هلا Blacky :d
بصراحه يشرفني اني اول واحد يرد عليك
بعدين ماشاء الله القومه قويه اقول وين احصل الفلتر ذا بأشتري واحد
لكن فيه شي رفع ضغطي من جد :( <<< مقياس درجة الحراره ليه تطلعه في المقطع
أول شي احب اسلم على الجميع واعتذرلكم عن انقطاعي بسبب ظروف عده.
وثانيا حبيت اقولكم اني ركبت فلتر هوا لموتري من شركة K&N الامريكيه. وماشاء الله زاد قوة العزم تقريبا من 15 الى 17 حصان وعطا السياره صوت رياضي الييييييييييم..
وهذا مقطع فيديو لسيارتي بعد الفلتر من 0 الى 120 .... وانشاء الله يعجبكم العزم والصوت.
هنا مقطع الفيديو
هلا Blacky :d
بصراحه يشرفني اني اول واحد يرد عليك
بعدين ماشاء الله القومه قويه اقول وين احصل الفلتر ذا بأشتري واحد
لكن فيه شي رفع ضغطي من جد :( <<< مقياس درجة الحراره ليه تطلعه في المقطع
... اذا مكن تعطينا التسعيره اخوووي وشكرا
ودائما الوحش الاسود راكب عليك
ماشاءالله اخوي الله يحفظها لك
الصوت تمام
بس العزم اخوي مادري ما اظن في فرق عن قبل الفلتر
ويمكن لثلاث اسباب وانا انصحك تجربهم وبعدين بتحس باختلاف كبير
1- لو انت مركب جنوط تجاري غير الستوك مالت الوكالة بتفرق معاك ثانية على الاقل
وانا مجرب
2- التراكشن كنترول اشتغل وانت قاعد تدعس حاول انك تطفيه ( خلي المثلث ضاوي على طول)
3- والاهم تانك البنزين فل يعني الله يسامحك روح اليوم فضيه وجرب
وصور بتلاقي فرق 180 درجة
.....
حسيت انه التسارع عندك من صفر - 100 في 8 الا شوي
وانت المفروض تجيبها اقل
ومشكور على الفيديو لاني نادر ما اشوف فيديوهات من الشباب
ابدعت
طيب يعطيك العافيه
بس هل تسبب اضرار للسياره مستقبلا
وعلمنا مكان المحل وسعره
يعيطك خيرها ويكفيك شرها
ومنها للاعلى
الله يعطيك خيرها ويكفيك شرها اخوي ابو حمودي :d
من وين شريتها ؟؟ وبكم ؟؟ ;)
مبرووك ويعطيك خيرها ويكفيك شرها,,,, ياليت تصور الفلتر وهو مركب.
الصوت
الـ TCS اشتغل بالبدايه .. لو انك مطفيه كان جبت وقت اقل
و الله يعطيك من خيرها و يكفيك شرها
نفس سؤال الاخوان
كم كلفتك الشغلة وحسيت فرق واضح بعد التركيب؟
وبالنسبة ال Tcs كيف ممكن نطفيه?
الفلتر الرياضي يضيف 5 حصان بالكثير وهذا في حال وصول هواء نقي ومباشر للفلتر وهذا يبرر وجود فتحات تهويه في الكبوت ويصاحب ذلك صوت مختلف ورياضي
لذلك يتم إضافة أشياء أخرى للوصول بعدد من الأحصنه الإضافيه لرقم أكبر لإعطاء نتائج ملموسه
عيوب الفلتر تكاد تكون معدومه لاكن بما أن الفلتر يسحب هواء بشكل أسرع فهذا يستلزم عمل صيانه وتنظيف بشكل مستمر لكي لا تدخل حبيبات الغبار لداخل المحرك و تسبب بعض المشاكل مستقبلاً في حال وصولها
كذلك يتطلب وضغ حاجز لكي لايصل الهواء الحار المنبعث من المحرك للفلتر مما لايعطي النتائج المرجوه .. الهواء البارد يكون مشبع بالأكسجين بشكل أكبر
كذلك بعض الملاحظات على المقطع
مثل ماذكر MANO تانكي البنزين مرتفع جداً ويجب أن يكون تحت النصف بكثير كذلك لو كانت النوافذ مفتوحه لازم تسكرها لكي تستفيد من إنسيابيت السياره وإختراق للهواء بشكل أسرع وسلس
حاول تستغني عن الإطار الأحتياطي والعده وجرب مره ثانيه ... إنشاء الله تكون أفضل
وشكراً لك على هذا الموضوع
ن ك د
انا اللي يشرفني ردك يالغالي.
والفلتر انا شريته من RED CAP فرع الرياض الواقع في شارع الضباب وهم ركبوه ليه برضه مجانا.
وبالنسبه لمقياس درجة الحراره ماعاش اذا يقهرك وإذا صاحب السياره يفداك فمابالك بالسياره.
عاشق هوندا اكورد
يعطيك العافيه على ردك يالغالي
وقيمة الفلتر بـ 225 ريال...
ويشرفني تلقيبك بالوحش الاسود.
