مشكله .. اكورد 2003 .. تكفووون ساعدوني ابي حلللل

**مبكيني الفراق** · 10-06-2009, 05:24 AM

السلام عليكم ..
انا عضو جديد في هالمنتدى
وعندي مشكله وياري القى لها حل تعبت
احس اللي يفكر في الهوندا بدا يشيله من باله من اللي يشوفه من خرابات صعب الواحد يعرف من وين وايش السبب
انا عندي سيارتي
شريتها مستعمله
شيكتها كمبيوتر وكل امووري اوكي
بس واضح انه ماكله حادث من قبل وقلت معليه إذا خلصت الجامعه ماردي ببيعها
المهم
مر الاسبوع الاول ع خير
الاسبوع الثاني
كنت امشي وزي اللي تفصل البطاريه وترجع بسرعه وحتى عداد السرعه ينزل بسرعه ويرجه مكانه كل هالشي يصير بثانيه وحده والمسجل وكل شي بس هو مو من البطاريه لان لو من البطاريه كان حتى الساعه يبيلها تضبيط من جديد
المهم
شوي شوي
بدت فيها هزززه
عاد انا وديتها ورشه وقالي انت سيارتك فيها مشاكل في الكهرب
ولازم نغير الكويل
في عندك اثنين يبيلهم تغيير من اصل اربعه
المهم دفعنا 570 على هالكويل
وغيرنا البواجي واشوف السياره كأنها تمام مافيها هزه الا خفييييييف قالي اللي معي قوله مو عدله
قلناله مو عدله خلينا السياره عنده حاول يمين يسار يمين يسار قال كل شي اوكي مافي شي يسبب هالهزه ذي الهزه ذي تحس فيها دايم اذا وقفت وخليته على الدي وحتى لو خليتها على الأن لو ادقق الاحظ فيه هزه بعضهم قالوا طبيعيه بس اخوي عنده 2004 والله كأنها طافيه السياره من هدوئها ماشالله تبارك الله حتى لو على الدي
المهم
شلنا السياره وتهاوشنا معه ولا عطيناه ولا ريال
هع مسكين هالفلبيني
المهم بعدها بشهرين او كذا
بدا الريس يألف عندي
ويرقا وينزل ومايثبت وإذا شلت رجلك من الدعسه تمشي ثانيتين وزي اللي تنتع السياره مدري كيف والهزززه صارت بزياده واحيان اول مااشغل السياره والسياره بارده يكون الريس طااايح ع الاخير والسياره تننننننننننننفض بقووووووووووه تحس خلاص تتحطم ماتبي السياره هع وديناها ورشه البراهيم في الاحسا اكبر حراميه
المهم قالي عندك توماتيك الريس و البخاخات
ضبطناها
صارت السياره اوكي بس للحين هالهزه الخفيفه وقالي عندك الكراسي و وقتها مفلس نهبونا الحراميه
مشيت فيها الظاهر شهر ونص او شهرين وجيت عاد اللي حمسني اجي وشو
مره كنت بالسياره امشي وشوي اشوف واحد من اقربائي وافتح الدريشه واسلم عليه كنت مستعجل قال ماشالله والله برررد عندك الله يخلف علينا ويخلف ع اللومينا حقتي هع يستهبل عنده كابريس قديييييييم منتهي قلتله قووول ماشاالله قال ماشالله ماشاالله انا مو نضال قلت طيب
اليوم اللي بعده رحت الخبر وارجع مشغل المكيف ووضعي اوكي
حوالي بعدها بساعه شغلت السياره واحطه ع الأن واشغل المكيف ويوم احطه ع الدي بمشي الا يطفي المكيف
ايوووووووووووووووه
كأني توهقت
شالسالفه
لايكون سويت شي يدل على اني غشيم
يابوي يمين
يسار
ماي الاديتر
الفريون
اي شي
دور بدل
مااافيه
لا مروحه تشتغل
ولا فريون
ولا شييييي
طيب وديناها كذا ورشه وعجزوا
عاد انا وديتها لخوينا اللي صلح توماتيك الريس
ويخيسني اربعه ايام واجيه ولا حرررك ولا شي بالسياره طيب هاوشه
المهم باختصار
غيرت كل كراسي المكينه الا الكرسي مدري شسمه اكبر كرسي في السياره قالي سلييييييييييييم
قلت طيب
وضبطلي المكيف خسرت ع المكيف 1000 ويقول عندك الكهرب كله في السياره ملتمس والله ماشفت شي تصلح غير المكيف
المهم
نفس الهزه هالخفيفه
يقووولي طيب خفففت
قلتله وخفت ؟؟ شسوووويلها انا إذا خفت وهواش وماتم فلبيني وميكانيكي وبنغالي ماجا للسياره وكمبيوتر وعفسه كلهم يقولون سليييمه من كل شي
جا واحد فلبيني بيسوي بطل
قام يحوس وشال الكوويل ويوريني يقول عندك اثنين محروقين منتهين قلت مالي شغل اهم شي تضبط السياره قال ايه بتدعيلي قلت انشوفومدري شسوا وانا راكب في السياره احس السياره مافيها ولا هزززه قالي اوكي؟؟ قلتله اوكي قال اجل روح اشتر الكويل والبواجي قلت طيب
واروح اشتر وكل اموري ماشيه واخر شي نفس الشي بالضبط ماتغيرت
طيب هاوشهم كلهم من صغير الورشه لكبيرهم وخليت تركيب الكراسي كلهم ببلاش واطلع السياره
طيب واول ماطلعتها اذا حاطه ع الريوس او الدي اشوف الريس ينزل شووووي وتنفض السياره وعزم السياره من غيرت توماتيك الريس مو عاجبني الصق رجلي لاخر الدعسه وبالموت تثبت ع 180 مو بالموت بالموت بس احس كان عزمها اقوى بكثير
المهم من اليوم اللي بعده احس الريس ضبط ماقام ينزل
وهذاني احين رابع يوم من طلعتها من الورشه وهالهزه ذي للحين سواء ع الدي او الان تهتزبس الدي احس اقوى من الان خاصه اللي يسوق يلاحظ هالهزه لان اذا حطيت رجلك ع البريك وانت موقف السياره تلاحظ تهتز ونفس الشي الدركسون وعنندك إذا خليت الباب مفتوح تلاحظ الباب يهتز شوي
وديتها ورشه ثانيه وقالي طبيعي قالي جيبها بعدين امخمخ عليها قلتله سلام
وللحيييين هذاني معها
خسرنا حوالي 3000 من شريتها او اكثر وللحين ماااضبطت تخيلوا القى حل :p
صح اني تفلسفت عليكم وكتبتلكم قصه حياتي بس شسوي في ناس عودوني اتكلم بالتفاااصيل هع
لحد يقولي الكرسي اللي ماغيرته غيره قالولي سليم 100 بالميه و واضح ان الهزه احسها مو من كرسي ولا شي وكل ماوديتها لاحد او شافها احد قالي مكينتك سليمه 100 بالميه
تكفوووون لاتبخلووووون علي اللي يعرف وش الحل يقولي
عاد انا بعد بديت اسمع اصوات تحت السياره هع بس خلها بعدين كل هالاشيا امور بسيطه
معليش طولت عليكم
سلاااام
...

