سؤال لمستخدمين قماشات "نيشن"

**AliAhmed** · 07-06-2009, 01:18 AM

السلام عليكم..

ياخوان لو سمحتم الي مجرب قماشات نيشن الامامية على اكورد 2007

يفيدني في شغلتين :

1- صوت الصفير...

2- هل يوجد بودرة سوداء على الجنوط بسبب القماشات أم لا!!

3- أداء القماشات ومدة الاستخدام ..

**ابشر طال عمرك** · 07-06-2009, 04:05 PM

ممتازه والله انا الحين مركبها بس فراملها مره قوي

والصفير يطلع شوي ويروح موب مزعج

العمر مادري والله صار لي مركبها 3 شهور

احسن شي فيها وانت تمشي مليون وتمسك فرامل فجئه ماترج الطاره ولا يطلع صوت ولا شي

**AliAhmed** · 07-06-2009, 04:48 PM

يعطيك العافية اخوي على الرد... وماقصرت

بس اهم سؤال عندي : هل تلاقي الجنبط يصير اسود من البرادة الي تتطلع من القماش لو لا؟

**just 4 u** · 07-06-2009, 06:45 PM

هل تلاقي الجنبط يصير اسود من البرادة الي تتطلع من القماش لو لا؟

موجودة لكن بكمية قـليلة شيء مايذكر مقارنة باالأنواع التجارية ..

**AliAhmed** · 07-06-2009, 06:57 PM

انا مركب اصلية ولما انظف السيارة بعد مشوارين بس الجنط يصير اسود!!
يعني اذا النيشن يطلع قليل !! بيكون افضل من الاصلي..
يعطيك العافية.. وانتظر اراء باقي الشباب

**accordyon** · 07-06-2009, 06:58 PM

طيب شباب كم سعرها؟

وين القاها بالدمام؟ او اي مكان بالشرقيه؟

**محمد بن عبد العزيز** · 07-06-2009, 07:09 PM

امامي وخلفي 220 ريال للاكورد 2005

وتطلع بودره وانت راح تشوف ان الجنط بدا يتغير لونه للاسود

والشركه نفسها هي الي تصنع الهوب .. حسب ماجاني من الكلام يعني ملائمه للاكورد

بالدمام مادري بس ممكن تمر اقرب قطع غيار للهوندا وتطلب هالفحمات

**accordyon** · 07-06-2009, 07:41 PM

^^^^^^^^^^^

شكراً اخوي محمد عالرد السريع

بس السؤال حقات 2005 تركب ع 2007 او تختلف

مره ثانية اشكرك

**AliAhmed** · 07-06-2009, 08:12 PM

اخوي محمد بن عبدالعزيز
مدام انها تتطلع بودرة !! يعني ماتسوا اركبها!!!
-----
قماشات الاكورد من 2003-2007 كلها نفس المقاس ..

**just 4 u** · 07-06-2009, 11:15 PM

AliAhmed تـسوى تركبها إذا الفرق حوالي 200 ريال ..
ومثل ماقلت لك سواد البودرة ماهو كثير مرة وبصراحة تغير وتضمن الفحمات مدة أطول من فحمات الوكالة

**المباشر** · 08-06-2009, 12:14 AM

توكل على الله وركبها وخلها تجربة هالمرة - اذا عجبتك فلا تركب غيرها واذا ماعجبتك فمالك الا الأصلي ويمكن النيشن يكون السواد أقل من الفحمات الحالية اللي على سيارتك وانت جربها وقرر مين أفضل بينهم

ناوي أركبهم وبانتظار تجربتك :d

**AliAhmed** · 08-06-2009, 12:57 AM

اخوي just 4 u
فارق 200 ريال مايهم اذا كانت القماشات بدون بودرة على الجنوط وبدون أصوات !!

اخوي المباشر..
انا اليوم حاولت اتصل على النعماني في الدمام !! يطلع لي ان الرقم مغلق ! مع ان الرقم تلفون ثابت !! بس الظاهر انه محول على جوال ..

ان شاء الله راح ابحث عنها في الدمام واركبها .. واعطيكم خبر بعد تجربتها

وماقصرتوا ومشكورين على تفاعلكم !!

**AliAhmed** · 08-06-2009, 01:00 AM

انتظر ارائكم !! : : :

افكر اركب القماشات بنفسي في البيت !!

بصراحة الشغلة سهلة مجرد :
1- فك الكفر
2- فك الكلير
3-ارفع الكليبر
4-فك القماشات القديمة
5-وسع الكليبر شوي "هنا احتاج قطعة الي توسع الكليبر وقاعد افكر في بديل !! ياريت تساعدوني"
6- رجع كل شي مثل ماكان!!!

