قولوا امين ......
ان الله يوفق اللي دلني على RED CAP للصيانه
اولا ... اتصلت على شركة هوندا وقلت لهم ابغا اسوي سيرفس للسياره على الـ90 الف ...
لانه فيه اجازه حج وناوي اسافر بر انا والاهل ... وحبيت اتطمن قبل ما اسافر واسوي الفحص...
طبعا ...
رد على الموظف وقال ياخي مافيه حجز موعد الا بعد الحج ولكن ممكن تجيب السياره وتخليها 3 الى اربع ايام !!!!!!!!!!!!!!!!!!!!!!!!!!:( لعمل السيرفيس العادي
طبعا لم استغرب عليهم لانها ماهي جديده عليهم ....
اخذت بنصيحة الاخ وقلت خلني اروح اشوف وش عند مركز الصيانه اللي قال لي عليه ....
ولله الحمد غيرو لي زيت المكينه والسيفون (فلتر الزيت )
ووزن الاذرعه الاربعه بالكمبيوتر
وترصيص الكفرات الاربع
والاهم من هذا كله قالوا راح نسوي لي شيك اب كامل للسياره من الصدام الى الصدام ...
واذا فيه شي خراب راح يقولون لي عليه وينتفق على قيمة الاصلاح ....
كل هذا بقيمة 150 ريال شامل قيمة (الزيت والسيفون )!!!!!
حمدت ربي انني وفقت بالذهب الى هذي الورشه ولم اذهب الى صيانه هوندا عبدالله هاشم ...
قال لي خلال ساعتين انشالله تكون السياره جاهزه ....
قلت انا جالس معكم وبشوف وش تسون ....
وبعدها واثناء عمل اللازم للسياره ....وانا في قمة الانبساط من الخدمة والاستقبال والتفاعل وكل شي ....
جاء المهندس ومعه ورقه فيها جدول الصيانه امن 0 الى 100 الف وش اللي اصلا الشركة راح تسويه ...
واطلعني عليه وقال لو رحت للشركه راح يسون لك صيانة عاديه ال90 الف ...
ولكن راح نعمل لك السيرفس الشامل اللي العاده يسونه قسم السياره للسيارات بعد ال100 الف ....
اعطاني بعدها ...
الخرابات اللي في السياره لم تكن مهم او ضروريه وشرح لي ان السياره تحتاج بعد فتره غيار للاقمشة الخلفية وتحتاج الى تنظيف للبخاخ واضافة بعض الزيوت الناقصه .وغيار بطاريه ..
بصراحه بعد هذا الكلام كله ...ابتسمت وحمدت ربي ودعوت لمن اشار علي بالذهاب الى هذا المركز ...
دفعت 150 ريال +150 قيمة تغيير البطاريه +5 ريال زيت فرامل ايضافي +11 علبة ماء رديتر
وقلت لو في صيانة هوندا كان دفعوني مالا يقل عن 1000 ريال هذا غير ايجار السياره اللي كنت راح استاجرها
بارك الله فيكم والله يوفقكم ومشكورين لاهتمامكم
رد مع اقتباس
مواقع النشر (المفضلة)