MANO
حبيبي انا انبسطت على ردك وبالنسبه للفلتر انا عرضت المقطع بشكل سريع وانا معك ان التراكشن اثر يمكن بنسبة 10% على التسارع والجنزط كان لها تأثير أكبر لأنها مقاس 18 وكان تأثيرها تقريبا بنسبة 18% وبالنسبه للبنزين كان شبه ممتلإ الخزان علشان أشخص قدامكم انه فل:d وكان تأثيره بنسبة 7% تقريبا على التسارع وأيضا عندي سيستم في الشنطه لايقل وزنه عن 40 كيلو جرام وكان تأثيره تقريبا بنسبة 9% على التسارع ولاتنسى الإستبنه حقت الوكاله مقاسها 17 وتأثيرها تقريبا بنسبة3% وهذا كله + وزني...:d <<< ن ك د لاتضحك....
فالمجموع للمؤثرات على التسارع تقريبا تكون في هالحاله تقريبا 47% والله أعلم.
BEKHAM
تسلملي يالغالي وردك ابدااااااااااع.
BLK
عزيزي بالنسبه للصوت فعلا كان عالي لاكنه أتوقع مطرب وسبب وضوح الصوت كان لان فتحة السقف كانت مرفوعه على فوق.
وشاكر مرورك عزيزي.
هوندا 2007
الله يعافيك يالغالي وبالنسبه للفلتر ماله ضرر بإذن الله تعالى وبالعكس فهو يزيد من تبريد الماكينه..ولاكن لازم تحميه من الغبار لان الغبار عدوه الأول ودايما تحرص على انك تعمل له صيانه دائمه والخدمه هذي يوفرها لك محل RED CAP .
وشاكر مرورك حبيبي.
Acc
حبيب قلبي الله يبارك فيك ويسلمك يارب والتيربو انشاء الله بأركبه على الموتر الجديد بشروته والقديم بموديله;) . وبالنسبه لفلتر k&N فعلا مثل ماقلت ان الفلتر دلوع وهذا يرجع لهشاشته وحساسيته العاليه من الغبار لإتساع فتحاته وهو كما تعلم يصنع في ولاية كاليفورنيا الامريكيه والشركه عملت دراسه لأكبر شريحة سيارات تستخدم الفلتر واكتشفو انه بالدرجه الاولى كانت الهوندا وخصوصا هوند سيفيك.
وشرفني مرورك يالغالي...
HONDAWY 86
تسلم يالغالي ويحفظك ربي من كل شر.
اتش
تسلملي يا احلى اتش ومثل ماقلت للشباب من RED CAP وسعرها بـ 225
واشكر ردودك عزيزي..
M///
تسلملي عزيزي وانا مخلي الصور الى التجمع بنصورها انشاء الله بالإضافه إلى مفاجأه أخرى في أكوردتي بتشوفوها انشاء الله بصور التجمع.
وشاكر مرورك عزيزي...
accord 06
تسلملي حبيبي على رأيك وفعلا مثل ماقلت ان ال TCS كان له تأثير واضح..
وشاكر مرورك يالغالي..
abo_teaf
بالضبط اجابتي لك جات بالردود على استفسارات الشباب.
وبالنسبه للـ TCS فيه زر لفصله ويوجد بجانب ازرار فتحة السقف.
وأشكر مرورك عزيزي..
accord se
بالنسبه لعدد الأحصنه ما أقدر اجزملك لاكنها تختلف من ماكينه لماكينه وأيضا مثل ماقلت تختلف بطريقة تركيبه وكمية الأكسجين اللي تدخل للفلتر..
واتشكرك جزيل الشكر على مرورك عزيزي...
والله شكله يهيض الله وصوته مجنووون إنتبه على عمرك مآيكفي 6سلندر
الله يستر عليك يالغالي .. تحياتي
مشاء الله
ده اللى اقدر اقوله
ربنا يكفيك شرها.
شباب وشلون يتحمل المقطع
اويلااااااااااااااااااااااه
على الشغل المضبوووط هاذا الشغل والله بلاش
يعطيك خيرها ويكفيك شرها :d
تقبل تحيات راعي الاكورد ;)
الللللله رووووعه وانا اخووووك
صراحه صووت عذاب....
يبالي اركب بعد واحد
تسلم حبووب ...
على البركة يا غالي وترا الموتر بشد بلده جامد شلون بيطلع لما تزيد عليه فلتر هواء بيطلع انشاء الله اقوى بنسبة بسيطة تقريبا بارتفاع 10-20حصان من قوةالماكينة وبالتوفيق ,,,,وانشاء الله الريسنغ شب بعدها والى الأعلى ايها الوحش الأسود.
تراني ما شفت وما سمعت صوت الموتر بعد تركيبك للفلتر ولكني واثق انه بيطلع عذاااب ..
يآ ولــّد يآ حركـآت..
رهيب الصــــــــوت وآليم..
انا ان شاء الله بركبـه بعد كم شهر ان شاء الله...
بس ودي اغير جنوطها الآول
يعطيك العـآفيه ويعطيك خيرها ويكفيك شرها
تحيتي
ما شاء الله تبارك الرحمن
مواقع النشر (المفضلة)