**المباشر** · 08-06-2009, 02:08 AM

بخصوص توسيع الكليبر

أول خطوة فك المسمار الخاص بتنسيم الزيت الموجود باكليبر علشان يصير سهل التوسيع بدون مشاكل

وجيب صبانة تكون كبيرة وحط قطعة حديد على الدوائر اللي في الكليبر وبعدها أضغطها بالـ ( نسميها زرادية :d ) شوي وبعطيك صورتها اذا كانت عندي موجودة لأني عطيتها واحد ومادري اخذتها منه ولا لا

المهم بعد التركيب لا تنسى تنسم على البريكات وتكون علبة زيت بريك موجودة عندك وأنتبه أنتبه أنتبه ألتحرك بالسيارة بدون التنسيم والسبب اذا كانت قدامك سيارة ومشيت البريك راح يكون فيه فراغ كبير بسبب التوسعة يعني بتصدم اذا موقف ورى سيارة والبريك توه مامسك

**المباشر** · 08-06-2009, 02:11 AM

ماحصلت اللي قلت لك عليها وشكلها في بيت أخوي الظاهر أو عند الرجال

المهم تقدر تستخدم صبانة كبس وتوسع الكبس على الآخر وتضغط على البستم داخل الكليبر بشويش لين يتوسع طبعآ لا تنسى تخلي مسمار التنسيم مفتوح وانت توسع البستم

**AliAhmed** · 08-06-2009, 03:53 PM

فهمت قصدك ... اعرف الزرادية:d .. وان شاء الله انفذها اذا اخذت القماشات .. بس ان شاء الله احصلها في الدمام !

بس :""" أول خطوة فك المسمار الخاص بتنسيم الزيت الموجود باكليبر علشان يصير سهل التوسيع بدون مشاكل""

وين يصير هذا المسمار الخاص بتنسم الزيت!!!!

**المباشر** · 08-06-2009, 04:11 PM

هذه الصورة طبعآ للتوضيح وانت شوف وين مكان المسمار عندك

**المباشر** · 08-06-2009, 04:22 PM

بعد ماتركب الفحمات : الخطوة الأخيرة

خل واحد يدبل بريك والمسمار مغلق وبعدها يمسك يعلق على البريك ويكون داعس عليه وأفتح المسمار بيطلع الزيت منه بشكل قوي وانتبه لايجي بعينك

وطبق الحركة 2 مرتين في الجهتين علشان يطلع الهواء وزيد الزيت الناقص وتوكل على الله

**AliAhmed** · 08-06-2009, 04:35 PM

تعجز الكلمات عن شكرك...

بصراحة ماقصرت ...

....

وجاري التنفيد بعد شراء القماشات

**المباشر** · 09-06-2009, 01:51 AM

حياك ياطويل العمر وبالتوفيق لك

**ـبطرانـ2005ــ** · 09-06-2009, 01:59 AM

كفووو واللهـ

انا احسب ما فيهـ الا انا الي يقدر الشغل المنزلي

بيني وبينك <<< اخر مرهـ انا الي مزين الفحمات بالبيت وكانت مرهـ حلوووهـ

واما من ناحيهـ الفحمات <<< السواد هذا يكاد معدوووم او يطلع لاكن بشكل خفيييف مو لدرجهـ انهـ يبين من اوول مشوااارين

**المباشر** · 09-06-2009, 04:20 AM

هذا الفيديو رقم 2 مهم جدآ

http://www.wonderhowto.com/how-to/vi...cord-162670_2/

**AliAhmed** · 09-06-2009, 06:21 AM

اخوي ـبطرانـ2005ــ
الشغل المنزلي احسن من الشغل الورشي .. على الاقل تكون فاهم وش في سيارتك من قطع..هذا غير المتعة والاكشن ..:d وعلى طاري السواد انت تتكلم عن اي قماشات الاصلية لو نيشن ؟

اخوي المباشر
فيديو روعة ... يشرح كيف اوسع الكليبر بالكبس او الزرادية + كيف افتح مسمار الزيت .. (عجبتني حركة الهوز الي يحطه عشان لايطلع الزيت في وجهه)

جاري البحث عن النيشن في الدمام .. مع اني فقدت نصف الامل اني احصلها .. وبكرة اذا ماشفتها .. بشتري الاصلي !! مافي حل ثاني:(

**ابشر طال عمرك** · 09-06-2009, 10:41 AM

سعر فحمات نيشن الامامي ب 110 والخلفي ب 90 فرق نص السعر عن الاصلي

**lonly style** · 10-06-2009, 02:13 PM

الظاهر باحول عليها ادا كانت موجوده 2008

الموضوع: سؤال لمستخدمين قماشات "نيشن"

أدوات الموضوع

عرض

سؤال لمستخدمين قماشات "نيشن"

المواضيع المتشابهه

بسبب عيوب فنية في نظام التعليق الأمامي استدعاءات "هوندا" تطال طرازي "أكورد" و"بايلوت"

استدعاءات "هوندا" تطال طرازي "أكورد" و"بايلوت" بسبب عيوب فنية في نظام التعليق الأمامي

رحت للوكالة وشوفوا وش صار معاي """""""""""

اللؤلؤي " خلص" و"الستة" سلندر جايّة و"العيب" واضح!!

مواقع النشر (المفضلة)

مواقع النشر (المفضلة)

ضوابط المشاركة