اهلا فيك
نصيحتي لاتركبها
وان كنت لابد مركبها فلا تركبها مكان السماعات ركبها مكان فتحة المركه اللي ورا للشنطة
السلام عليكم ورحمة الله وبركاته ..
كيف حالكم شباب ..
ما ودّي أطول عليكم بالموضوع ..
طبعاً اليوم ما داومت بالمدرسة ( فاقع ) : D
قلت يا ولد مر أنت والشباب ( ريد كاب ) اللي بالتحلية خل نتفرج ونشوف ..
شدّني أول ما دخلت المحل .. في الزاوية .. صوت قوي .. صوت تفجير يخليك غصب تروح له :d
إلتفت .. وألقالك هذاك السستم المجنون .. صوت خرافي .. صوت يخليك تخق غصب << رايح فيها :d
الزبدة .. سألت لي مسؤول الساوند سستم عندهم ووريته سيارتي وقلت له .. أبي أركب لي سستم من هالشركة في سيارتي .. كيف وشلون تركبونه وكيف وكيف وكيف ؟
قالي يا طويل العمر ( بعد ما شيك على السيارة ) سيارتك نقدر نشيل سماعات الوكالة ونبدّلها بـ سماعات الشركة اللي تبيها وتكون أقوى بكثير .. ونركب لك خلف الفتحة حقت الشنطة .. زي السماعة الكبيرة تكون قوية جداً
ورح تمشي وأنت مبسوط ونعطيك ضمان 6 شهور ولا تخاف ومدري كيف ومدري إيش
قلت طيب انا اشوف وأرد لك .. سألته قبل ما أمشي بـ كم ؟ قال بـ حدود 3 آلاف ريال!! وفيها ..
فـ شرآيكم يا جماعة الخير .. أركب ولا أصبر شوي ولا كيف ولا كيف ؟ :D
اهلا فيك
نصيحتي لاتركبها
وان كنت لابد مركبها فلا تركبها مكان السماعات ركبها مكان فتحة المركه اللي ورا للشنطة
^^
يعطيك العافية على مرورك ..
ما قصرت .. : )
ألا ليت الزمااان يعود يوما .. لأخبره ماذا حل في من بعد التخرج
بالنسبه لموضوع التفريك .. ماهي من المراجل وانا اخوك .. خويك كان اكبر مفرك وزااحف وخالع
وفي الاخير طلعت عليه اغلى من بيع السوق .. نسبه طايح حظها .. جامعات معاهد بعثات شااتوه مع الباب
واكلها خااااابور محترم .. تناظر يمين يسار اخوياك اللي بيتخرج من الطب واللي تخرج مهندس واللي جاي معه بكالوريس من الخارج
وانت اااااااااااااااااه وبتقول زمن قااااسي .. ليتها ترجع ذيك الايام .. والله لاصير الدافور اللي كله جالس قداام .. واطلق الزاويه الخلفيه للفصل .. واداوم ومعي سندويشه جايبها من البيت فيها خيار وجبن ..!! واسحب سيفون على ربعي الدشير
واذاكر وانام بكير واصحى بكير .. واحل الواجبات واشارك في الحصه .. والدروس افهمها اول باول
لكن الحمد لله على كل شي
النقطه الثانيه ساوند سيستم من ريد كاااب ولا بريال واحد .. أسعارهم اغلى من السوق بوااااجد
وحسب الماركه اللي انت بتاخذها .. بس 3000 ليه على سماعات واوفر .. رح لمه وقوله قم بس قم ..!!
واذا بخاطرك بالمره وعلى ماقالوا حبه وتبيها تنطحن .. ركب شي بسيط يعني سماعتين في الخلف .. واوفر صغير
وامبلي فاير واحد وانتهينا .. وصدقني كلها ايام وبتمل وبتلعن اليوم اللي مركب يه سيستم
طبعا هذا الكلام من واقع تجربتي الشخصيه وكانت مؤسفه ولله الحمد
3الاف ريال وش بركب DUB
تركيب السستم يكلف من 1000 الى 1500 ريال على حسب الشركات وقوه الصوت والتركيب وتوصيل السستم
نصيحه اخوي لا تركب الاوفر في السيت لانه راح يخرم لك السيت وما يرجع زي اول !!
حطه في صندوق وفتح السيت كله ويطلع الصوت جناان !! >> بس لهذا عيوب
بتضيق عليك الشنطه والصوت ما راح يطلع لك تمام اذا كنت مقفل السيت
ونت شوف الي يريحك
مراحب ياغالي ..
احسن شي انك تركب كينوود 400 واط وامبلي فاير كنود بعد 640 اذا حصلت او 600 ..
انا مركبهم وطالع الصوت اوكيهـ :d ..
لكن لعلمك الي مركبها يسمونها جنز وانا مسوي توسيع بالحديد في مكان السماعات الخلفيه ومااواجهت اي مشكله الى الان وانا مركبها من اكثر من 4 اشهر ..