**بريق الصحوة** · 10-06-2009, 06:30 AM

للرفع عشان اهل الخبر ومبروك عليك السياره والله يعطيك خيرها ويكفيك شرها يارب

**slaitr** · 10-06-2009, 10:53 AM

احمد ربك انا دفعت 10 الاف ريال تقريبا
والى الان ماراحت الرجه والرجه قويه لدرجة اني اسمع اصوات الديكور
والرجه ما تطلع الا اذا حطيتها بـ d
وديتها ورشة الجنوب قالي يبيلها تصفية مكينه وتغير كرسي مكينه خلفي
سالته اذا تركتها بيصير شي
قال لا لان الكرسي نص عمر ما بتضر على السياره ان شاء الله
فانا انصحك انك توديها واحد متخصص في الهوندا وخله يفحصلك حساس الهوا
ولو تحدد مكانك عشان الاعضاء يفيدونك بالورش

**مبكيني الفراق** · 10-06-2009, 03:56 PM

المشاركة الأصلية كتبت بواسطة slaitr

احمد ربك انا دفعت 10 الاف ريال تقريبا

والى الان ماراحت الرجه والرجه قويه لدرجة اني اسمع اصوات الديكور
والرجه ما تطلع الا اذا حطيتها بـ d
وديتها ورشة الجنوب قالي يبيلها تصفية مكينه وتغير كرسي مكينه خلفي
سالته اذا تركتها بيصير شي
قال لا لان الكرسي نص عمر ما بتضر على السياره ان شاء الله
فانا انصحك انك توديها واحد متخصص في الهوندا وخله يفحصلك حساس الهوا

