حآدٍثْ سيآرٍتي آكوٍرٍدْ [2008] ,, وِشْ تنصحوني فيه !!
السلآمْ عليكم ورحمة الله وركاته ~
مسآء الخير على الجميعْ وجمعه مبآركه عليكمْ ~
منتدآي العزيز وآخوآني الاعضاء ,
رجعتْ لكمْ بعد غيبه ولآكن للاسف رجعت بموضوع ماكنت اتمنى بيوم اني انزله ولآكن القدر والحمدالله على كل حال ,
نخشْ بالموضوعْ ~
امس الخميس صار علي حادثْ على طريق الرياض الخرج ,
صدمت الحاجز الي بين الشارعين ْ, الحمدالله جتْ سليمه ,
لآكن الموتر !! :(
[ الضربه جتْ في الصدآم الخلفيْ + الاصطب الايسرٍ ],
ابي مشورتكمْ ونصايحكمْ
. وين الاحسنْ اصلحها بالوكاله او اي ورشه ~
. وش تنصحوني اخذ صدام جديد بس اخاف انهم بيرشونه على نفسْ لون سيارتي وبالاخير مايطلع مثل اللون بالضبط ( اللون ذهبي )
او اخذ من تتشليح الحاير ,, او اسمكر فيه ؟؟
. وبالنسبه للاصطب هل يحتاج جديد او قطع بسيطه للتالف منها فقط ؟؟
. وكمْ سعر الاصطب والصدام مع الشغل بالوكاله ؟؟
. وكمْ تاخذ وقت لانْ عندي اختبارت بـٍ [الجامعه] وماأبي اتعطلْ
طبعآ الكلآمْ مايوضح الا بالصور وهذه الصوور واتمنىآ تعطوني مشورتكمْ ونصايحكم
7
7
7
بـٍ آنتظآرٍ رٍدٍوٍدٍكمْ يآخوآنْ ,,
التعديل الأخير تم بواسطة ! لـوـرـد آلاكـوـرـد ! ; 12-06-2009 الساعة 03:09 PM
الحمد لله على السلامه ..
صراحه لما دخلت الموضوع قلت السياره راحت تشليح من العنوان ..الله يكفينا واياك شر الحوادث
بالنسبه لسيارتك خلها على ماهي عليه الحين ولما تخلص اختبارات اشتغل عليها بروقان
اما التصليح فهو على حسب انت وش تبي الصدام يصلحونه عند محلات الفيبر ب50 ريال
ايضا لو بترشه في الوكاله اتوقع في حدود 600 ريال
الشمعة تغيير وبما انها انكسرت خذ لك طقم من الغرابي (الليد )
تحياتي لك وجمعه مباركه على جميع المسلمين
وعليكم السلامْ ،
مساك الله بالخيرْ ،
تكلفة الشغل
50 ريال شغل فيبر لصدامك الخلفي
الرش ما يتعدى 100 ريال اذا تبي منطقة الصدمه ،
ولا 200 ريال للصدام كامل ،
اسطب جديد بس ما ادري كم سعرهْ ،
بس اتوقع ما يتعدى 600 ريالْ ،
والسالفة كلها بالكثير يوم واحد ،
وترى شغل صدمتك بسيييييط جداً ما يحتاج وكالةْ ،
بالتوفيق ،
الرش كامل الصدام ب200؟؟المشاركة الأصلية كتبت بواسطة kakashi-san
طيب انا عندي الكبوت مبهق كم تتوقع يرشونه << جالس مكانه ويسأل ..روح اسأل بنفسك يالسوداني :d
تصدق انا شاري السياره مستعمله بعد كم شهر دققت في الرفرف اللي ع اليمين قدام اشوف لونه غيرر عن السياره شالسالفه ماكل حادث خوينا في الله بالرفرف بس مو واضح كثير يعني يوم دققت و واحد بس لاحظه غيري شرايك ينرش بعد؟؟
اسألتي كثيره هع :o
اذا كنت تبي مشورتي زينة في الوكالة صدام جديد 700 + رش بوية كميوتر ( فرن ) 600 = 1300
الاصطب الايسرٍ تقريبا 250
المجموع الكلي 1550
طبعن شغل وكالة بالرياص فرع خريص
وشكراااا
اولا حمدالله على سلامتك
ثانيا :
1550 ريال في الصدمه دي
ليه والله ما تكلف شي حرام تدخلها وكاله اصلا
و ما اعتقد الاصطب بــ 250 ريال في الوكاله
!!! اكــــــــورد عندما تعشق التـــــــميز !!!
يعطيكمْ العآفيه كل الي مرو هنا ~
بسْ يآشبآب ,, ابسالكم بوية الوكاله [الفرن] تفرق عن فرن الورش ولا لا
,, لاني حصلت رش الورش ارخص بكثييير
والشيء الثاااني الي ماجاوبتو عليه ,,
تشليح الحاااير تهقون بلاقي عندهم ؟؟
وهل فيه فرق بالسعر يسوىآ المشوره والقروشه بالحاير ولا بسْ فرق بسيط بينها وبين الجديد بالوكاله
والي يقول 1550 ,, طيبْ شغل اليد كم يابعدي عندهمْ :d
الاصطب جديد ب384
الصدام جديد ب500وشوي
الشغل رش وتركيب وكل شي ب700التكلفهـ 1600
نصيحه ورشه ارناج بالرياض غيرها لاتدور وابحث عنها بقوقل ارناج رح لواحد اسمه فوزي ولاجزمت راسلني خاص
ياطيب ابوصف لك على محل تلميع في حي المصيف بالرياض يرش لك مكان الحك ويضبط لك الصدام كل المواتر الي عنده لكازس ومرسدسات بس مادري كم بياخذ منك مكانه على طريق الملك عبدالعزيز شمال
المحل داخل محطة بنزين لتر قبل مطعم الرومانسيه
والصطب غيره جديد
الحمد الله على السلامه بسيطه وسهل
بخصوص الصدام لا تغيره ابدا بس رشه في اى ورشه وشوف ورشه محترمه
الاسطب بسعر 245 ريال
اللي يسأل عن الرش ،
انا راش صدام موتري + المرايات + تلميع داخلي وخارجي بـ 550 ريالْ بسْ ،
عند محل تلميع عندنا ، يا شيخ شغلة احلى من الوكااااالهْ ،
وشاف السيارة شريطي وما عرف انها مرشوشهْ ، :d
بلا وكالة بلا بطيخْ ،
قبل ما تخلي محل التلميع يشتغل في سيارتك ، اشرط عليه اذا فيه اختلاف في اللون ما راح اسلتم السيارةْ ،
أو استلمها وما ادفع لك شيءْ ،
سلام
حلوو
اصلا انت من الاحسا ومن الهفوف بعد واحس اني شايف موترك عند كليتنا شكلك معي بالكليه:dبجامعه الملك فيصل
طيب وش الورشه اللي رشيت عندها خلاص عزمت ارش الكبوت انا
ضوابط المشاركة
رد مع اقتباس
مواقع النشر (المفضلة)