انصحكـ بالكنوود 400 واط سماعتين لوننها اسود هي معها امبلي فاير كنود 600 واط او 640 ( اذا حصلته ) واوفر بالنص عند التكايه بعد وشغلك لايختلف يابطل :d
التعديل الأخير تم بواسطة A C C O R D 0 8 ; 11-06-2009 الساعة 03:55 PM
نفس اللي ابي اقوله
بس احب ازيد عليه كلمتين
مافيه مثل الوكاله ..... اشوف ان صوت مسجل الوكاله لابأس به
يعني مافيه داعي تخسر على المسجل 3000 ولا حتى 1500
رح فصل لك فيها 5 ثياب من افخم نوع
و قزازتين عطر والباقي زود عليه وتمشى بجده ولا الشرقيه ولا المكان اللي يعجبك
والله يلعنك يا بليس
^^
معليش .. صوت مسجل الوكاله واللهـ موب شي ..
اجل تخيل ارفع الصوت اعلى شي ومايخششكـ جو ..
يبوي بعض الاحيان لازم ترفع الصوت عشان تخش جوو :d
والله انك صادق .. انا مجرب .. مركب سماعتين واوفر وامبلي فاير .. وكلها اسبوعين و كرهت اليوم اللي ركبت فيه السستم .. و معروف انه ما يتعدى 1500 ريالوصدقني كلها ايام وبتمل وبتلعن اليوم اللي مركب يه سيستم
وصدقني ماراح تشوف مثل شغل الوكاله
وعليكم السلام ..
أظم صوتي للأخوان ..
مع أني أشوف صوت سماعات الوكالة لا بأس به ..
كفايه الذنوب اللي عندنا ، ليش أطول على الصوت أكثر من اللازم وأكسب ذنوب الناس ..
خلّك على سماعات الوكالة وريّح نفسك ..
وزيدك من الشعر بيت
انا مركب من ريد كاب على كامري 2002 سوني
مادري والله كم واط لأني ماهتم بالفاصيل
الزبده ان صوته يررررررررررررقع
بعد 8 شهور من تركيبه
صرت لالفيت يمين الصوت يروح مع اتجاه اللفه
يعني تخيل ماخذ يمين
والصوت كله يروح يميييييييييييييييييييييييييييين
.
.
عندي لك حل بسيط أو أنه حل لهالمشكله كعامه
فيه برنامج عندي أشتغل عليه حق رمكسات
يعني دمج اغاني وشعر ومؤثرات
فيه خيار يرفعلك الصوت
بعد ماخلصت من العمل رفعت الصوت لآخر شي قبل احفظه بصيغة mp3}
يوم حفظته وخلصت
شغلته ع السياره وصوته عآآآآآآلي ومختلف عن المعتاد
بالتوفيق عزيزي~
وذا تبي البرنامج أسمه "Mixcraft 3"
وذا أعجبتك الشغله ممكن اعطيك برامج أحترافيه
:d
انا اشوف ان مالها داعي تركب سمعات فوق سمعات الوكاله
لاني قد ركبت سستم اربع سماعات ووفرين وأملي فاير
وجلس شهر ومليت منه وبعته
فأقصرها انت من البدايه ولا تتهور وخليك على الوكاله
أخ كاكاشي أنا مركب ساوند سيستم من سنة تقريبا
سماعتين و بازوكا و أمبلي فاير
أنا ماني مركب السيستم مهو عشان أستعرض وأسوي غلبة في الشارع
أنا مركبه عشان نفسي
لأنه سماعات الوكالة جدا بيييييييض:p
بالنسبة للأخوان إلي ركبوا سيستم فترة و فكوها دا شيء راجع لهم
مستحيل إني أرجع لسماعات الوكالة
نفس الكلام مع الزينون<<إيش دخل الزينون في الهرجة؟:d
ليش كذا إنفجرت فجأة وحده .. :d
على طاري الدراسة .. لا تخاف على أخوك مظبط وضعي .. صح أدج في يوم ولا يومين لكن عندك ذيب يظبط نفسه في وقت الشدايد << من جنبها
مشكور على مرورك : )
هلابك أخوي .. بالنسبة لـ موضوع الفلوس أكيد غالية جداً
وما طرالي أركب سستم بـ 3 آلاف والله لو مركب وش مركب ..
أنا هنا جاي أستشير وأشوف اللي مركبين وأحسن الأشياء .. زي ما تقول فتحت الباب للموضوع ذا : )
شآكر لك مرورك ..
