بخصوص كفرات دانلوب

**اكورد (2006)** · 11-06-2009, 04:00 AM

السلام عليكم اليوم سئلت عن كفرات دانلوب في الغرابي مقاس (205.60.16) لجنط الفل سعرها 250 ريال وصناعتها يابانيه ومشلان كفرات الوكاله حوالي370ريال بصراحه دانلوب سعرها مغري بس مادري عن جودتها وشكرا.

**نحيب الاماكن** · 11-06-2009, 04:03 AM

والله ياخوك عندي دنلوب ونفس المقاس اللي ذكرته خذه وانت مغمض

اول شي ماتحس بالطريق ومريح لسيارة وجدا ممتاز ويتحمل الخطوط الطويله والحراره

ام ميشلان هو كويس بس عيبه يطلع صوت مع الوقت زي الحنه

**C R Y S T A L** · 11-06-2009, 04:05 AM

توكل على الله وركبها ~ انا لي سنتين مركبها وماشاء الله ناعمه على الخط وقويه في نفس الوقت

لكن انا انصحك ركب برجستون لانها جودتها افضل وانصحك تبعد عن ميشلان ~

وبالتوفيق ~

**امبراطور الاكورد** · 11-06-2009, 04:55 AM

ان كانت خطوط الكفر رياضيه انحش لانها تطلع صوت اذا هديت ولا لفيت زي صوت الجيوب (تفحط)

طيب جرب التويو ممتاز سعره 300 نفس المقاس انا مغير الدنلوب بسبب المشكله وركبت تويو

**ala77** · 11-06-2009, 10:34 AM

المشاركة الأصلية كتبت بواسطة امبراطور الاكورد

ان كانت خطوط الكفر رياضيه انحش لانها تطلع صوت اذا هديت ولا لفيت زي صوت الجيوب (تفحط)

طيب جرب التويو ممتاز سعره 300 نفس المقاس انا مغير الدنلوب بسبب المشكله وركبت تويو

كلام امبراطور الأكورد صحيح وهذا اللي حاصل معي، ألف ال U turn على سرعة 60 والصوت كأني أفحط

:o

**accord 04** · 11-06-2009, 12:11 PM

المشاركة الأصلية كتبت بواسطة ala77

كلام امبراطور الأكورد صحيح وهذا اللي حاصل معي، ألف ال U turn على سرعة 60 والصوت كأني أفحط

:o

اذا تدور و انت تمشي 60 اكيييييييييييييييييد بتطلع صوت الله يهديك :d

**عاشق HONDA** · 11-06-2009, 01:14 PM

المشاركة الأصلية كتبت بواسطة اكورد (2006)

السلام عليكم اليوم سئلت عن كفرات دانلوب في الغرابي مقاس (205.60.16) لجنط الفل سعرها 250 ريال وصناعتها يابانيه ومشلان كفرات الوكاله حوالي370ريال بصراحه دانلوب سعرها مغري بس مادري عن جودتها وشكرا.

اخوي انا امس كنت في الجفالي الي هو وكيل ميشلان وسألته عن سعر كفر الهوندا جنط 17 قالي 900 ريال

. انتبه من الي حصلته في الغرابي وتقول بـ 300 لا يكون مضروب او قديم ..

**برفسور الأكورد** · 11-06-2009, 01:27 PM

طيب يا شباب أنا بعد أبي أركب جنوط الفل 17 وش تنصحون بأي كفرات اركبها؟؟
بشرط انها تكون مريحه وعمليه ولا تطلع أصوات وثابته في الطريق وبسعر معقول
لأن الكفرات الموجوده في سيارتي ميشلان مقاس 16 وبصراحه الكفرات ماتصلح أبدً
لأنها أول شي تزلق إذا هديت بعض الاحيان تزلق الكفرات ويشتغل الا اي بي أس
وعلشان كذا ابي كفرات تريحني من ذا المشكله.
طبعاً على جنط الفل 17.

**abusadeem** · 11-06-2009, 03:57 PM

بصراحة الموضوع هذا لي اسبوع وانا اسأل وابحث عن افضل نوع كفرات لسيارتي اكورد جنط 16 وحبيت اشارككم باللي وصلت له من نتيجة تساعدني وتساعد الكل، اول شي انا مرتين وانا اركب دنلوب من الوكيل اللي بشارع الضباب لان بصراحة محلات الغرابي احسهم كله نصابين وبضاعتهم مغشوشة والكفر مو مجال للتقليد حتى لو الاصلي اغلى. سألت الوكيل عن كفر نفس المقاس الحالي 215-55-16 بس للاسف مالقيت عنده الا مقاس 215-60-16 وبسبب خوفي انه يأثر على عزم السيارة هونت منه وقررت اجرب غيره مع قناعتي التامة بالدنلوب، نسيت اقول لكم اني لقيت المقاس اللي انا ابيه عند الطيار بس للاسف وارد دبي وانتو عارفين سوء هالنوع.

سألت عن برجيستون تورانزا لانها اهدأ من البوتنزا بس لقيته غالي شوي 500 ريال. طبعاً سعر الدنلوب عن الوكيل 320 ريال.

الحين اللي في بالي وناوي عليه يوم السبت ان شاء الله اغير دنلوب مقاس مخلتف ويمكن يأثر على عزم السيارة لانها 4 سلندر او اغير تويو يمدحونه الناس بس ما جربته.

ياليت رايكم ومنكم نستفيد