تلميع
بروح على طوال ان شاء الله
السلام عليكم
اسعد الله اوقاتكم بالمسرات
يا اخوان
انا عندي سياره جديده شاريها من المعرض
وفيها اللاصق من الخلف على الشنطه لاصق المعرض
حاولت اشيله ولاقدرت
اللي جرب قبل كذا وشاله يفيدنا وش افضل حل
لاهنتو
تلميع
بروح على طوال ان شاء الله
رح لزينة السيارات وهم يشلونها لك
جرب بمنشفة فيها ماء حار وحاول تشيله ان شاء الله يطلع معاك
وعليكم السلام ....
يا هلا بــ أوبو سعود حياك الله طريقة إزالة هذا الآستكر بسيطة إن شاء الله والطريقة هذي قديمة وتلاقي بعض محلات الزينة يعرفون لها ... شوف طال عمرك جب أستشوار حق الشعر معروف وشغل الهواء على أقوى شيء وخله على مسافة ماهي قريبة ولاهي بعيده عن الأستكر خل مسافة بسيطة يعني وبعد تقريبا 10 دقائق أو أقل راح تشوف أن الأستكر صار حار وبعدها راح تشيله بكل سهوله وبعد ما تشيله راح يبقى أثر الغراء وهذا بسيط تلميع ويروح إن شاء الله .........
أخ ابو سعود ،
انا واجهتني نفس هذه المشكله في سياره سابقه . جربت كل الطرق التي تفضل بها الاخوان و لم تنفع ، الماء الساخن و السشوار و الحت و كله على الفاضي . و يوم كنت في مغسله سيارات و خبرت العامل عنها ، ضحك و سلط على جنب اللصقه رشاش مياه الضغط العالي الذي يستعملوه في غسل السيارات فطارت اللصقه كأنها لم تكن ملتصقه !
تحياتي ،
مواقع النشر (المفضلة)