هلابك والله
توسيع حدايد ومدري كيف وقلة حيآ إنسى والله ما ألعب فيها ابد .. :d
يارجال هذي بكرآ تزعل علينا وتخرب وأكره نفسي ويمكن تجيني حالة إكتئاب ومرض نفسي مزمن << موسوس
زي مرة الفحمات وهي فحمات موضوعها سهل .. إنتهت عليّ ولما كنت رآيح للوكالة أشتري القطعة أسمع الصوت وعلى قلبي والله
على العموم آممم .. كينوود شركة حلوة وكل اللي سألتهم يمدحونها مرررة .. نبي نشوف والله يعين
شاكر لك مرورك : )
إقتراحك حلو .. لكن الثياب شي أساسي في الحياة .. اليوم ما فصلت بعدها بأفصل مافيه مشكلة وكذلك العطور ( أمرها سهل )
لكن السستم مرحلة في العمر .. الواحد يبي يعيش حياته .. ومستحيل مهماً كان .. في بالك شيء تبيه مرررة وترضّي نفسك غصب بشي ثاني .. << طبيعتي
على العموم .. شآكر لك مرورك وردك وتفاعلك : )
الله لا يحرمنا من طلاتك ..
لا تزعل منّي لكن بعض الناس ممكن تروح تشتري شيء جديد مثلاً ( جوال ) جديد .. ومن بكرآ يطفش منّه
طبيعي .. لأن طبيعة البشر تختلف .. ممكن أنت زهقت لأنك شريت السستم عشان التفجير وكذا .. وخلاص فجرت في كل إشارة وفي كل مكان وزهقت .. لأنك شاري السستم عشان تفقع الصوت أعلى شيء ..
بالنسبة لي أنا ما أحب أفجر الصوت 24 ساعة .. أبي صوت أحسن من صوت الوكالة .. بس!
نورت الموضوع بطلتك : )
هلابك أخوي ( يوسف ) صحيح ؟
نفس ما قلت في كلامي الأول .. أنا مطلبي من السستم إني أغير صوت الوكالة البايخ
مو عشان تفجير كل شوي .. والله لو إني وش .. ما قد شفت سستم يعني :d
على العموم هلابك ونوّرت الموضوع بطلتك ..
شآكر للجميع مرورهم وتكلفو وردو علي مشكورين من جد ..
قرآري النهائي :-
رح أركب سستم كامل للسيارة
سماعات غير الوكالة وسماعتين زيادة ورآ مع أوفر ويمكن إمبلي فآير
إن شاء الله في بداية الصيفيّة ( بس خل أخلص إختبارات الإسبوع الجآي )
ورح أمر على ( ريد كاب ) وأسلم عليهم وأقول سماعاتكم ذي خلها عندكم عساها عمرها ما طلعت من عندكم أجل يقولون 3 آلاف << قلب عليهم ههههه :d
..
^^^^
هو دا الكلام
أنا مركب سيستم عشان أغير سماعات الوكالة الخايسة
مهو عشان أسوي حفلة في الشارع و أعمل صجة
^^
حفلة هههههههه .. هلابك أخوي نورت الموضوع : )
اول شي هاي والموضوع حلو في بداية انت قلت وش رايكم اركب ؟؟
اقولك لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالا للتركيب <<<مو المخدرات
السعر مره غالي
انا بقول كلامي عجبك زين ماعجبك مو زين :d موبايلي لا تليفون البيت خخخخخخخخخ المهم
انت تسمع انقليزي ولا عربي ؟؟؟
اذا انقليزي كويس السستم
اذا عربي اقولك خلك على سمعاتك اصرف الانه ماراح يفيدك السستم
اذا تبي صوت واضح و وقوي حط سماعات بيونير مدري وش نوعها بالضبط بس لونها اصفر صوت قوي وروعه والسعر ماراح يكلفك شي
تحياتي يا مضيع حياتي
^^^^^
أقول
أغاني الحفلات والجلسات تكون خايسة بدون سيستم
السيستم لابد منه سواء للعربي أو الغربي
هلا اخواني انا ودي اركب سستم بس بدون اوفر
يعني سماعات وامبلافاير ... لان الاوفر يبيله قص حديد وزحمه واذا حطيته في الشنطه راح الصوت مكتوم
ابيكم تنصحوني على نوعيه جيده ومجربه وتكلفتها تقريبا يعني!!!!!
واللي يعرف محل في الدمام خبره في تركيب السماعات وعن تجربه يدلني عليه
والف شكر لكم..............
^^^^^
مع إحترامي
تركيب سماعة بدون أوفر مالها داعي حتى لو معاها أمبلي
ركب الأوفر في فتحة التكاية في المقعد الخلفي
نزل التكاية عشان يطلع الصوت
مافي لا تخريم ولا قص
تبغى نوعية جدية وسعر مناسب
سماعة كينوود 450 واط
أوفر 1000 واط كينوود
أمبلي فاير 1200 واط ماركة Akai
يكلف حوالي 1200 تقريبا
يا شباب ترى انتو مكبرين الموضوع وهو ما يستاهل
ترى السستم مزاج مو للاستعراض لان الي ماخذه للاستعراض شي اكيد انه يطفش منه
لكن بالنسبه ليه ترى مزاااااااااااااج انا ما يعجبني اسمع بالذات غربي الا على السستم عشان الدقات تطلع واضحه
حتى الجلسات كمان يعني ترى السستم يعتمد على الشخص نفسه
تقبلو مروري.
مواقع النشر (المفضلة)