ن ك د
انا اللي يشرفني ردك يالغالي.
والفلتر انا شريته من RED CAP فرع الرياض الواقع في شارع الضباب وهم ركبوه ليه برضه مجانا.
وبالنسبه لمقياس درجة الحراره ماعاش اذا يقهرك وإذا صاحب السياره يفداك فمابالك بالسياره.
عاشق هوندا اكورد
يعطيك العافيه على ردك يالغالي
وقيمة الفلتر بـ 225 ريال...
ويشرفني تلقيبك بالوحش الاسود.
MANO
حبيبي انا انبسطت على ردك وبالنسبه للفلتر انا عرضت المقطع بشكل سريع وانا معك ان التراكشن اثر يمكن بنسبة 10% على التسارع والجنزط كان لها تأثير أكبر لأنها مقاس 18 وكان تأثيرها تقريبا بنسبة 18% وبالنسبه للبنزين كان شبه ممتلإ الخزان علشان أشخص قدامكم انه فل:d وكان تأثيره بنسبة 7% تقريبا على التسارع وأيضا عندي سيستم في الشنطه لايقل وزنه عن 40 كيلو جرام وكان تأثيره تقريبا بنسبة 9% على التسارع ولاتنسى الإستبنه حقت الوكاله مقاسها 17 وتأثيرها تقريبا بنسبة3% وهذا كله + وزني...:d <<<ن ك د لاتضحك....
فالمجموع للمؤثرات على التسارع تقريبا تكون في هالحاله تقريبا 47% والله أعلم.
BEKHAM
تسلملي يالغالي وردك ابدااااااااااع.
BLK
عزيزي بالنسبه للصوت فعلا كان عالي لاكنه أتوقع مطرب وسبب وضوح الصوت كان لان فتحة السقف كانت مرفوعه على فوق.
وشاكر مرورك عزيزي.
هوندا 2007
الله يعافيك يالغالي وبالنسبه للفلتر ماله ضرر بإذن الله تعالى وبالعكس فهو يزيد من تبريد الماكينه..ولاكن لازم تحميه من الغبار لان الغبار عدوه الأول ودايما تحرص على انك تعمل له صيانه دائمه والخدمه هذي يوفرها لك محل RED CAP .
وشاكر مرورك حبيبي.
Acc
حبيب قلبي الله يبارك فيك ويسلمك يارب والتيربو انشاء الله بأركبه على الموتر الجديد بشروته والقديم بموديله;) . وبالنسبه لفلتر k&N فعلا مثل ماقلت ان الفلتر دلوع وهذا يرجع لهشاشته وحساسيته العاليه من الغبار لإتساع فتحاته وهو كما تعلم يصنع في ولاية كاليفورنيا الامريكيه والشركه عملت دراسه لأكبر شريحة سيارات تستخدم الفلتر واكتشفو انه بالدرجه الاولى كانت الهوندا وخصوصا هوند سيفيك.
وشرفني مرورك يالغالي...
HONDAWY 86
تسلم يالغالي ويحفظك ربي من كل شر.
اتش
تسلملي يا احلى اتش ومثل ماقلت للشباب من RED CAP وسعرها بـ 225
واشكر ردودك عزيزي..
M///
تسلملي عزيزي وانا مخلي الصور الى التجمع بنصورها انشاء الله بالإضافه إلى مفاجأه أخرى في أكوردتي بتشوفوها انشاء الله بصور التجمع.
وشاكر مرورك عزيزي...
accord 06
تسلملي حبيبي على رأيك وفعلا مثل ماقلت ان ال TCS كان له تأثير واضح..
وشاكر مرورك يالغالي..
abo_teaf
بالضبط اجابتي لك جات بالردود على استفسارات الشباب.
وبالنسبه للـ TCS فيه زر لفصله ويوجد بجانب ازرار فتحة السقف.
وأشكر مرورك عزيزي..
accord se
بالنسبه لعدد الأحصنه ما أقدر اجزملك لاكنها تختلف من ماكينه لماكينه وأيضا مثل ماقلت تختلف بطريقة تركيبه وكمية الأكسجين اللي تدخل للفلتر..
واتشكرك جزيل الشكر على مرورك عزيزي...
رد مع اقتباس
المشاركة الأصلية كتبت بواسطة black.H.V6
مواقع النشر (المفضلة)