شريت اكورد 2007 باركولي وافيدوني

**نادر النادر** · 31-05-2009, 07:59 PM

السلام عليكم ورحمة الله وبركاته

امس شريت اكورد 2007 فل كامل خليجية من الامارات تحديداً

ياليت تفيدوني لو حصل أي مشكله اقدر اصلحها لدى الوكيل المحلي

ثاني شي زجاج الابواب ما يتحرك ابد عدا باب السائق ياليت اللي عنده خبر يفيدني

والسلام عليكم

**عاشق الأكورد2008** · 31-05-2009, 09:22 PM

عليكم السلام ورحمة الله وبركاته

اخوي يعطيك خيرها ويكفيك شرها

بالنسبة لموضوع الضمان اعتقد تحتاج تشيك مع الوكالة وتشوف

بالنسبة لموضوع القزاز فيه زر يقفل القزاز كله ويخلي بس حق السواق شغال تحتاج تضغط عليه وراح يخلي القزاز كله يشتغل مكان الزر موجود عند ازرار التحكم بالنوافذ عند كرسي السواق

تقبل تحياتي

**نادر النادر** · 31-05-2009, 11:27 PM

مرحبا اخوي عاشق الأكورد2008

كلامك سليم بس انا ضغطت على الزر ما فيه فايده ابد

وفقك الله

**V6 2007** · 31-05-2009, 11:38 PM

يعطيك خيرها ويكفيك شرهـا.

طيب ورا ماتوديها الوكـاله او ورشة
وتشيـك عليها وتشوف وش المشكـله..!!

اخوي بس حاب اسـألك الاكورد الامارتيه..
تفرق عن الاكورد السعوديه بالمواصفـات !! ولا لا.؟

تحيتي

**Y.k.A** · 31-05-2009, 11:42 PM

يمكن راعيها الاول فاصل الاسلاك

**نادر النادر** · 01-06-2009, 02:24 AM

V6 2007

مرحبا بك

انا ابغا اعرف الوكالة بتستقبل سيارتي ولا لا لاني بجي من بعيد شوي

من ناحية الفرق والله ياخوك ماعندي معلومات عن الفرق بس اللي عرفته انه فيها مانع انزلاق ما ادري السعودي فيه ولا لا

**اكووورد مجنونه** · 01-06-2009, 03:52 AM

اخوي انا صارت لي نفس مشكلتك بالضبط فيه افيوز فوق علبه الافيوزات اللي داخل السياره كبير لونه رمادي تلاقيه محروق روح على اي كهربائي وهو يطلعه لك واشتريه من قطع الغيار قيمته حوالي 150 ريال غيره وان شاء الله تنحل المشكله

**بريق الصحوة** · 01-06-2009, 04:13 AM

اخوي يعطيك خيرها ويكفيك شرهاعليك ان تمر على رائع كهربائي مضبوط يشوف ايش المشلكة

وعلى فكره كم ماشي الموتر وكم سعره

**المباشر** · 01-06-2009, 07:23 AM

أتوقع مايستقبل سيارتك لكن في ورش ممتازة أفضل من الوكالة بمليون مرة وأرخص بس عليك تجيب القطع من الوكالة

حدد موقعك في أي مدينة وأبشر باللي يسعدك .. ونصيحة لا توديها أي ورشة يلعبون في الموتر - خلك معنا خطوة بخطوة وراح ندلك على الورش والحلول الممتازة

**نادر النادر** · 02-06-2009, 04:09 PM

v6 2007

مرحبا اخوي

امس قابلت واحد معه نفس موديل سيارتي فل كامل بس سعودي

انا 6 سلندر وهو 4

غير كذا عندي ايرباقات في اكثر من مكان وهو ما عنده وعندي التحكم في صوت المسجل من الدركسون وهو لا هذا اللي لاحظته

**نادر النادر** · 02-06-2009, 04:11 PM

اكووورد مجنونه

مشكور على الايضاح

على فكره اسمع صوت طقه كذا اذا ضغطت على الزر بس ما تتحرك المكينه

تشكراتي

**نادر النادر** · 02-06-2009, 04:12 PM

بريق الصحوة

هلا بك اخوي

الموتر ماشي 49 الف شريته ب 65 الف

الله يجزاك خير

**نادر النادر** · 02-06-2009, 04:14 PM

المباشر

الله يسلمك ويخليك

انا في الرياض حالياً

الف شكر لك وعساك سالم

**Cruiser** · 02-06-2009, 05:00 PM

مبروكه السياره اخي نادر النادر ،

الاكورد الـ 2007 هي من افضل ما صنعت هوندا . حافظ عليها ، لا تسرع ، و انصحك بحزام الامان .

تحياتي ،

**البرناوي** · 02-06-2009, 05:08 PM

مبروك الله يعطيك خيرها ويكفيك شرها

**امبراطور الاكورد** · 02-06-2009, 06:09 PM

فيه ورشه كويسه بصناعيه ام الحمام رقم الورشه 20 تحصلها جنب صفه ورش هوندا

**الــــمــــحــــتــــار** · 02-06-2009, 09:33 PM

وعليكم السلام

مبروووك الله يعطيك خيره ويكفيك شره

بالنسبه للدرايش فهي ان شاء الله سهله يبيلك كهربائي وبيحل المشكله وماتوقع ان الي خربان عليك دينمو القزاز اتوقع في الكهرب

**المباشر** · 03-06-2009, 05:31 AM

عزيزي حتى لو عندك أستفسار عن صامولة صغيرة روح للورشة التالية عليها توصيات جامدة من كوكوكورد و B Unique

المشاركة الأصلية كتبت بواسطة كوكو كورد

رح عند هالورشة ،،

طريق العروبة وانت متجة غرب جهة مستشفى العيون ..
بيجيك تقاطع تركي بن عبد العزيز الاول ..
اطلع يسار
بتجيك اشارة رح سيدة وخلك ماسك اليمين ،، ( الصناعية على يمينك الحين )
ثاني مدخل خش معة بتلاقي على يمينك ورش هوندا ،، رح ثاني ورشة تشوفها رقم 20

رايقين ومتخصصين بالهوندا ،، واسعارهم مرة رخيصة وشغلهم ماشاء الله تبارك الله 100٪