وزن اذرعه الاكورد 2008 ضروري

**مجنون عبير** · 28-05-2009, 06:49 PM

مساء الخير شباب ابي منكم مساعده حبيت اعرف وين افضل مكان غير الوكاله لوزن الاذرعه في الرياض او القصيم وبالنسبه لوكاله القصيم ماعندهم وزن اذرعه الله يخس هالوكاله ذبحونا كل صغيره او كبيره يقولون رح لوكاله الرياض بخريص تقل نشحدهم... ارجو منكم المساعده ضروري والكلام موجه للمشرفين امل الرد علي بسرعه وشكرا

**الهنادي راس مــالــي** · 28-05-2009, 06:56 PM

الرياض إلي انا اعرفه مع تجربتي له في سيارت لنا سابقة هو <<<<< العضيب >>>>> بالصناعية القديمة
والله يوفقك ،،

**الــــمــــحــــتــــار** · 28-05-2009, 07:27 PM

استغرب انك تبي غير الوكاله تبي الكلام رح للوكاله وفك عمرك من المحلات الي ماتنظمن

**أبوعبدالله** · 29-05-2009, 03:24 PM

رح العضيب

وبعدين ليه ملزم ان اللي يرد عليك المشرفين

الباقي ما ملوا عينك

ياخي ارسلهم رسالة خاصة ولا تزعجنا

**B Unique** · 29-05-2009, 04:31 PM

اذا ما عندكم محلات تضمن شغلها فعندك وكلاء شركات الكفرات تقدر ترصص وتوزن الاذرعة عندهم
شوف نوع كفرات سيارتك وروح لوكيلها اذا كان له فروع عندكم

**مجنون عبير** · 29-05-2009, 08:54 PM

اخوي صاحب الرد بخصوص المشرفين بالعكس فيكم الخير والبركه وماتقصرون بس كان قصدي سرعه الرد
عموما انا اشكر كل الاخوان اللي اعطاني وجه نظره وتمنياتي لكم بالتوفيق والله يرضى عليكم

**المباشر** · 30-05-2009, 03:51 AM

مثل ماقال أخوي B Unique

حاليآ محلات الأطارات الكبيرة صارت تجيب أحسن المعدات في مراكزها

مثلآ عندنا القحطاني ماريتايم بغض النظر عن بريجستون - مؤسسة الطلائع / أو الجفالي ميشلان

القحطاني مثلآ عنده ميزان ممتاز وعنده نيتروجين اذا حبيت تعبي توايرك وعلى خبري فيه يستقبل السيارت بغض النظر عن نوع الأطار المركب على سيارتك عنوانه طريق خريص جهه المعارض

جرب حظك معهم