ولو تحدد مكانك عشان الاعضاء يفيدونك بالورش

الله
والله انت ماتخلي الواحد يتفائل هع
يعني انت الحين سيارتك ضبطت ولا لا؟؟
وامممم تهقى انا بعد يبيلها تصفيه مكينه؟؟
وبكم تصفيه المكينه؟؟
((انا الحين ادرس في الاحسا يعني اللي يعرف ورش في الاحسا يضبطنا ويارب ماتقولونلي هالورش اللي رحتها هع))

**مبكيني الفراق** · 10-06-2009, 03:58 PM

المشاركة الأصلية كتبت بواسطة بريق الصحوة

للرفع عشان اهل الخبر ومبروك عليك السياره والله يعطيك خيرها ويكفيك شرها يارب

يارب افهم
والله شكله جاها شرررها السياره هع
كلن مايعرف وش سبب الخرابات ونص العالم يقولونلي ترا عين والله مدري .. تووو ابوي قالي رووح حرررج عليها وإذا جابت قيمه عض على ثوووبك وحط رجلك هع يقول يمكن إذا عين بتروح
والله العالم

**B Unique** · 10-06-2009, 08:58 PM

اخوي تطمن مشكلتك ان شاء الله انها بسيطه
روح لاي ميكانيكي وخله ينطف لك الـ Throttle Body او منظم الهواء وان شاء الله ترتاح بعدها من شي اسمه رجه

**مبكيني الفراق** · 10-06-2009, 09:17 PM

المشاركة الأصلية كتبت بواسطة b unique

اخوي تطمن مشكلتك ان شاء الله انها بسيطه
روح لاي ميكانيكي وخله ينطف لك الـ throttle body او منظم الهواء وان شاء الله ترتاح بعدها من شي اسمه رجه

امممم
يعني اروح ورشه واقوله نظف لي منظم الهواء ؟؟
منظم الهوا هو الهوز؟؟
إذا هو .. انا غيرته بكبره وماشفت شي جديد ..ومو من زمان مغيره عشان بتقولي نظفه..توه قبل اسبوع ونص مغيره
انا شفت واحد من الاعضاء هنا قال انه نفس المشكله والريس ينزل.. بس انا كنه بدا يثبت شوي..
قال تنظيف المكينه بالزيت او شي زي كذا وبعدها غير الزيت ع ماظن.. ورد خوينا اللي فوق بعد غير
انا مدددررري احين وش المشكله حتى عزم السياره مو عاجبتني خير شر
ادعس الدعسه كللللها بالموت توصل 180 وحوالي حوالي تثبت ع 180 تجلس دقيقه عشان يوصل 190 وانت راص الدعسه كلها
اممم المهم يعطيك العافيه بس يااارب القى جواب واضح من الاعضاء لان كل واحد عنده جواب و245552 واحد خش الموضوع ومحد عطاني جوابه مع اني شفتت قبل كذا واحد اشتكى من هالمشكله هالهزه ذي

**slaitr** · 10-06-2009, 10:16 PM

المشاركة الأصلية كتبت بواسطة مبكيني الفراق

يعني انت الحين سيارتك ضبطت ولا لا؟؟
وامممم تهقى انا بعد يبيلها تصفيه مكينه؟؟
وبكم تصفيه المكينه؟؟

ما سويتلها تصفيه

ما ادري بس مثل ماقلتلك ودها لواحد متخصص في الهوندا
وان شاء الله اهل الشرقيه ما يقصرون معك

انا قالي التصفيه مع تغيير الكرسي بـ 150 ريال والقطع انا اجيبها
ولا تسألني عن القطع لاني ما اعرفها وياليت يجي واحد يفيدنا

**مبكيني الفراق** · 10-06-2009, 10:39 PM

المشاركة الأصلية كتبت بواسطة slaitr

ما سويتلها تصفيه

ما ادري بس مثل ماقلتلك ودها لواحد متخصص في الهوندا
وان شاء الله اهل الشرقيه ما يقصرون معك

انا قالي التصفيه مع تغيير الكرسي بـ 150 ريال والقطع انا اجيبها
ولا تسألني عن القطع لاني ما اعرفها وياليت يجي واحد يفيدنا

خخخخخ
من جد والله

**B Unique** · 10-06-2009, 11:30 PM

منظم الهوا هو القعطة المظللة باللون الاحمر :

وهذا الكربون اللي يتراكم وسط المنظم بعد فترة من الاستخدام واتوقع هو اللي مسبب لك الرجة واختلاف الـ RPM اللي تشتكي منه :

**مبكيني الفراق** · 11-06-2009, 12:04 AM

المشاركة الأصلية كتبت بواسطة B Unique

منظم الهوا هو القعطة المظللة باللون الاحمر :

