,
مشكورين على الردود
وتراني مخطط اذا وصلت لطريق مسدود راح ادخلها الوكالة وخلاص
والسيارة مو على الضمان موديلها 2005 وماشيه 65000
الله يعينك ويعين الجميع
والله اخوي انا مريت بهذه المشكله ولمل دخلت السياره صيانة 90000 ذكرت لهم المشكله الي انت تمر فيها وأتصل المهندس وقال ان السبب جلبة المقص الشمال مكسوره وقيمته 216 ريال وغيرها وراحت المشكله
مواقع النشر (المفضلة)