لو انا مكانكـ
بخليهـ يقص اهو لي...
المعروف ان السياره يجي معها سبير بدون رموت
والاصلي رموت
السلام عليكم ورحمة الله وبركاته
اخواني الاعزاء
شريت قبل شهر هوندى اكورد موديل 2006 من المعارض اخذت السياره وعطاني مفتاح واحد فقط لونه مدري وش اللون بس ماهوب اسود ولا اعطاني مفتاح اللي فيه الريمورت كلمته قالي ظايع رحت من عنده بعد فتره بغيت افتح الدرج لاكنه مانفتح معاي كيف الحل ودلوني على افضل محل يسويلي ريمورت بالمفتاح غير الوكاله
وابغى منكم مكان الوكاله اللي بالشفاء في الرياض وينها بالتحديد وبالنسبه كيف اعرف ان السياره اربعه سرندل او سته سرندل
تكفون ابغى اجاباته
تقبلو تحياتي
التعديل الأخير تم بواسطة ابو ريما وبس ; 12-06-2009 الساعة 08:49 PM
لو انا مكانكـ
بخليهـ يقص اهو لي...
المعروف ان السياره يجي معها سبير بدون رموت
والاصلي رموت
تشتري سيارهـ وماتعرف هي اربعه ولا ستهـ ؟؟
الاربعه شكمان واحد والسته شكمانين
السته مكتوب على الشنطهـ انها 3.0
وبعدين مافيه وكالهـ بالشفا !! ؟؟
فيه بخريص وبالخالديه وبطريق العروبه بس ..
وللمفاتيح فيه محل اعرفهـ بالسليمانيهـ شغلهـ تمام ومجربه انا شخصيا ..
لكن دامك ماتبي الا بالشفا خلاص الله يعينكـ وتحصل اللي تبيهـ ..
4 سلندر = شكمان واحد
6 سلندر = شكمانين
ومكتوب بالخلف v6
:(
شكرا على الردود
اخوي اكورد 2008
وش فيك زعلان هدي اعصابك
بالنسبة لحق المفاتيح بالسليمانيه وينه بالتحديد وكم سعر المفتاح
وابغى منك الوكالة اللي في العروبه خلاص هونا من الشفا واحد مسوي فاهم قالي في الشفاء رحت ثلاث مرات لين دخت مترت الشارع ماحصلت شي
تقبلوا تحياتي جميعا
لا ياغالي ماني زعلان ولاشي ..
لكن واحد يشتري سيارهـ ثمن يسأل كيف يعرف الاربعه من الستهـ !! ..
اللي بالعروبه بس قطع غيار بس غير الفروع الثانيه على فكرهـ ..
وانت داخل طريق العروبه من نهايتهـ يعني لم جهه الدائري الغربي ..
ادخل وخل مستشفى العيون على يمينكـ سيدهـ عند صناعيه العروبه هو ..
بالضبط بنهايه الصناعيهـ على نفس الشارع العام اللي هو طريق العروبهـ ..
==
والمحل اللي بالسليمانيه ..
وانت بطريق الملك عبد العزيز ومتوجهـ شمال من عند دوار القاعده يجيكـ طريقق الامير ممدوح
ادخل معه يسار سيدهـ كيلو تقريبا يجيكـ على اليمين ..
اسمهـ ..
مركز المفتاح الالكتروني ..
مواقع النشر (المفضلة)