وهذا الكربون اللي يتراكم وسط المنظم بعد فترة من الاستخدام واتوقع هو اللي مسبب لك الرجة واختلاف الـ RPM اللي تشتكي منه :

اهاا
اممم طيب انت برايك اغيره ولا انظفه ولا كيف
وإذا عندك خلفيه عن السعر لاهنت
لان مابقى عندي غير 300 :p من التصليح اللي قبل ماتم شي ماغيرته في السياره
ويعطيك الف عافيه

**مبكيني الفراق** · 11-06-2009, 12:14 AM

اممم بصراحه خشيت كذا موقع وبحثت بالنت وقالوا نفس كلام الاخ B Unique
انه من منظم الهواء
بس كلللهم اكدوا انه لازم ورشه متخصصه للهوندا

وفكه وتنظيفه كله بـ50 ريال
طيب اللي بالاحسا ابي ورشه متخصصه للهوندا وييين؟؟
ويعطييييييييييييييييييييييييييييييييييك الف الف عافيه اخووووي B Unique

**B Unique** · 11-06-2009, 12:18 AM

المشاركة الأصلية كتبت بواسطة مبكيني الفراق

اهاا
اممم طيب انت برايك اغيره ولا انظفه ولا كيف
وإذا عندك خلفيه عن السعر لاهنت
لان مابقى عندي غير 300 :p من التصليح اللي قبل ماتم شي ماغيرته في السياره
ويعطيك الف عافيه

ياخوي تكفيك الخساير اللي راحت على الفاضي
نظف المنظم بس وان شاء الله تنحل مشاكلك

**مبكيني الفراق** · 11-06-2009, 12:51 AM

ههه طييييب تسسسسسسسسسسسسلم ماااقصررررت

**accord 04** · 11-06-2009, 01:16 AM

اعرف واحد نفس المشكله .. و مثل ما اقول اخوي B Unique ..
طلع منظم الهواء ..

بس نظفه ما زبط معاه اعتفس ازيد .. بدله جديد بـ 1900 .. لكن لقى مستعمل بـ 1000 بس ما يضمنه ..

الله يعينك .. و قولنا وش صار معك

**مبكيني الفراق** · 11-06-2009, 02:37 AM

المشاركة الأصلية كتبت بواسطة accord 04

اعرف واحد نفس المشكله .. و مثل ما اقول اخوي b unique ..
طلع منظم الهواء ..

بس نظفه ما زبط معاه اعتفس ازيد .. بدله جديد بـ 1900 .. لكن لقى مستعمل بـ 1000 بس ما يضمنه ..

الله يعينك .. و قولنا وش صار معك

امااا 1900 تخيل عاد
لا انشاالله بس تنظيف انشاالله
م و ناقص انا
تبي الوالد يشنقني هع
قبل 3 اسابيع قالي بيعها طفشتنا هع

**امبراطور الاكورد** · 11-06-2009, 05:11 AM

المشكله نفسها بالضبط صارتلي بلومينا 2005 غيرت الثروتل من التشليح وراحت المشكله تقريبا

**sarab** · 18-06-2009, 12:30 AM

نفس الرجفة اللي عندك الحين بسيارتي

قالوا لي انة من منظم الهواء وفكيتة ونظفتة بس ماظبط قالوا اجل غير حساس منظم الهواء وسعرة ب 709 ريال مع الخصم

**مبكيني الفراق** · 18-06-2009, 01:38 AM

المشاركة الأصلية كتبت بواسطة sarab

نفس الرجفة اللي عندك الحين بسيارتي

قالوا لي انة من منظم الهواء وفكيتة ونظفتة بس ماظبط قالوا اجل غير حساس منظم الهواء وسعرة ب 709 ريال مع الخصم

اححح مو ناااقصين هالاسعار والله
لا يارب انها بسيييطه

**B Useful** · 18-06-2009, 02:31 AM

^^ الله يعينك اخوي وان شاء الله الحل وصل لك .. ^^

على طاري الخساير ... احس انك بتجيب فرشة اسنان وتنظفة بنفسك من القهر !!! :d

على طاري الخساير بعد ... كنت في ورشتي وقال لي المهندس غير غطا الرديتر ... قلت اية طيب ان شااااااااااء الله اني بغيرة <<< يعني ردد ياليل ما اطولك ... ترااااني بغيرة ...

