الموضوع: عن زيت المكينه والسيفون

خمس علب ونص ماتحس انها كثير شوي

المتعارف عليه اربع علب ونص مع السيفون للاكورد 2007 ونازل

ما اعرف عن 2008 شي


بالنسبه للسيفون اصلا خل عنك تجاري ولا اصلي

البناشر يبيعونه بـ 25 والوكاله بـ 15 يلعن ام الفرق الغبي

يعني عيني عينك

يعني فرق 10 ريال

اذا موترك ماشي 100 الف يغني 20 تغييره زيت


25ضرب 10 = 250ريال ...مزروفه منك

وبالغالب يكون السيفون الي عنده تجاري

ولا مره يقولي اليماني عندي كبير وعندي صغير وش احطلك

يقول كلهم اصلي وكاله !

عيني عينك استهطاف

اشتر بالكرتون وخلاص

او خمس حبات وحطهم بالشنطه وخلاص :d

وعليكم السلام ........
يا هلا أخوي يا طويل العمر ليش ما تأخذ من الوكالة أزين لك حتى ترتاح سعر السيفون بـ 14 أو 15 بعدين أما من جدك كل مره تغير الزيت تغير السيفون لا يا بعدي خل السيفون مره مع الزيت والمره الثانية بس زيت بدون السيفون لان عادي السيفون يقعد عشر ألف وبعدين أنت متأكد 5 علب ونص وين يابو موترك يأخذ مع السيفون 4 علب ونص مع السيفون و4 علب بس من دون السيفون و إذا على الغسيل والمناديل هذي حتى يمشي سوق المغسله بس ويكسب زباين وتلاقي الغسيل الله بالخير بعد .... هذا إلي عندي وإنشاء الله الشباب يفيدونك أكثر ..........

المشاركة الأصلية كتبت بواسطة ثــلــج مــشــوي

يعني عيني عينك
يعني فرق 10 ريال
اذا موترك ماشي 100 الف يغني 20 تغييره زيت
25ضرب 10 = 250ريال ...مزروفه منك :d

^^^^^^^ طبعا عندك خطأ املائي لاكن يالله نمشيها لك;)
ماجد من نجحك في الرياضيات
انت تقول 20 تغيره والفرق 10 ريال
ليه تضرب 25 * 10
المفروض 20 * 10 = 200 :d

رد لصاحب الموضوع طبعا الشباب كفوا ووفوا في الردود
الفلتر في الوكاله 15 وارخص من البناشر وزايد كذا اصلي
للمعلوميه الفلتر اللي كان في الوكاله اول صناعة امريكيه
لاكن الحين اللي موجود في الوكاله صناعه يابانيه

تحياتي للجميع ....

^^^
من قالك اني نجحت بالرياضيات اصلا :d

حملنا وبنحمل وعاوزين نحمل وش ورانا الا الحمل ;)

مثل ماقالوا الشباب 4ونص بسيفون و4 علب بدون سيفون

اما تقول 5 ونص يعني ناصبك بعلبه وبعدين ياحبي بي ليه كل 5 الأف تغير سيفون

والله حرام اصلاً حتى الزيت يقعد لين العشره

والسيفون اخذه من الوكاله او اي محل قطع غيار اضمن لك

تقبل مروري

^^^^^^^^
أنت كويس

ثلج مشوي
هلا بالغالي :d
قصدي (أشتري خمس علب) اصب 4 علب ونص ,, ونص علبه اخليه عندي اذا نقص بعدين زدته
عارف 4 علب (بدون سيفون)
4 علب ونص (مع سيفون)
بالعكس تفرق أصلي او تجاري ((الخامه والعمر الافتراضي والتحمل والجوده الخ...))
انا فاهم قصدك انه حتى لو أصلي ليش غالي ((اغلب البناشر أو بالأصح كلهم)) ب 25 ريال السيفون
من غير قيمة الزيت العلبه تطلع عليه ب8 او 9 ريال (حسب نوع الزيت) ويبيعه ب 14 او 15 ريال
صدقت البناشر مهنا انصب واغشّ منهم ومعروفين مايهمهم الا النصب والربح
صدقت انا ناوي أشري كرتون سيفون أصلي من الوكاله ((وخاصة ان اخوي معه مثل سيارتي وموديله 2006 أكورد بس اخوي فل كامل وانا ((VTI-L)) (( قير عادي )) اقل نوع على ما اظن او يمكن سياحي
بس عليه جنوط 2006 نفس شكل الفل بس الظاهر تجاريات مقاس 16 بس شكل وداخليه أسود صايره
وناوي اشري كرتون زيت سوبر جي تي (24 علبه) 20W50 بس (بكم ومن وين القاه)

مشكور وماقصرت والله يعطيك الف عافيه

ن ع ر 0005
هلابك :d
والله من جدّي :( (لأني خايف ان السيفون تجاري وتخرب علي المكينه)
انا لو اركب سيفون اصلي من الوكاله كان سويت مثل ماقلت مره اغير زيت بس ,, ومره اغير زيت وسيفون
لالا موب 5 علب ونص (كان رايحه المكينه)
قصدي (اشري خمس علب) 4علب ونص اصبهن ,, ونص علبه اخليه عندي اذا نقص الزيت بعدين زدته
أصلن السعة الكلية 5,3 لتر , لو انا حاط 5 علب ونص كان مخبطه المكينه
صدقت يبي يمشي سوقه بالغسيل والمناديل عليه زباين بس موب قوه مره
الله يجزاك الف خير ومشكور وماقصرت والله يكثر من امثالك

كوكو أكورد
هلا بالخبره :d (ولايهونون)
اللي أركب بالبنشر بدون (كرتون) وداخلن معه ومتأكد السيفونات مصفوفه بكرتون بدون كرتون صغير لكل سيفون
وبهن قراطيسهن وستكر وياباني ويقول انه اصلي وكاله

مشكور وماقصرت

أكورد 2007
شكرا على مرورك :d

أأح 2024 بيج
انا مثلك أقول لنفسي حرام والله :( بس وش أسوي اخاف يصير السيفون تجاري وتخرب علي المكينه
عاد تصدق احيانا اغير الزيت عند 4500 كم بحكم انه قير عادي وسرعه بعض الأحيان
ولشفته بني غامق
بس الحين راح اطبق 5000كم بالتمام والكمال والمره الثانيه لتغيير الزيت اغير السيفون 10000كم
مشكور حبيبي وماقصرت يعطيك الف عافيه

المباشر
يا سلام عليك انا اشهد انك ذيبان وشكرا على الصور :d
دامه ب 15 ريال كويس مره وماراح اغيره الا التغيره الثانيه للزيت
مشكور وماقصرت ويعطيك مليون الف عافيه

مشكورين وما قصرتوا وعساكم عالقوه

عندي 2005 اربع علب بس

.....>>>> خذ وكاله زي ماقالوا الشباب