الموضوع: أبغى أغير الزيت الى كاسترول ماجنتيك بسبب..!!!

المشاركة الأصلية كتبت بواسطة aoccrd 2009 v6

ولله كلامهم يشجع انك تغير مع اني احب اغير في الوكاله بس اذا احد جرب هنا على اكورد يقولنا هل لاحظ فرق خاصة v6

ما يختلف عن باقي الزيوت بس في الـ v6 لاحظت انه ينقص بعد الـ 15 الف كيلو

المشاركة الأصلية كتبت بواسطة Cruiser

كيفك يا اخي B Unique ؟

كم ينقص بعد 15,000 كم ؟

مدري انت تسألني عن كيفي ولا كيف الزيت ينقص ؟!

على العموم انا بخير ولله الحمد :d
والزيت مدري وش اللي يخليه ينقص بس لا حظت انه ينقص ما بين النص علبة الى العلبة !!

اشكرك على الاضافة اخوي Cruiser

بس احب اقول لك اني مشيت نفس المسافة على زيت الوكالة ولا نقص منه شي . وحالياً انا استخدم زيت الوكالة وما اغيره الا كل 10 آلاف كيلو مع الفلتر رغم ان لزوجته ما تزال مقبوله . ومهما كان الكلام المكتوب في دليل المالك وغيره انا وانت عارفين ان اكثر ما يهمك في الزيت لزوجته .

ومع احترامي لوجهة نظرك اذا كان الماجنيتيك بيمشيني 2500 كيلو بس زيادة على زيت الوكالة فأشوف انه ما يستاهل اني ادفع فيه 35 ريال للعلبة . لان حسب تجربتي للماجنيتيك اشوفه ممكن يمشيك من 20 الى 25 الف كيلو بالراحة ولو ما لاحظت انه ينقص كان ما غيرته ورجعت لزيت الوكالة ..

تحياتي لك واتمنى تتقبل رايي بصدر رحب

المشاركة الأصلية كتبت بواسطة Cruiser

لكن السؤال الذي يطرح نفسه هو لماذا ينقص الزيت معك ؟
- هل هو ترشيح من الصوف (Gaskets)؟ هل لاحظت اثار زيت او غبار ملتصق بزيت على المحرك من الخارج ؟

الحمدلله ما عندي اي اثار تهريب وصوف المكينة جديدة غيرتها مع السيور قبل اربعة شهور تقريباً

- هل هو حرق ، هل لاحظت دخان ابيض/ازرق يخرج من العادم عند الضوجان/الدوران السريع للمحرك؟

لو كان فيه دخان ابيض مع نقص الزيت كان عرفت ان المكينة مخبطة بس الحمدلله مكينة سيارتي سليمة
ولو كانت مخبطة كان لاحظت النقص مع اي زيت استخدمه مو بس الماجنيتيك !!

- هل هو تبخير غير ملاحظ و بطيئ؟

اتوقع انه تبخر .. بس والله شي غريب لان اللي اعرفه ان قلة التبخر من مميزات الـ Synthetic Oils او الزيوت المعالجة كيميائياً اللي يعتبر الماجنيتيك واحد منها . واللي اعرفه بعد ان نقص الزيت في بعض السيارات شي طبيعي ويبيلك تزيده كل ما لاحظت النقص ، بس اللي متأكد منه بعد ان الاكورد ما هي وحده منها !!

سؤالي الثاني من فضلك ، هل محرك الـ V6 الذي معك مصمم للزوجه 10w40 ؟ ما هي لزوجه زيت الوكاله لسيارتك ؟ و هل محركك نفس الـ V6 3.5 2008/2009 ؟

حسب دليل المالك اللزوجة 10w40 مناسبة للاكورد سواء كانت 4 او 6 سلندر اهم شي ما تكون درجة حرارة المكان اللي تستخدم فيه السيارة اقل من 20 درجة مئوية تحت الصفر << وما اعتقد ان السعودية قد وصلت لها الدرجة من التجمد !! لزوجة زيت الوكالة ماني متأكد منها بس اعتقد انها 5w30 ، وعلى فكرة ترا هو نفس الزيت المستخدم لكل سيارات هوندا يعني ما فيه شي اسمه زيت مختلف لكل سيارة والنظام هذا ينطبق على كل شركات السيارات مو بس هوندا . محرك سيارتي V6 3.0 وهو نفس المحرك المستخدم في الاكوردات من 1998 حتى 2007 مع اختلافات بسيطة للملحقات اللي تركب عليه بعكس الـ V6 3.5 اللي اول مرة يستخدم في الاكورد .

المشاركة الأصلية كتبت بواسطة ::: كـاكـا :::

الاخ B Unique ياليت تقولنا هل صحيح يتغير التسارع ولا كلام فاضي
.
.
لاني ناوي عليه عشان التسارع عاجبني

بصراحة ما ودي اكذب صاحب الازيرا في الرابط اللي جبته يمكن صحيح لاحظ فرق كبير في تسارع سيارته بس انا شخصياً اشوفه زيت عادي جداً وما لاحظت انه يحسن العزم او يزيد التسارع او حتى يخفف صوت المكينة زي ماهو مذكور في الاعلانات . يمكن الميزة الوحيدة اللي تخليه مختلف عن باقي الزيوت طول عمره . بس اذا انت متحمس مرة ما عليك من كلامي ترا ما يمنع انك تجربه وتفيدنا بتجربتك ;)