الخسائر بسبب هالغطا اللعين اللي بـ 35 ريال اللي ما غيرتة .. اني غيرت مكينة بـ 3500 ريال + شغل يد 600 + كراسي مكينة مرة وحدة دامهم رافعين المكينة بحول 800 ريال ..!!! + غطا رديتر

غطا الرديتر كان الماء يتبخر منة من حرارتة ،،، الموية في الرديتر خلصت ،، المكينة مالها اي مبرد .. ثم زعلت المكينة وتوفت ...

**مبكيني الفراق** · 18-06-2009, 08:27 AM

المشاركة الأصلية كتبت بواسطة كوكو كورد

^^ الله يعينك اخوي وان شاء الله الحل وصل لك .. ^^
على طاري الخساير ... احس انك بتجيب فرشة اسنان وتنظفة بنفسك من القهر !!! :d
على طاري الخساير بعد ... كنت في ورشتي وقال لي المهندس غير غطا الرديتر ... قلت اية طيب ان شااااااااااء الله اني بغيرة <<< يعني ردد ياليل ما اطولك ... ترااااني بغيرة ...
الخسائر بسبب هالغطا اللعين اللي بـ 35 ريال اللي ما غيرتة .. اني غيرت مكينة بـ 3500 ريال + شغل يد 600 + كراسي مكينة مرة وحدة دامهم رافعين المكينة بحول 800 ريال ..!!! + غطا رديتر
غطا الرديتر كان الماء يتبخر منة من حرارتة ،،، الموية في الرديتر خلصت ،، المكينة مالها اي مبرد .. ثم زعلت المكينة وتوفت ...

هههههههههههههههههههههههههههههههههههههههههههه
طيب يارب محد يحطم احد
الا دام عندك ورشه إذا انت صادق اكيد بتعرف وش مشكلتنا ولا ؟؟
لاني الحين ضبببطت كل شي بالسياره بس ناقص فلتر الهوا وفلتر البنزين بغير فلتر الهوا السبت وبشوووف لاني الحين مسافر

**B Useful** · 18-06-2009, 12:55 PM

^^ لا تفهمني على كيفك خخخخ ... ميب ورشتي ... <<<< لكن كلمة ورشتي لها سالفة ما يعرفها الا كم واحد ^^

وصف الورشة :
وانت في طريق العروبة متجة (غرب) (متجة الى مستشفى العيون ) بيجيك تقاطع تركي بن عبد العزيز الاول ..
اطلع يسار
بتجيك اشارة ..
رح سيدة ..وخلك ماسك اقصى اليمين ..
الحين على يمينك مجمع الصناعية ..
ثاني مدخل على الخدمة خش يمين ... وعلى طول بتشوف لوحات ورش هوندا .... شف الورشة رقم 20 هذي هي ( ورشتي :d ) شغل مضمون وشغل يد رخيص ...

**green devil** · 21-06-2009, 04:34 AM

معليش على الرد المتأخر ...مررررررررررره اكثر شي متاخر ..

فيه واحد كان معه مازدا زووم ..وكان نفس مشكلتك ...تقريبا ...وكل الي سواه قاله ميكانيكي من منظم الهوا لازم يتنظف ...وسهل فكه ..كلها كم بلط ..خخخخخخ..وتفكه .ومنطف بخاخ اي سي ديلكو ..مخصص حق المنظم ..وبس ....
هذا اذا من المنظم
اما شغلت كراسي ما كراسي ..

سيارات موديها 88 مو 2000 ...مافيها حتى كراسي ...ما تنفض..ههههههههههه
وانا رايح الوكاله يقولي كراسي ..حرام عليك موديها 2008 ..تقولي كراسي ...ولا إلا يقولك ضبط rbm .قالك دتسن .ولا ايش..

يعني من جد فيه ناس ما تفهم وبالأخص الي في الوكاله في الدمام ...

بالتوفيق وان شاء الله تصير مثل الوكاله سيارتك .....واذا ما نفع وياك مره وحده سوا لها غسيل مكينه ب 30 ريال بس لا تغسل بالمويه ..اغسلها من داخل بالزيت مع تغيره طبعا ..هع ..سلام

وفلتر الهوا تغيره سهل كلها فك وتركيب بس سعره فوق 100 ريال ...على حد علمي ..اما حق البنزين روح حق واحد يعرف له ...علشان الضبط ..هذا الي يقلونه سلام

**slaitr** · 21-06-2009, 05:03 AM

^^^^
انا حطيت زيت غسيل مكينه عند قلف اكسبرس ونظفت فلتر الهوا
وكراسي المكينه لها 10 شهور والرجه الى الحين موجوده
ان شاء الله بجرب حل بي يونيك وانشوف النتيجه